Daniel 4:19 - DAWAN BÎLA AISKA

¹⁹ “Bara Daniel nina wala Beltsasar ba ban tâ iwan sâp taki luki kan, ai lukanka ra turban pali muni kata. Sakuna king bui aisi, win: ‘Beltsasar, kupiam ra turban pali takpara yaprisauhkan ba dukiara bara ai tânka ba dukiara sin.’ Beltsasar bui pana aisi, win: ‘Alai, king yaprisauhkankam ba waihlam nani ba dukia sa baha nani man ra misbara mai kaiki nani ba.

Daniel 4:19 ပူးပေါင်းရင်းမြစ်များ

Blasi Sturka 31:35

Bara Raquel ai aisika ra naku win: —Aisiki, yang nanara iwi man mamwanra sip buras sna wisi kupiam baikpara, kati siknis brisna ba mita yang sip man mamwanra buras. Bara Labán aidul nani ba pliki ban watauki kan, sakuna sip sakras kan.

Blasi Sturka 32:18

bara man pana witin ra wis: ‘Dawanki, Isau bui naha na man prisantkam, Jekob dukiam dadaukra ba wina naha man ra blikan. Bara witin sin yang nani ninira aula sa.’

Blasi Sturka 40:12

Bara Josep witin ra win: —Man yaprisauhkan kaikram ba tânka ba naku sa: wain kiwka wina awa yumhpa pâwi takan kan kaikram ba, baha tânka ba lika yu yumhpa.

1 King Nani 18:7

Bara Abdías yabalku auya kan ba ra, witin Ilayas wal prawan, witin ba kaikan ba ra ai mawan ba tasba kat bawan, bara win: —¡Man ba dawanki Ilayas sma!

Impakan Sturka 32:32

Yang bui man ra puri sunisni, witin nani saura daukan ba ban swih tikma, sakuna witin nani pâtka ba ban swih tikras sma kaka, yang nini ulbram ba wauhkamtaya wina diki sâks.

Jirimaya 29:7

Ani tasbaya ra mai blikri tasbaya ba hilpka daukaia man nani wark taki bas, witin hilpka daukaia man nani bui yang ra makas, witin nani yamni kabia bara man nani sin pâwi kama.

Jirimaya 4:19

¡Yang tirirwi taukisni latwan ba mita! ¡Kupi ba karna pali lakwisa! ¡Yang sip sâp kapras sni, aisaras kaia sip apia sni! Trumpit puhban ba walri, war aiklabaia winanka nani.

Daniel 1:7

King watla ra dukia dadaukra nani lalka ba bui naha wahma nani nina ba mâkan Daniel nina ba Beltsasar; Ananías ba Sadrac; Misael ra Mesac mâkan; bara Azarías ba Abed-negó mâkan.

Daniel 2:26

Bara king mita Daniel nina Beltsasar mâki ba ra win: —¿Man sip sma ki yaprikisauhkan kaikri ba bara tânka ba sin ai wiaia?

Daniel 2:37

Man king tara king nani sut purkara, king tara sma, Gâd kasbrika purara ba mita naha king kaia lâka ba maikan sa, karnika, sip kaia lâka, mayunra ba sin,

Daniel 4:24

Naha tânka lika, Gâd Laih Purara iwi ba, king, man puramra baku lâ mangkan sa.

Daniel 5:12

Daniel ba king mita Beltsasar mâkan ba, witin sika spirit aihka tara kum bri kan, diara tânka kaikaia lâka, sins lâka sin bri kan, yaprisauhkan nani tânka kaikaia, bîla aihka nani tânka bara aihkakira wala nani tânka sakaia sin nu sa. Bamna king, Daniel ba paiws, bara witin bui baha utla tnaya ra ulban ba tânka mai wibia.

Daniel 5:18

“Gâd Laih Purara iwi ba bui king lâka aisikam Nabucodonosor ra yan, kulkanka lâka tara bara prana, bara mayunra lâka ba sin.

Daniel 5:19

Baha karnika yan ba mita, upla nani sut, nisan wala nani bara bîla sât wala aisi nani sut ba bui tara kulkan, bara sîa sin yabi kan. Bara witin yaura ikaia lukan ba ikan, purara bukaia kan ba bukan, bara wala nani ra batakaia kan ba sin batakan.

Daniel 7:15

“Bara yang, Daniel sibrin lâka ba bui puri lui kata, diara nani kaikri ba dukiara kupi ra turban ai muni kata.

Daniel 7:28

“Naha kat bîla nani ba prakisa. Bara yang Daniel kupi uya pali turban kata, ban sin maiwan ba pihni pali takri kata, sakuna naha diara kaikri ba dukiara upla kumi ra sin wiras kupi ra ban bri katna.”

Daniel 8:27

“Yang Daniel, daihra walri karnika âpu baku kapri, bara yu ailal siknis kapri. Baha ningkara mahka buri bara king dukia daukaia kapri ba mahka daukri. Sakuna kupi ra uya turban pali bri katna, baha diara aihka kaikri ba dukiara, kan baha sip tânka ba briras kapri.

Abakuk 3:10

Il nani ba mai kaiki bara tatatwisa; lî nani ba kasbrika wina laiwisa; bara kabu tihuka tara ba ulbisa ai ripka tara nani saki lulki ba ra.

1 Samuil 1:15

Ana pana aisin: —Baku apia, dawanki, wain karna bara tahpla sin diri tânka lika apia sa, kuna yang kupi kriwan wirha pali sa, bamna tâinka ba saki Dawan ra kahbisna.

1 Samuil 24:8

Baha ningkara Debit sin walpa untika ba wina bal takan bara Saúl nina bliki wan, bara witin ra winan: —¡King tara, King tara! Saúl ai ninara tawi kaikan, bara Debit tasba kat ai mawan ra bawi, yamni kulkanka tukinka ba dauki yan,

1 Samuil 26:15

Debit bui witin ra win: —¿Waitna tarka tara kumi Israel ra bâra ba, man apia ki? ¿Dîa kan man dawankam king ba kan kahbras sma? Upla kum tawan wina bal diman, witin ba ikaia lukanka ba wal.

1 Samuil 3:17

Elí witin ra makabi walan: —¿Dawan ba dîa man ra mai win? Mamkabisni, pliskam, yang wina diara kumi sin yukukpara. ¡Diara sut Gâd bui man ra mai win ba yukukma kaka, witin klala karna maikbia!