Daniel 4:8 - DAWAN BÎLA AISKA

⁸ Tnata ra Daniel, nina wala Beltsasar mâki ba bara gâdki nina baku bri ba, bal diman, witin ba Gâd sunukira pali ba spiritka bui tâ bri impaki ba, witin ra yaprisauhkanki ba wîri naku natka ra:

Daniel 4:8 ပူးပေါင်းရင်းမြစ်များ

Blasi Sturka 41:38

Bara king fero ai uplika nani ra naku makabi walan: —¿Yawan sip sa ki waitna wala nâra pliki sakaia naha waitnika na baku, Gâd Spiritka bri ba?

Aiseya 46:1

Bel gâdka ba ai lula krikisa, Nebo gâdka ba tasba ra kauhan; aidul paskan nani ba, daiwan nani purara sunan, twilki brih wan baha dukia nani man nani twilki brih waia katma ba, wirhika nani ba daiwan swapan nani purara sunan.

Aiseya 63:11

Witin nani ai kupia kraukan patitara yua nani kata ba, Moses piua ra kata ba bara ai uplika nani swaki sakan ba sin, bara witin nani makabi wali kan: “¿Moses sîp daknika sepadka ba, Nilo awala wina swaki sakan Gâdka ba anira sa? ¿Witin Moses ra ai spiritka holikira yaban ba anira sa?

Jirimaya 50:2

“Nisan nani ra maisa paks, naha tânka witin nani briaia. Maisa pakanka tukinka ba purara buks; diara kumi sin yukukpara. Man nani wis: ‘¡Babilon kata pat brin! ¡Bara gâdka Bel kata ba lawaska kikaia ra lakan, Marduc gâdka kata ba, sibrin tara ra sa! Aidulka nani, gâdka bahki nani ba, lawaska kikaia ra tawan bara sibrin tara ra sa.’

Isikiel 17:23

Israel ilka kau tara ba purara. Tnawa takbia, ai mâ sâkbia, bara yalam pranakira takbia. Daiwan sât sât nani baha munhtara raya kabia, piawira sât sât ai watla mâkbia baha tnawa distika ra.

Daniel 1:7

King watla ra dukia dadaukra nani lalka ba bui naha wahma nani nina ba mâkan Daniel nina ba Beltsasar; Ananías ba Sadrac; Misael ra Mesac mâkan; bara Azarías ba Abed-negó mâkan.

Daniel 2:11

Man king tara sma ba, makabankam ba karna pali sa, bamna upla âpu sa baha mai wiaia, gâd nani baman lika, ¡sakuna baha nani ba wan tilara âpu sa!

Daniel 2:26

Bara king mita Daniel nina Beltsasar mâki ba ra win: —¿Man sip sma ki yaprikisauhkan kaikri ba bara tânka ba sin ai wiaia?

Daniel 3:14

king baha nani ra makabi walan: —¿Baha ba kasak sa ki, man nani gâdki nani ra bawi kulkanka yaras sma, bara yang mita wîri gul ni lilka dauki bapan ba ra sin bawras sma?

Daniel 4:18

“Naha yaprisauhkanka sika, yang, king Nabucodonosor, kaikri ba. Bara nanara, Beltsasar, yaprisauhkanka tânka ba ai wis; tasbayi ra sinskira nani ba kumi sin tânka briras sa, sakuna man lika sip sma tânka ba wan wiaia, kan man wal sa Gâd holikira Laih Purara iwi ba spiritka ba.

Daniel 4:9

‘Beltsasar, diara kakaira nani lalka sma ba, yang kaikisna Gâd holikira ba spiritka man tâm brisa, bara diara aihka nani ba tânka brisma. Bamna wals, dîa yaprisauhkan ra kaikri ba, bara tânka ba ai wis.

Daniel 5:14

Upla ai win, Gâd spiritka ba man brisma, man sin sins yamnikira pali brisma, man ba sin âuya mâira bara diara tânka kakaira pali sma.