Daniel 5:12 - DAWAN BÎLA AISKA

¹² Daniel ba king mita Beltsasar mâkan ba, witin sika spirit aihka tara kum bri kan, diara tânka kaikaia lâka, sins lâka sin bri kan, yaprisauhkan nani tânka kaikaia, bîla aihka nani tânka bara aihkakira wala nani tânka sakaia sin nu sa. Bamna king, Daniel ba paiws, bara witin bui baha utla tnaya ra ulban ba tânka mai wibia.

Daniel 5:12 ပူးပေါင်းရင်းမြစ်များ

Lawana Nani 16:3

Aidul nani kuntri ra bâra ba, karnika tara brisa, baha nani ra mayuni ai âuyapah taki nani ba baku wisa.

Sins Lâka 12:26

Kasakkira ba ai uplika ra yabal marikisa, kuna upla watawikira nani ba, ai yabalka ba wal kli aimawahkisa.

Sins Lâka 17:27

Ai bîla aisinka nani takaski bri ba sins lâka brisa; bara ai spiritka lamni bri ba lika diara tânka luki waitnika.

Isikiel 28:3

¿Dîa lukisma Danel wal man kau sinskira sma? ¿Dîa man wina diara yukuwan ra âpu sa ki?

Daniel 1:17

Naha wahma walhwal ra, Gâd bui sins lâka bara diara tânka kaikaia lâka yan wauhkataya ulban ba ni, sinska lâka nani sut tânka briaia. Daniel ra lika baha purkara diara aihka nani yaprisauhkan nani kaikaia tânka yaban.

Daniel 1:7

King watla ra dukia dadaukra nani lalka ba bui naha wahma nani nina ba mâkan Daniel nina ba Beltsasar; Ananías ba Sadrac; Misael ra Mesac mâkan; bara Azarías ba Abed-negó mâkan.

Daniel 2:26

Bara king mita Daniel nina Beltsasar mâki ba ra win: —¿Man sip sma ki yaprikisauhkan kaikri ba bara tânka ba sin ai wiaia?

Daniel 4:19

“Bara Daniel nina wala Beltsasar ba ban tâ iwan sâp taki luki kan, ai lukanka ra turban pali muni kata. Sakuna king bui aisi, win: ‘Beltsasar, kupiam ra turban pali takpara yaprisauhkan ba dukiara bara ai tânka ba dukiara sin.’ Beltsasar bui pana aisi, win: ‘Alai, king yaprisauhkankam ba waihlam nani ba dukia sa baha nani man ra misbara mai kaiki nani ba.

Daniel 4:8

Tnata ra Daniel, nina wala Beltsasar mâki ba bara gâdki nina baku bri ba, bal diman, witin ba Gâd sunukira pali ba spiritka bui tâ bri impaki ba, witin ra yaprisauhkanki ba wîri naku natka ra:

Daniel 5:14

Upla ai win, Gâd spiritka ba man brisma, man sin sins yamnikira pali brisma, man ba sin âuya mâira bara diara tânka kakaira pali sma.

Daniel 5:16

Ban sakuna, walri man sip sma twisa sât wala aisi ba lakaia, bara diara karna nani sin wapni ra laki mangkaia. Bamna man sip sma kaka baha bîla nani ba aisi kaiki, bara ai tânka nani ba sin ai wima kaka, yarka kwala balianta ba mai dingkan kaia, namna ra sin gul ni daukan sînka ba mangkan kabia, bara yang, king aimakisna tasbaya purara, karnika alki ba yumhpika ba man kama.

Daniel 6:3

Daniel ra sika upla sut bui aitani kulkan kata pura kakaira wala nani bara tasba pîska bani wihtka nani sut ba purkara kaia, kan witin ba sip pali kan ba mita. Bara king bui sin ai tasbaya aiska lalka mangkaia lukan.

Daniel 6:4

Bamna pura kakaira nani bara wihta nani bui yabal kum plikan Daniel ba dahra kwahkaia, baha king tasbaya lâka kulkanka ba wal, ban sakuna Daniel ba waitna yamni kan ba mita, witin ra watawanka kumi sin sakras kan, baha mita dahra kwahkaia dukia diara kumi sin sip sakras kan.

Kolosi 1:29

Naha dukiara yang wark takisna, bara Kraist mita karnika aikan ba ni, aiska pali karna trai kaikisni.