Daniel 3:6 - DAWAN BÎLA AISKA

⁶ Baha lilka ra ai lula kriki mayunras ba sut, prak alki kubus kum pauta klauhan tara ba ra lulkan kabia.”

Daniel 3:6 ပူးပေါင်းရင်းမြစ်များ

Blasi Sturka 19:28

Baha wina witin Sodoma bara Gomora tani ra tawi kaikan, baha twi langnika tasbaya aiska ba sin. Bamna kaikan Sodoma bara Gomora wal tawanka ba wina kiasma baman taki kan, pauta klauhan watla kum baku kan.

Impakan Sturka 20:5

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni, baha nani misbara ai kaiki banhwi nani ba bîlam kaiki kamna. Walpa tara kum purara, man walpa bara prukma ba ra, luhpia nani ra, mulika nani, snawika nani kat sin klala yabisna bamna.

Aiseya 44:17

Bara tâka kau swin ba wina gâd bahki lilka kum daukisa, baha mawanra bawisa, bara mayunisa bara witin ra ai pura suni wisa: “¡Pri ai sâks, kan man sika yang gâdki!”

Jirimaya 29:22

Juda uplika nani Babilon ra brih wan nani ba upla kum ra lahtubaia lukbia ba ra, naku wibia: Dawan bui man wal daukbia Sedequías Ahab ra daukan ba baku, baha nani sika Babilon kingka mita pauta ra angkan.

Daniel 2:5

—Naha sika yang lukanki ba —king bui pana win—: Man nani baha yaprisauhkanka kaikri ba bara tânka sin ai wiras sma kaka, irbi mai paskan kabia, bara wamtla nani ba sin slingbi pura kat paski swin kabia.

Daniel 3:11

bara ani uplika baku daukras kabia ba, pauta klauhan tara ba ra lulkan kabia.

Daniel 3:15

¿Man nani ba wilin pali sma ki, baha miusik kangbaia dukia nani ba binka walma ba ra, yang mita wîri lilka dauki bapan ba ra bawi mayunaia? Man nani bawi mayunras sma kaka, nanara baha kubus pauta klauhan tara ba ra mai lulkan kabia; ¿ani gâdka swaki mai sakaia sip kabia?

Daniel 3:21

Wahma yumhpa ba Babilon tasbaya ra lalka kaia mangkata kwalka yan ba kau ban dimi kan, bamna witin nani ba priskan bara kubus lapta klauhi ba kat lulkan.

Daniel 3:7

Baku bamna, bahara upla nani asla takan kan ba puhbaia dukia sât sât miusik binka ba walbia, bara upla sut pali ai lula kriki baha gul ni lilka daukan ba ra ai pura suni mayuni banhwan.

Daniel 5:19

Baha karnika yan ba mita, upla nani sut, nisan wala nani bara bîla sât wala aisi nani sut ba bui tara kulkan, bara sîa sin yabi kan. Bara witin yaura ikaia lukan ba ikan, purara bukaia kan ba bukan, bara wala nani ra batakaia kan ba sin batakan.

Daniel 6:7

Baha kingka tasbaya wihtka nani ba sut asla takanka kumi brin, baha asla takanka ra lâ kumi dauki banhwan, yu 30 ba kat, upla kumi sin ai gâdka ra sapa, upla ra sapa sin ai pura sunan kaia apia, king ra baman lika, ya naha bîla na kulkras kabia kaka, layan nani watla ra lulkan kabia.

Matiu 13:42

Baha nani pauta klauhi watla ra lulkbia, bara baha ra sika inan man kabia, ai napa nani sin arkbi kabia.

Matiu 13:50

bara saura nani ba pauta klauhi watla ra lulkbia, bara bahara sika inan kabia, ai napa nani sin arkbi kabia.”

Matiu 4:9

Bara witin bila: —Lulam kriki bara yang ra mayunma kaka, naha sut yang maikamna.

Mark 6:27

Bara mahka king ai suldiarka kum blikan Jan lal ba brih balaia wisi.

Param Marikanka 14:11

Witin nani ra rausauhki kiasmika ba ban kaia ban kaia ra uli wisa. Bara baha nani daiwan saura ba bara ai lilka ra ai pura suni mayuni ba, ai nina markka ba sin bri ba, kakna bara tihmia bribia apia.”

Param Marikanka 9:2

Ba ningkara, baha tihuka ba kwâkan ba ra, baha wina kiasma takan sim kubus tara kum kiasmika baku; bara baha kiasmika mita yan wan yu lapta ba bara pâsa ba sin tihmu takan.