Daniel 4:14 - DAWAN BÎLA AISKA

¹⁴ ai bîla baikra karna wini, naku aisin: Dus ba klaks kauhbia, ai tnawa nani ba sin klaki sâks, ai wahia nani ba dauhbi sâks, ai mâ nani ba yakabrira dauks, daiwan wail nani ai mununhtara banhwi ba sut taki plapbia, ai tnawa nani ra piawira nani bâra ba sin pâlbia.

Daniel 4:14 ပူးပေါင်းရင်းမြစ်များ

Job 24:20

Ai yaptika pali sin ai âuya tikbia, liwa nani mita pin kabia, bara upla kumi sin witin dukiara ai kupia kraukbia apia, upla saura ba, dus kum klakan kauhi ba baku kabia.

Jirimaya 27:5

Yang karniki tara ba param mariki tasba na paskri, upla nani, daiwan nani diara sut bilara ba sin, bara yaura baha yabaia lukisna ba ra yabisna.

Jirimaya 51:6

“¡Man nani Babilon wina taki plaps! ¡Ya ya swakwaia sip sma ba swakwi taks! ¡Witin saura daukan ba tâka man nani sin prupara! Nanara yang mita pana witin nani ra munaia yua aimakan bara aibapamni nahki praiska kat yabaia ba.

Jirimaya 51:9

Yang nani Babilon ba pat sîka daukri, sakuna rawras. ¡Man nani swis! Kaisa yawan naha wina mahka wap kumi bani wan tasbaya ra, witin nani lâ sauhkan ba kasbrika pura kat ulan, kasbrika nani ba pura ba kat bukan.

Isikiel 31:10

‘Bamna aitani, Dawan ba naku wisa: Dusa ba yari pali takan bara tâ ba kasbrika kat uli wan; tara pali takan bamna, ai mayunanka ni banhwan.

Daniel 2:21

Witin mani nani bara piua wala nani ba sin lakisa, king nani ba sakisa bara mangkisa, sinskira nani ra sins lâka ba yabisa, diara tânka bri nani ra tânka bri kaia yabisa.

Daniel 3:4

Baha warkka daukaia tâ bri kan uplika ba ai bîla baikra karna wini, win: “Aman wals, plis bani wina upla nani nâra banhwisma ba, nisan nani, bara bîla sât sât aisisma ba.

Daniel 4:12

Ai wahia nani ba tara pain pali kan, ai mâ ba sin ailal pali kan, upla sut ra plun dakakaia ba aitani kan. Daiwan wail nani ba ai distika ra dimi kan, ai tnawa nani ra piawira nani ai watla dauki kan, tasba aiska ai rayaka ba baha wina saki kan.

Daniel 4:23

Bara king, man kaikram aihwawakra insalka holikira kum kasbrika pura ba wina bal iwan bara naku aisin: Baha dusa ba tasba ra bataks bara sauhki sin tiks, sakuna ai plamaya bara ai wakia nani ba wal ban tasba ra swis, bara ayan kiwka ni bara bras ni wilks, bara twi ra ban swis inma nani tilara diwas laya ba kauhbia ai purara, 7 mani twi daiwan nani wal inma baman pi kabia.

Daniel 4:29

Mani kumi luan ningkara, king Babilon ra ai watla bahna purara iwaika ba ra wapi tauki kan,

Daniel 5:20

Sakuna ai kupia ra pura luan lâka ni banhwan, ai kupia karna daukan, ai wîna kulkanka lâka sin brin. Bamna karnika bara prana kulkan lâka king bri kan ba, witin wina sakan.

Daniel 5:21

Upla nani tila wina sakan bara daiwan baku takan, biriku wail nani wal baku takan, bîp nani baku twi pin bara diwas laya ba ai taya purara buski kan; baha piua kat witin kaikan, Gâd Laih Purara ba naha tasba kingka nani sut purkara karnika brisa, bara witin bui yaura king lâka yaia ba yabi kan.

Matiu 3:10

Asa ba dus nani klaki batakaia pat ridi sa, bara ani dusa mâ pain sakras ba, klaki pauta ra lulkka ambia.

Matiu 7:19

Ani dus mâ pain sakras ba, klaki dakbi pauta ra angkisa.

Luk 3:9

Asa ba pat ridi sa dus nani klakaia, bamna dus bani mâ pain sakras ba klakan kabia, pauta ra sin lulkka ambia.”

Param Marikanka 10:3

Bara ai bîla baikra tara ni winan, sim layan kum ihbi ba baku. Witin winan ba ra, alwani 7 ba ai bîla baikra nani saki winan.

Param Marikanka 18:2

Bara ai bîla baikra tara ni wini kan: “¡Pat kauhan, pat kauhan Babilon tara ba! Nanara witin na dibil nani bara pirit saura nani watla takan sa; pirit saura tâski nani watla daiwan wail tâski misbarkira nani watla takan.