Daniel 6:18 - DAWAN BÎLA AISKA

¹⁸ Baha ningkara king mahka wan ai watla ra, bara plun sin piras ai krikrika ra aitnikan, miusik kangbaia dukia nani sâtka kumi sin yan ai mawanra brih balras kan, baha tihmika aiska king ba yapras kan.

Daniel 6:18 ပူးပေါင်းရင်းမြစ်များ

2 Samuil 19:24

Mefi-bóset, Saúl luhpia ba sin bal takan, king wal prawaia. Baha yua king taki wan ba wina, witin kli yamni pain tawi balan ba kat, witin ai mina sikbras, ai unmaya sin irbras, ai prâka sin tuskras kan.

1 King Nani 21:27

Bara Ahab naha bîla nani sut walan, bara ai prâka nani kalkan bara sari kwalka diman, plun sin piras, baha kwalka wal ban yapan, bara ai kupia bawikira ban tauki kan.

Ester 6:1

Baha sim tihmika, king ba sip yapras kan; bara win wauhtaya ulbanka nani bri ba brih balbia dukiara, baha wauhkataya ra diara tara nani tawan ra takan ulbi mangkan ba, bara ai mawanra aisi kaikbia.

Job 21:12

Arp kangban binka wali, drum nani prukan, plut nani puhban binka wali, luhpia nani ba lilia pali srutwi pulisa.

Lawana Nani 137:2

Tnasu dusa nani tawan bilara ba ra, arpki nani ba pami banhri.

Lawana Nani 77:4

¡Man, Dawan, ai swiram sip yapras, sinski lap tiwan na mita, sturi sin sip aisaras sna!

Smasmalkra 2:8

Gul bara silbar, yang ailal kuki briri, baha ba kainara king wala nani dukia kan, bara tasba tara wala nani sin. Aiwawanra waitna, mairin sin briri, upla kira lilia takaia lâka briri, bara lili mairin nani ailal, ailal sin briri.

Inanka Nani 3:53

raya kapri liwanhta kum ra ai bikan bara walpa tara kum purira yakabi ai bikan.

Daniel 10:3

Plun auhni nani piras katna, wîna bara wain sin kangbras katna, isint sin wîni ra mangkras katna baha wik yumhpa luan ba kat.

Daniel 2:1

King Nabucodonosor mani wâl king aimaki kan ba piua ra, witin yaprisauhkan kaikan, bara baha kaikan kata ba wina witin pali ai kupia wal uya pali aisi sip yapras kan.

Daniel 6:19

Titan pali ra king ba buan, bara pat pali layan nani watla ra wan.

Param Marikanka 18:22

Bara yabalkam nani bilara arp nani binka, plut nani binka, trumpit nani binka sin kli walbia apia; wark tatakra sât sât sin man ra kli âpu kabia, akbaia walpaya binka ba sin man ra kli walbia apia.