Daniel 4:22 - DAWAN BÎLA AISKA

²² Baha dusa ba sika man king, pâwi ban karnakira pali takram ba. Wan Kingka sma ba lâka lika ban pâwi kasbrika purara ba kat ulan sa, man kingkam lâka karnika ba tasba aiska kat wan sa.

Daniel 4:22 ပူးပေါင်းရင်းမြစ်များ

Blasi Sturka 11:4

Bara witin nani win ai walka nani ra: “Man nani bal, kaisa yawan tawan tara kum paskaia, bara utla karnakira purara pali sin kum mâkaia, watla bahna ba kasbrika alkaia praiska kat, bara baku natka ra yawan wan nina ba tara kulkan kabia, bara tasba mawanra sin yawan nani ba yakabrira baman tauki kabia apia.”

Blasi Sturka 28:12

Bahara witin yaprisauhkan kum kaikan, bara bahara kaikan ladar tara kum buki bapan kan, tasba wina kasbrika pura kat tâ ba alki kan, bara Gâd insalka nani ba bâk uli bal iwi kan.

2 Samuil 12:7

Bara Natán bui witin ra win: —¡Baha waitnika ba sika man! Dawan Israel Gâdka, witin naku param pali aisata: ‘Yang bâk mai saki, Israel kingka mai mangkri, Saúl karnika wina sin mai dakbi sakri.

2 Kronikas 28:9

Bahara Dawan dahra aisasarika kum bâra kan nina Obed, bara war wina aula nani ba wal prawaia taki wan, Sameria ra dimaia auya kan ba ra witin nani ra win: —Dawan, man nani damikam Dawanka ba, Juda wal ai kupia sauhkan, baha mita baha nani ba man nani mihtam ra mangkan. Sakuna man nani bui kupiam baiwanka saura karna uya iki tikram bara saurkam ba kasbrika purara ba Dawan kat wan.

Lawana Nani 108:4

Kan man lamtwanka lâka ba kau tara sa kasbrika purara ba wal. Man lâmka ba kasbrika sangni ba kat alkisa.

Lawana Nani 36:5

Sakuna, Dawan, man lamtwanka lâka ba, kasbrika pura ba kat uli auya. Man kasak lukankam ba kasbrika purara sangnika ba kat alkisa.

Jirimaya 27:5

Yang karniki tara ba param mariki tasba na paskri, upla nani, daiwan nani diara sut bilara ba sin, bara yaura baha yabaia lukisna ba ra yabisna.

Isikiel 17:3

bara wis: ‘Dawan ba naku wisa: Yakal tara kum Líbano ra balan; ai tnawa nani ba tara bara yari pali kata, tnawa ba mapla sât sât bri kan. Tnawa tara ba, yalam tnawa kum ra kangban,

Daniel 2:21

Witin mani nani bara piua wala nani ba sin lakisa, king nani ba sakisa bara mangkisa, sinskira nani ra sins lâka ba yabisa, diara tânka bri nani ra tânka bri kaia yabisa.

Daniel 4:11

Bara dusa ba pâwi tara pali nuhwan, ai slaunhka ba kasbrika purara ba kat kangbi kan, sip kan baha ba kaikaia tasba tâ kum wina tâ wala kat.

Daniel 4:21

ai wahia nani tara pain bri kan bara ai mâ ba ailal pali kan, sip kan upla sut baha wina plun brih piaia, ai distika ra bal dimi kata daiwan nani laih twi wina, tnawa nani ra piawira nani ai watla dauki kan.

Daniel 4:29

Mani kumi luan ningkara, king Babilon ra ai watla bahna purara iwaika ba ra wapi tauki kan,

Daniel 4:36

“Baha pali piua ra, sinski ba kli pain takan, kingki lâka ba kli briri, mayunra ba bara tara kaia lâka ba sin. Kupia krakraukra nani yang karniki mununhtara wark taki nani ba sut aidrubi balan, bara kli pali king lâka ba alkri upliki nani purara, bara nanara kainara kata ba wal kau karnika tara briri.

Matiu 14:4

Jan mita Herod ra naku win kan: “Witin na man mayam baku briaia sip apia.”

Param Marikanka 18:5

Kan ai saurka nani ba aipaswi taki, kasbrika purara ba kat alkan sa, bara ai watawanka nani ba Gâd ai kupia ra bri kan.