Daniel 5:28 - DAWAN BÎLA AISKA

²⁸ PARSÍN: Man kingkam lâka ba baiki sakan sa, bamna Media nani bara Persia uplika nani mihta ra mangkan sa.

Daniel 5:28 ပူးပေါင်းရင်းမြစ်များ

2 Kronikas 36:23

“Ciro, Persia kingka, naku lâ mangkisa: Dawan ba, kasbrika purara nani Gâdka ba, yang mihti ra mangkan sa tasba ra king nani ba sut, bara sin ai win sa ai tempelka kum Jerusalem ra paskaia, baha lika Juda tasbaya pîska ra. Baku bamna, man nani tilamra Dawan uplika sma kaka, bahara was bara Dawan Gâdkam bui hilp mai munbia.”

Aiseya 13:17

Kaiks yang Media uplika nani ba tatukbamna witin nani mapara waia, witin nani silbar nani ba wina yus munbia apia; gul ra sin tawi kaikbia apia wahma bara tiara.

Aiseya 21:2

Diara aihka saura karna pali kan Dawan mairikan ba pât ra dadingkra ba, upla pât dingkisa, sauhki tatikra ba sauhki tikisa. ¡Elam, bus! ¡Media uplika nani, dimi alks! ¡Brukwi ba kau walan ai daukras!

Aiseya 47:11

Sakuna diara saura ba ban man puramra balbia, sukia warkka daukisma ba mita sip takaskbia apia; diara saura tara kum man puramra kauhbia, man mita sip takaskma apia; pât kum man bîla kaikras sma ba damra walras kira aihni puramra balbia.

Jirimaya 25:13

Yang dîa aisari nani ba sut naha kuntrika purara batakamna, naha wauhkataya ra dîa ulban ba sin: Jirimaya sin naha nisanka nani mapara yang nini ra dahra aisin ba sin sut.

Jirimaya 51:28

Nisan nani ba wis aiklabaia ridi takaia Media kingka nani ba wis, wihta tara nani ba bara wihta nani ba sin sut, witin ai lâka ra iwi ba tasbaya nani sut.”

Daniel 2:32

Baha lilka lal ba gul aihwa wal paskan kata; lama dusa bara klahkla nani ba silbar ni paskan, biara bara kuhma nani ba lika bras ni;

Daniel 2:39

Bamna, man king tara, kingkam lâka ba ningkara king lâka wala mâyara kum bal takbia, baha ningkara king lâka yumhpika ba sika bras kabia, tasba aiska purara karnika alki bri kabia.

Daniel 5:31

bara Darío Media wina ba ai king tasbaya ba alki brin. Baha piua ra Darío ba 62 mani bri kan.

Daniel 6:28

Daniel ba king Darío tasbaya ra ban kulkan lâka ba alki kata, bara king Ciro Persia kingka aimakan ba piua ra sin.

Daniel 6:8

Baku bamna, king tara, naha lâka na aitani kulki ninam uls, naha lâka na slingban kabia apia dukiara. Media bara Persia wal lâka ba kat dauks, lâka na krikan kabia apia dukiara.

Daniel 8:20

‘Sîp wainhka aringka wâl bri kan kaikram ba sika Media bara Persia wal kingka nani tânka ba,

Daniel 9:1

“Darío, Asuero luhpia Media kiamka ba, witin Caldea nani tasbaya ra king aimakan.

Apastil Nani Sturka 2:9

Yawan nâra na lika kuntri sât sât wina nani sa: Partia, Media, Elam, Mesopotamia, Capadocia, Ponto, Asia kuntrika tani wina,