Daniel 3:7 - DAWAN BÎLA AISKA

⁷ Baku bamna, bahara upla nani asla takan kan ba puhbaia dukia sât sât miusik binka ba walbia, bara upla sut pali ai lula kriki baha gul ni lilka daukan ba ra ai pura suni mayuni banhwan.

Daniel 3:7 ပူးပေါင်းရင်းမြစ်များ

Jirimaya 51:7

Babilon ba yang mihti ra gul kapka kum baku kan, tasba aiska ba baha wina yan di bla taki kan. Nisan nani baha wainka ba di sinska tiwi kan.

Daniel 2:46

Bamna king Nabucodonosor Daniel mawanra ai lula krikan, ai lal ba ban tasba kat makupan, bara wih sakripais bara kîa yamni angki daukbia win.

Daniel 3:10

Man king tara adar yabram, miusik kangbaia puhbaia dukia nani binka walbia piua ra mahka pali upla sut ai lula kriki gul ni daukan lilka ba ra ai pura suni mayunbia,

Daniel 3:4

Baha warkka daukaia tâ bri kan uplika ba ai bîla baikra karna wini, win: “Aman wals, plis bani wina upla nani nâra banhwisma ba, nisan nani, bara bîla sât sât aisisma ba.

Daniel 3:5

Trumpit binka man nani walma, bra, gitar sirpi, arp, gitar tara, agin sapa, nahmuna binka walma ba ra, baha lilka ra lulam kriki puram suni mayunma, baha lilka gul ni daukan ba king Nabucodonosor mita.

Daniel 3:6

Baha lilka ra ai lula kriki mayunras ba sut, prak alki kubus kum pauta klauhan tara ba ra lulkan kabia.”

Daniel 3:8

Baha piua ra tila Caldea uplika nani sans kum brin, Ju nani dusa kuhbaia king Nabucodonosor ra.

Apastil Nani Sturka 14:16

Piua luan nani ra Gâd mita ban swin upla nani sut ba ai yabalka kat man tauki kaia,

1 Jan 5:19

Yawan pain kaikisa Gâd uplika nani sa, bara tasba aiska na lika Sitan karnika mununhtara sa.

Param Marikanka 12:9

Baku bamna, dragun tara ba latara lulkan kan. Witin sika piuta almuk ba, nina dibil bara Sitan mâki ba, witinka mita sika tasba aiska ra kunin aisi ba. Witin ai insalka nani kira tasba ra lulkan kata.

Param Marikanka 13:14

Bara baha sainka nani daiwan saura pas kata ba mawanra yan dauki kan bâk, tasba ra iwi uplika nani ra kunin munan, bara witin nani ra adar yan baha daiwra saura ba sord ni klakan sakuna ban raya kaia sip kan ba, lilka kum daukaia.

Param Marikanka 13:3

Daiwra tringsar, lal kumi ra insauhkan kum bri kan pruaia praiska; sakuna insauhkanka ba rakan, bara tasba aiska ba tâ iwan, bara daiwra tringsar ba nina blikan.

Param Marikanka 13:8

Tasba paskan piua wina, Sîp Luhpia ikan ba raya kaia wauhkataya ba ra nina ulbras uplika nani tasba ra ba baha nani baman, baha daiwra saura ra mayunbia.

Param Marikanka 17:8

Bara daiwra saura kaikram ba lika pas piua raya iwi kan, sakuna nanara âpu sa; ban sakuna, witin ba tihu tara ba wina uli balbia ai pruanka tnata pali ba ra waia kainara. Tasba ra iwi uplika nani, tasba paskan wina kau ai nina nani raya kaia wauhkataya ra ulbi mangkras ba, daiwan saura na kaikbia ba ra, aihka pali lukbia. Kan baha ba kanra raya kata, bara nanara lika âpu sa, sakuna witin kli balbia.

Param Marikanka 19:20

Bara daiwan saura ba alkan kan, bara witin ba wal prapit kuninkira ai mawanra sain aihka nani daukan kan ba sin. Baha sainka nani bâk, prapit kuninkira ba baha nani dragun markka bri nani kan ba ra kunin munan kan, bara dragun lilka ra ai pura suni mayuni kan ba ra sin. Daiwan saura bara prapit kuninkira ba wâlsut raya pali pauta lakunka sulpa wal ami kan kat lulkan.