Daniel 5:7 - DAWAN BÎLA AISKA

⁷ Ningkara ai bîla baikra tara winan, diara kakaira nani, sins lâka kakaira nani, bara slilma tânka plaplikra nani Babilon ra banhwi ba sut paiwaia, bara witin nani ra win: —Bahara ulban ba ya aisi kaiki bara tânka saki ai wibia ba, kwalka balianta ba yaka dimbia, ai nana ra gul ni paskan sînka kum bri kabia bara yang, king aimakisna ba iwaika ra, karnika yumhpika ba witin alki kabia.

Daniel 5:7 ပူးပေါင်းရင်းမြစ်များ

Blasi Sturka 41:8

Bara yu baiwan titan ra, witin baha kaikan ba dukiara luki kasak ai kupia wal aisi kan. Bara adar yaban Idsip ra bahmuna diara kakaira sinskira nani bâra ba sut paiwi bri balaia. Sinskira nani ba balan, bara king fero witin yaprisauhkan kaikan ba tânka sut baha nani ra win. Sakuna witin nani tila wina kumi sin sip yaprisauhkan kaikan tânka ba laki param saki sip wiras kan.

Ester 3:1

Naha diara nani ningkara, king Asuero mita Amán, Hamedata luhpia, Agag kiamka ba, tawan lalka tara mangkan, baku sin wihta wala nani bâra kan ba sut purkara ai iwaika ba yan.

Impakan Sturka 7:11

Bara king fero ai uplika sinskira tara bara sukia nani ba sut paiwi bri balan, bara baha nani sin Eran daukan ba baku daukata.

Sins Lâka 1:9

Kan man mampara prana kum painkira kabia: Sim lilura awa kum, apia kaka kraun kum baku.

Yamni Kulki Lawana 1:10

¡Mamwan lupia nani ba painkira pali sa, kiamam lula nani lilapas ra! Namna ba sin pranakira pali sa, walpa manakira lilurka nani prana nani sakahkan tilara.

Aiseya 47:13

Lâ smalki, kupiam krauki nani ailal bri katma tilara, ban swapni takram. ¡Witin nani nanara bal bubia bara tâmwan aisabia, kasbrika pura tânka plaplikra nani ba mawanra, diara nani puramra aula ba kaikan dahra mai wiaia dukiara!

Jirimaya 50:35

Dawan aisisa: “¡War ba Babilon purara uplika nani purara sa! ¡Wihta nani bara sinskira nani ba purara!

Isikiel 16:11

Diara manakira aikuki mai skahki, bangkil nani klamhkla ra mangkri bara namna ra mangkaika sin maikatna.

Daniel 1:20

Sins lâka nani sut bara diara tânka kaikaia lâka sut, king dukiara witin nani ra makabi walan, bara kaikan witin nani aima matawalsip prais kau sinskira kan ai kingka tasbaya ra âiulbra nani bara smaya kakaira nani sut ba wal.

Daniel 1:4

wahma nani, siknis âpu nani, skahwa apia ba, kulkanka tara bri bara sinskira nani, sins lâka bri ba, diara tânka kaikaia lâka mapara sip ba, baha nani king watla ra takaskaia. Witin nani ra smalkan kabia Caldea uplika nani bîla aisaia bara ulbaia tânka ba sin.

Daniel 2:2

Bara witin bui âiulbra nani, smaya kakaira nani, sukia nani, sinskira nani sin paiwan, baha yaprisauhkanka tânka witin ra wibia dukiara. Witin nani wan king mawanra bûi banhwan,

Daniel 2:27

Daniel pana win: —Upla sinskira kumi sin âpu sa, âiulbra kra, smaya kaiki ba sapa, sukia, slilma tânka plaplikra sapa, man king tara baha yaprisauhkankam kaikram ba tânka nani sut mai wiaia.

Daniel 2:48

Baha ningkara Daniel ba wark tara kum pura wihtka mangkan, bara prisant pranakira nani sin uya yan, baha purkara Babilon tasbaya aiska wihtka tara mangkan, bara baha tasbaya aiska ra sinskira nani ba wihtka sin mangkan.

Daniel 2:6

Sakuna yaprisauhkan kaikri ba ai wima kaka bara ai tânka ba sin, yang bui man nani ra diara tara prisant maikamna, bara mayunra kulkanka lâka tara brima. Baku bamna yaprisauhkanki ba bara tânka ba sin man nani ai wis.

Daniel 4:14

ai bîla baikra karna wini, naku aisin: Dus ba klaks kauhbia, ai tnawa nani ba sin klaki sâks, ai wahia nani ba dauhbi sâks, ai mâ nani ba yakabrira dauks, daiwan wail nani ai mununhtara banhwi ba sut taki plapbia, ai tnawa nani ra piawira nani bâra ba sin pâlbia.

Daniel 5:11

Man kingkam tasbaya ra waitna kumi bâra sa, Gâd holikira spiritka ba witin wal sa. Bamna man aisikam king aimaki kan piua ra, baha waitnika ba bui marikan kata nahki witin ai sinska lâka tânka ba, witin ba sinskira, diara tânka kakaira pali sa, dawan nani ba baku. Baha mita, man aisikam king Nabucodonosor, baha waitnika sinskira nani, sins lâka kakaira nani, bara slilma tânka plaplikra nani, baha tasbaya ra ba sut lalka mangkan kata.

Daniel 5:15

Baku bamna, naha tasbaya ra upla sinskira nani ba nâra sa baha ulbanka ba aisi kaiki ai tânka ba ai wiaia dukiara, sakuna witin nani tânka briras pali sa.

Daniel 5:16

Ban sakuna, walri man sip sma twisa sât wala aisi ba lakaia, bara diara karna nani sin wapni ra laki mangkaia. Bamna man sip sma kaka baha bîla nani ba aisi kaiki, bara ai tânka nani ba sin ai wima kaka, yarka kwala balianta ba mai dingkan kaia, namna ra sin gul ni daukan sînka ba mangkan kabia, bara yang, king aimakisna tasbaya purara, karnika alki ba yumhpika ba man kama.

Daniel 5:29

Baha ningkara, king Belsasar bui win Daniel ba kwala balianta nani wal dingkan kabia, ai nana ra sin mangkbia gul ni awa daukan ba, bara sin maisa pakan baha pali piua ra, Daniel ba ai king tasbaya ra karnika alki ba tilara yumhpika ba kabia.

Kulki Kaikanka 22:17

Yang bui man ra mayunra lâka kau tara ba maikamna, man bui dîa ai makama ba sut, yang daukamna; sakuna man takaskpara, bal bara naha uplika nani ra saura wis.’

Kulki Kaikanka 22:7

Moab bara Madián almukka nani sut ai mihta ra lalah nani bri aidrubi wan, lahtuban bîla nani aisabia ba mana aibapaia dukiara. Witin nani Balaam bâra kan ba kat wan ba ra, Balac ai bîla blikan ba maisa pakan.

Kulki Kaikanka 24:11

Bara kau kanra yamni sa, wamtla ra mahka wama. Yang pramis mai munri mayunra tara maikaia, sakuna Dawan mita baha yamnika ba takaskan.

1 Samuil 17:25

bara win: “¿Man nani pat kaikram waitnika taki balan ba? Israel ra bit munaia balan, ya witin pura lubia ba king wina ai yuyaka manis witin ra yabia, ai luhpia mairin ba ai maya baikbia bara ai taya nani sut ba ai lal mana sin aibapbia apia.”