Daniel 6:16 - DAWAN BÎLA AISKA

¹⁶ Bamna king bui win, Daniel ba bri sal layan nani watla ra lulkan kabia. Sakuna kau layan nani watla ra lulkras kan ba ra, king bui Daniel ra win: —¡Gâdkam, man witinka dukia kasakka tânka ra daukisma ba mita, swaki mai sâkbia!

Daniel 6:16 ပူးပေါင်းရင်းမြစ်များ

2 Samuil 3:39

Baha mita, Gâd bâk ai saki king ai mangkan, ban sakuna swapni ai sakan daira walisna, Seruiá luhpia nani baku pali saurka tara daukan ba mita. ¡Naha watawika lâka na ya pali mita daukan ba, witin ai mana dîa briaia kan ba aitani sa Dawan bui witin ra yabia!

Job 5:19

Kli kli pât wina dakbi mai saki kabia, bara ban saura ba swika ban man ra mai alkbia apia.

Sins Lâka 29:25

Upla ra uya sibrin briaia ba wan mina alkaia kiwka wan mangkisa, sakuna Dawan ra luki tniwi uplika ba laih purara bukan kabia.

Aiseya 41:10

Si bripara, kan yang lika man wal sna; dring prupara, kan yang lika man Gâdkam sna. Karna mai daukisna, piua bani hilp mai munamna. Piu bani tâm baikamna mihti aihkika pura luan lâka bri ba wal.

Aiseya 43:2

Man lî nani bâk lui wama ba ra, yang sin man wal bâra kamna, bara awala nani luma kaka, lî dih pruma apia. Pauta klauhan lama bâk luma sin, mai angkbia apia, pauta lakni ba sin mai ambia apia.

Jirimaya 26:14

Yang maipara, yang lika man nani mihtam ra sna; man nani daukaia yamni sa lukisma ba dauks.

Jirimaya 38:5

Bara king Sedequías pana witin nani ra win: —Aisaram ba aitani, bamna man nani bui witin ra dîa munaia lukisma ba dauks. Man nani mampara yang diara daukaia sip apia sna.

Jirimaya 38:6

Bara witin nani Jirimaya ba alki wihta tara Malquías laya watla ra mangki swin, aihwawakra latka ra bâra ba. Lî watla ba lî âpu drapapa baman kan, bara witin kialira ni witin ba wilki bâra lahban, bamna Jirimaya drapapa ra rungwan.

Jirimaya 39:17

Sakuna yang kainam kahbamna, bara baha uplika nani sîa mai dauki ba mihta ra aimakma apia. Yang, Dawan, kasak aisisna.

Daniel 3:15

¿Man nani ba wilin pali sma ki, baha miusik kangbaia dukia nani ba binka walma ba ra, yang mita wîri lilka dauki bapan ba ra bawi mayunaia? Man nani bawi mayunras sma kaka, nanara baha kubus pauta klauhan tara ba ra mai lulkan kabia; ¿ani gâdka swaki mai sakaia sip kabia?

Daniel 3:17

Yang nani Gâdki, witin ra mayuni banhwisna ba sip sa baha kubuska pauta klauhan tara ba wina, bara dîa saura wala kra sin, man king tara, ai munaia lukma ba wina swaki ai saki banhwaia.

Daniel 3:28

Baha pali minitka ra, Nabucodonosor wini aisin: “Sadrac, Mesac bara Abed-negó Gâdka ra mayunan kabia, witin ai insalka blikan ai napakan kasakkira nani ba swaki sakaia, witin nani king dîa lâ mangkan ba kulkras, kanra yamni lukan pruaia gâd nani ra bawi mayunaia kaka, baha nani witin nani ai Gâdka pali apia ba.

Daniel 6:20

Bara layan nani watla ba lamara auya kan ba ra, king ba sarikira wal ai bîla saki Daniel ra wini, win: —Daniel, Gâd rayakira dukia dadaukra sma ba, ¿baha Gâdka kasak tânka ra dukia daukisma ba, layan nani wina swaki mai sakan sa ki?

Daniel 6:7

Baha kingka tasbaya wihtka nani ba sut asla takanka kumi brin, baha asla takanka ra lâ kumi dauki banhwan, yu 30 ba kat, upla kumi sin ai gâdka ra sapa, upla ra sapa sin ai pura sunan kaia apia, king ra baman lika, ya naha bîla na kulkras kabia kaka, layan nani watla ra lulkan kabia.

Apastil Nani Sturka 24:27

Baku mani wâl luan, bara Porcio Festo ba Félix watlika ra wihta tara aimakan. Félix ba Ju nani wal pain kaia wisi, Pal ba silak ra ban swin.

Apastil Nani Sturka 25:11

Yang diara saura kum daukri bara pruaia aitani kaka, yang wilin sna pruaia. Sakuna daihra kwahki nani sut ba kasak apia kaka, upla kumi mita sin sip apia witin nani mihta ra ai mangkaia. Bamna yang makabisna Rom kingka mita lâika ba daukbia.

Apastil Nani Sturka 25:9

Sakuna Festo lika Ju nani wal pain kaia ba dukiara, Pal ra makabi walan: —¿Man Jerusalem ra waia want sma ki, bahara yang lâmka daukaia?

Roman 13:3

Kan tasba wihtka nani ba diara pain dauki uplika nani ra saura munaia mangkras sa, sakuna saura dauki nani ra lika. ¿Bamna man ba tasba wihtka nani sibrinka âpu iwi kaia mai daukisa ki? Pain bas, bara tasba wihtka nani ba mita pât ra mai dingkbia apia.

2 Korint 1:10

Gâd bui yang nani ra swaki ai sakan bara kau ban sin swaki ai sakisa, prura pâtka tara ba wina. Yang nani kainira lukaia lâka ba witin kat mangki swiri sa, piua bani ban swaki ai saki kabia,