Daniel 6:10 - DAWAN BÎLA AISKA

¹⁰ Daniel walan baha lâka ba ulbi daukan, witin ai watla ra wih ai yapaika windarka ba sakan, baha windarka ba Jerusalem tani ra kan, bamna witin ai lula kriki Gâd ra ai pura suni mayuni kan, naha na witin dauki kan yu bani aima yumhpa, baku witin dauki kata piua bani.

Daniel 6:10 ပူးပေါင်းရင်းမြစ်များ

1 King Nani 8:30

Baku bamna, albikam pura sunra ba walma, bara uplikam Israel luhpia nani sin, naha watla ra bal ai pura suni ba walma. Man iwaikam kasbrika purara pali ba wina wali kama, pâtka ba sin ban swih tikma.

1 King Nani 8:38

pura sunra nani, makabanka nani kra ani uplika bal daukbia, apia kaka man uplikam Israel luhpia nani tilara ban kra ya ai kupia ra pâtka ba ai dahra walbia kaka, naha tempel ra bal ai mihta buki ai pura sunbia sa kaka,

1 King Nani 8:44

“Uplikam nani ai waihla nani mapara aiklabaia taki wabia ani anira man blîkma ba, witin nani man ra ai pura sunbia, man tawan bâk sakram ba ra kaiki, bara tempel watla yang mita paskri ba ra sin;

1 King Nani 8:54

Salaman Dawan ra ai pura suni makabanka ba sut tnata alkan ba ningkara, witin ai lula krikan kan ba wina buan, Dawan altarka mawan tani ra bara ai mihta kasbrika purara tani ra bukan,

2 Kronikas 6:13

Tempel bilara purara uli bûi aisaia pliska kum Salaman paskan bras ni, 8 pît skwir 5 pît purara, witin bahara uli Israel luhpia nani sut mawanra, ai mihta purara buki ai lula krikan,

2 Kronikas 6:38

bara witin nani ai kupia aiska, ai sulka aiska lakbia kaka, ai waihla nani tasbaya ra priski brih wan ba wina, ai damika tasbaya nani yaram ba tani ra tawi, naha tawanka man mita bâk sakram na, bara naha watla man ninam ra paskri na tani ra tawi ai pura sunbia kaka,

Esdras 9:5

Bara baha piua kat, yang kupi wirhika ba wina buri, bara prâika kalkri ba ban dimi, mahka Dawan Gâdki ra puri sunri,

Nihimaya 6:11

Sakuna yang pana wîri: “Yang baku waitna nani ba lika, plapras bara tempel ra sin dimras pruaia apia dukiara. Yang lika tempel ra dimamna apia.”

Lawana Nani 34:1

Yang yu bani Dawan ra yamni pali wimni; witin ra mayunaia ba, yang bîli nani ba yu bani ridi kabia.

Lawana Nani 5:7

Sakuna yang maipara lika, latwan kaikaia lâka tara brisma ba mita, tempelkam ra dimaia sip sna; ¡man tempelkam bâk saki brisma ba tani ra kaiki, mai kulkaia lâka aiska ni mamyunamni!

Lawana Nani 55:17

Yang titan ra, tutni ra bara tihmia ra sin brukwi bara ini maimna lulki kamni, bara witin bîli baikra ba walbia.

Lawana Nani 86:3

Dawan, kupiam swapnika ba aik, man ra awar bani winisni.

Lawana Nani 95:6

Man nani bal, wan lula ra bawi witin ra mayunpi; Dawan mawanra wan lula krikpi, kan witin wan paskan bamna.

Daniel 6:13

Bamna witin nani ban aisi, win: —Daniel lika, priski Juda wina brih balan ba tila wina kumika sa, witin ba man ra king mai kulkras sa, man lâ mangkram ba sin kulkras, witin yu bani aima yumhpa ban ai pura sunisa.

Daniel 9:4

Dawan Gâdki ra puri sunri, bara naha dahra na wîri: ‘Dawan, man lika Gâd karnakira pali sma ba, piua bani man dîa aisisma ba daukisma, bara man lamtwanka lâka tânka ba pliki kaikisma ya man ra latwan mai kaikisa, bara lâmka bîla nani kat sin dauki ba:

Jona 2:4

Yang lukri man lamam wina ai saki ai lulkram; tempelkam holikira ba kli kaikamna apia wîri.

Mark 3:3

Bara Jisas bila mihta lâwan waitnika ra: —Bal lila na kat bus.

Luk 14:26

“Upla kumi yang ra aula, sakuna witin ai aisika, ai yaptika, ai maya, ai luhpia nani, ai muihni nani, ai lakra nani bara ai rayaka ba sin bahki kulkras kaka, witin sip yang disaipilki kabia apia.

Luk 22:41

Ningkara, Jisas witin nani wina dakwi takan, sim walpa kum lulkan praiska ba baku, bara bahara witin ai lula krikan ai pura sunaia.

Apastil Nani Sturka 10:9

Yu wala witin nani impaki pat Jope lamara balan ba ra, yu ba 12 aklak baku kan, Pita mita utla bahna ra uli wan ai pura sunaia.

Apastil Nani Sturka 2:15

Naha uplika nani na bla apia sa man nani lukisma ba baku, kan nanara lika kau titan 9 aklak sa bamna.

Apastil Nani Sturka 20:24

Sakuna naha diara nani na mita lika kupi ra trabil ai munras. Yang pali rayaki sin bahki kulkisni, sakuna naha baman aitani lukamna: plapaia yabalka ba tnata kat liliakira plapamna kaka, bara baha warkka Dawan Jisas mita mihti ra mangkan ba tnata kat daukamna kaka, Gâd latwanka lâka sturka painkira upla nani ra witnis aisaia ba sin.

Apastil Nani Sturka 20:36

Naha diara nani aisin ningkara, Pal ai lula kriki baha nani sut aikuki ai pura sunan.

Apastil Nani Sturka 21:5

Sakuna wik kum ba luan ningkara, yang nani mahka taki impakri. Lalukra nani sut ai maya mairin nani, ai luhpia nani aikuki yang nani yuli kahbi tawan ba wina takan, bara auhya ra luli kriki, puri suni banhri.

Apastil Nani Sturka 3:1

Yu kumi, tutni 3 aklak pura sunaia piua ra, Pita Jan wal tempel ra uli wan.

Apastil Nani Sturka 4:29

Bara nanara, Dawan, kaiks witin nani sirang wan iki ba, kuna man nampakan nani ra kupia karna dauks, man smalkankam ba sibrin âpu aisaia ba dukiara.

Apastil Nani Sturka 5:20

“Man nani tempel ra wih, upla nani ra naha raya sturka yamni na, param aisi smalks.”

Apastil Nani Sturka 5:29

Sakuna Pita bara apastil wala nani sut, naku win: —Yang nani Gâd bîla ba kau walaia sna, upla nani ra lika apia.

Apastil Nani Sturka 7:60

Baha ningkara, witin ai lula kriki ai bîla baikra karna wini aisin: “¡Dawan, naha saurka na witin nani ra kulkpara!” Bara naha aisin ningkara, pruan.

Apastil Nani Sturka 9:40

Ningkara, Pita win baha nani sut ba latara takbia, bara witin ai lula kriki ai pura sunan. Mairka pruan ba kat kaiki, naku win: —¡Tabitá, man mahka bus! Bamna mairka ba ai nakra ilingki Pita ra tawi kaikan, bara mahka bûi iwan.

Epesus 3:14

Baha tâwan Aisa mawanra luli krikisna,

Pilipai 1:14

Bara silak ra sna ai kaiki, wan muihni nani ailal Dawan ra kau kasak luki ai tâ baiki, Gâd sturka yamni ba sibrin âpu smalki banhwisa.

Pilipai 1:20

Kan yang kasak lukisna Gâd bui yang ra ai swibia apia saura ra waia, sakuna kasak luki aisi kamna, bamna nanara bara piu bani ra sin, Kraist mayunaia tânka ba yang wîni ra kau pali upla nani mita kaikbia, raya kamna bara pruri kamna kra sin.

Pilipai 4:6

Man nani diara kumi dukiara sin sari takpara, sakuna dîa dîa luha sma ba sut, Gâd ra puram sunra nani ra wis, makabi bas bara tingki sin wis.

Kolosi 3:17

Dîa dîa daukma, apia kaka aisama ba sut, Dawan Jisas nina ra dauki bas. Witinka bâk Gâd wan Aisa ra tingki wi bas.

Hibru Nani 13:15

Baha mita, piu bani Jisas Kraist bâk yawan bui Gâd ra mayunra yabaia sa. Naha mayunra sika yawan sakripais dauki yabaia ba; tânka ba lika, wan bîla baikra nani wal ai nina ba mayunaia.

Hibru Nani 4:16

Baha mita, kaisa yawan wan kupia brih, wan Gâdka latwankira king iwaika lamara waia. Bahara yawan umpira kaikan lâka bribia, bara witin ai kupia yamnika ba mita, yawan hilp want awarka ra witin hilp wankbia.

Param Marikanka 2:10

Pât wahwaia sma ba si bripara; kan man nani tilam wina kum kum ba dibil mita silak ra mangkbia, sut traikam kaikaia dukiara; bara yu matawalsip man nani pât wahwaia kama. Bamna pruma ba kat kasak bas, bara yang raya kaia kraunka ba maikamna.

Param Marikanka 2:13

Yang kaikisna, man ba Sitan king aimaki pliska ra iwisma, sakuna man lika yang tâiwan kasak pali ban sma. Antipas mita, yang witniski kasakkira ba, man nani tilamra Sitan iwi pliska ra ikan piua ra, man lika yang ra ban kasak luki kapram.