Daniel 2:9 - DAWAN BÎLA AISKA

⁹ Baku bamna, dîa yaprisauhkan ra kaikri ba ai wiras sma kaka, dîa pâtka brima wîri sut ba brih banhma. Bamna man nani sut aikuki diara kumi luki banhram sa kunin aisi diara bahki nani ai wiaia, bîla kaikisma piua na lubia ba ra. Bamna man nani ai wis, yaprikisauhkan kaikri ba, bara yang kaikamna man nani ba sip sma tânka sin ai wiaia.

Daniel 2:9 ပူးပေါင်းရင်းမြစ်များ

1 King Nani 22:22

bara spiritka ba mita win spirit kuninkira kum king prapitka nani ra yarka aisabia. Bamna Dawan win, baha pain sa bara witin wabia kunin munaia, bara baku wih daukbia.

1 King Nani 22:6

Bara Israel kingka mita prapit nani 400 asla dauki, baha nani ra makabi walan: —¿Ramot Galaad tasbaya ba mapara war aiklabaia wamna, apia kaka wamna apia ki? Bara prapit nani ba win: —Aiklas, Dawan bui king lâka man mihtam ra mangkaia sa bamna.

Ester 4:11

“King dukia dadaukra nani sut ra, bara king tasbaya ra iwi uplika nani aiska tânka brisa, ani uplika king mita paiwras kan kaikaia wisi wabia bara king watla tasbaya pîska ba ra dimbia kaka, naha uplika mapara lâ kumi baman bâra sa, baha uplika ba pruaia sa. Apia kaka, king ba mita ai dusa gul ni paskan ba ni baha uplika ra sâkbia kaka lika, sip kabia rayaka ba swaki sakaia. Bamna yang ra kau ai winras sa naha yua nani, yu 30 na bilara king ai mawanra waia.”

Sins Lâka 12:19

Wan bîla kasak tânka aisi ba ban kaia ra bâra kabia, sakuna twisa kuninkira lika piua kunhku baman dukiara sa.

Aiseya 41:23

wan wis ningkara dîa takaika ba, wan mariks, witin nani ba rait gâd nani sapa; man nani dîa daukaia sip sma ba dauks, yamni kra, apia kra saura ba, baku diara kum sibrin wan dingki sibrin wan dauki wan mariks.

Aiseya 44:25

Yang swiras, prapit kuninkira nani diara aisan ba kat aimakbia; yang daukisna smaya kakaira nani ba, ai raitka ba tikbia. Yang sinskira nani ba yâri kli ai walka mapara aisisa bara sinska lâka ba, diara tânkas ra lakisna.

Isikiel 13:17

“Nanara man, upla luhpia, tawi kaiks tawankam luhpia mairin nani ra, witin nani ba yang nini ra aisisa ai lâka kat.

Isikiel 13:19

Man nani, barli mâ mihtam banhki bri bara brit pîs ba wal, upliki nani mawanra swiri paskisma; upla nani pruaia apia kata ba ikisma, bara raya kaia apia pruaia kata ba baha lika swiram raya sa. Baku upliki nani ra kunin munisma, kunin lâka ra kasak luki nani ba.

Isikiel 13:6

Witin nani diara kaiki ba kunin baman, dahra aisi ba sin kunin. Witin nani wisa Dawan aisi ba yang nani aisisna, sakuna yang, witin nani ba blikras. ¡Baku ban witin nani dîa aisin ba baku takbia bîla kaikisa!

Daniel 2:16

Bara Daniel lika king ra wih makaban piua wiria yabia, bara witin baha yaprisauhkan kaikan ba wibia, tânka nani ba sin.

Daniel 2:21

Witin mani nani bara piua wala nani ba sin lakisa, king nani ba sakisa bara mangkisa, sinskira nani ra sins lâka ba yabisa, diara tânka bri nani ra tânka bri kaia yabisa.

Daniel 2:8

—Yang tânkam kasak brisna —king ba pana baku win— man nani lika kau sans briaia lukisma, kan man nani pat walram dîa yang brinki ba.

Daniel 3:15

¿Man nani ba wilin pali sma ki, baha miusik kangbaia dukia nani ba binka walma ba ra, yang mita wîri lilka dauki bapan ba ra bawi mayunaia? Man nani bawi mayunras sma kaka, nanara baha kubus pauta klauhan tara ba ra mai lulkan kabia; ¿ani gâdka swaki mai sakaia sip kabia?

Daniel 5:28

PARSÍN: Man kingkam lâka ba baiki sakan sa, bamna Media nani bara Persia uplika nani mihta ra mangkan sa.

Daniel 5:31

bara Darío Media wina ba ai king tasbaya ba alki brin. Baha piua ra Darío ba 62 mani bri kan.

Daniel 7:25

Gâd Laih Purara iwi ba swira dauki kabia, bara uplika nani ra sin âpu dauki kabia, ban trai munbia Gâd lâka ba lakaia, baku sin Gâd lilia yua tara daukaia ba, Gâd uplika nani ba ai karnika mununhtara kabia mani yumhpa pura bakriki.

2 Korint 2:17

Yang nani lika Gâd smalkanka bani bisnis daukras, upla manis mita aihka laki dauki ba baku; sakuna, yang nani lika baha smalkanka ba aitani kat kunin âpu smalkisna, Gâd mita wan blikan baku, bara Gâd mawanra aisisna sim Kraist uplika nani baku.