Daniel 4:31 - DAWAN BÎLA AISKA

³¹ King kau baha bîla nani aisi kan ba piua ra kasbrika pura ba wina bîla baikra kumi balan bara naku win: “Naha na wals, king Nabucodonosor, kingkam lâka ba nanara man dukiam apia sa.

Daniel 4:31 ပူးပေါင်းရင်းမြစ်များ

Blasi Sturka 14:18

Bara Melkisedek, Salem kingka, Gâd Laih Purara iwi ba prîska ba sin, witin brit bara wain wal Ebram ra balan ba ra,

Job 20:23

Ai biara banhkaia munbia ba ra, Gâd ai lawanka witin purara brih balbia, ai lawanka ba lî baku auhbia.

Lawana Nani 145:13

¡Man king aimakisma ba, king lâka ba ban kaia ra ban kabia! Man kingkam lâka ba lika ban kaia ra ban sa.

Sins Lâka 29:23

Upla prautkira ai prautka mita witin ba tasba ra batakbia, kuna ai spiritka ra mâyara bawi uplika ba mayunra alkbia.

Aiseya 14:27

Kan karnika sut bri Dawanka baku luki kaikan ba, ¿ya mita baha ba alki takaskbia? Ai mihta sakbi klala yabaia ba ban sa, ¿ya mita yaka kli ai ninara lakbia?

Daniel 12:7

Bara linin kwalka dimi waitnika ba, ai mihta nani kasbrika purara buki, Gâd rayakira ba nina mâki swer taki win: ‘Piua yumhpa pura bakriki ba kat, Gâd uplika sauhki tiki nani karnika ba dakbi sakan kabia ba kat, bâra mika naha diara nani na tnata alkan kabia.’

Daniel 4:24

Naha tânka lika, Gâd Laih Purara iwi ba, king, man puramra baku lâ mangkan sa.

Daniel 4:26

Bara win kata, naha tasba ra swibia ai plamaya bara ai wakia nani kira, baha tânka ba lika, king lâka ba kli man ra maikan kabia, man tânka brima piua ra, Gâd ba sika karnika sut bri ba.

Daniel 4:30

naku win: “¡Kaiks nahki Babilon ba tara sa! Yang karniki tara ba wal paskri Babilon tasbaya lalka baku bâra ba lika, yang tara sna ba tânka naika piua ra kaikbia ninira aula nani ba.”

Daniel 4:32

Upla nani tila wina taki daiwan nani tilara takaskma; bîp wainhka nani baku mani 7 twi pi kama, Gâd baman nisan nani sut purara karnika bri ba tânka brima ba kat, bara witin sika naha tasba ra, ya king kaia ba mangkisa.”

Daniel 4:34

“Ai piua win ba aimakan ba ra, yang Nabucodonosor, naikra kasbrika purara bukri bara laila saura takan kan ba wina rawri, bara Gâd Laih Purara yaba ra yamni pali wîri, mayunra din yabri naha bîla nani ba wal: ‘Karnikam ba ban kaia ra ban kabia; kingkam lâka ba kiamka kum wina kiamka wala nani ba kat ban kabia.

Daniel 5:20

Sakuna ai kupia ra pura luan lâka ni banhwan, ai kupia karna daukan, ai wîna kulkanka lâka sin brin. Bamna karnika bara prana kulkan lâka king bri kan ba, witin wina sakan.

Daniel 5:28

PARSÍN: Man kingkam lâka ba baiki sakan sa, bamna Media nani bara Persia uplika nani mihta ra mangkan sa.

Daniel 6:27

Witin ba swaki sasakra bara dakbi sasakra sa, sain aihkakira dadaukra sa, kasbrika purara naha tasba ra sin witin bui Daniel ba swaki sakan, layan nani asmala nani ba wina sin.”

Matiu 3:17

Bara kasbrika purara ba wina bîla baikra kum walan, naku aisata: “Naha sika Luhpi laitwankira; witin sika bâk saki briri ba.”

Luk 12:20

Sakuna Gâd mita win: ‘Waitna sinskas, naha sim tihmika pruma; ¿bara diara suni swiram ba ya dukia kabia ki?’

Jan 12:28

Aisa, ninam ba prana dauks. Bamna bîla baikra kumi kasbrika purara ba wina walan ba, naku win kata: “Yang baha ba pat prana daukri, bara kli sin prana daukamni.”

1 Tesalonaika 5:3

Upla nani bila “Diara sut ba sâpkira bara trabil kumi sin âpu sa” aisi kabia ba ra, bâra mika ban wina sauhki tikaia lâka ba witin nani purara balbia. Baha ba lika sim mairin kwihra aisubaia piua aimakan latwanka nani bri ba baku kabia; bara witin nani sip swak takbia apia.

Param Marikanka 16:7

Altar ba wina sin bîla baikra kum aisi kan walri: “Âu, Dawan Gâd, karnika sut brisma ba, man ba kasak lâka kat bara wapni lâka kat lâ daukram sa.”

1 Samuil 13:14

Bamna kingkam lâka ba ban kabia apia. Dawan bui witin yamni kaiki ba lâka kat waitna wala pliki sâkbia, bara ai uplika nani wihtka mangkbia, kan man sika Dawan lâka bîla nani maikan ba walras kapram bamna.

1 Samuil 15:23

Witin mapara bûi uplika nani ba saura daukisa, sim sukia yapi kakaira nani saurka ba wal kumi sa; diara lilka daukan nani ra ai pura suni ba saurka wal sin kumi sa, baha uplika witin ra ai bîla wali daukras saurka ba. Man bui witin ai lâka bîla nani lulki swiram ba mita, nanara witin sin man king kaia ba wina mai sakisa.”