Daniel 2:41 - DAWAN BÎLA AISKA

⁴¹ “Bamna, man king tara, man sin kaikram mina sirpika nani sut ba lika slaubla ni bara ayan ni paskan kata, bara wala ba lika ayan ni daukan kan; naha tânka ba lika king lâka kum, sakuna baiki sakan kabia, âu, karnika lika wiria bri kabia, kan ayan ni paskan bamna, man king tara man kaikram ba ayan bara slaubla wal abalki daukan bamna.

Daniel 2:41 ပူးပေါင်းရင်းမြစ်များ

Daniel 2:40

Baha ningkara, king lâka walhwalka ba balbia, baha lâka ba karna pali kabia ayan baku; bara ayan bui diara sut kriki sauhki ba baku, baha kingka lâka ba mita wala nani sut kriki sauhki tiki âpu dauki, sut purara king aimakbia.

Daniel 2:42

Mina sirpika nani ba ayan bara slaubla ni sin daukan ba, baha tânka ba kingka lâka ba ai karnika kabia, ban sakuna swapnika sin bri kabia.

Daniel 7:24

Aringka matawalsip ba sika, king matawalsip baha king tasbaya ra king aimakbia ba, ningkara wala kumi uli bal karnika ba alki bribia, bara baha lika sât aihka kabia wala nani ba wal, witin bui king nani yumhpa ra batakan kabia.

Daniel 7:7

“Daiwan saura tara walhwalka kaikri ba lika saura sibrinkira pali kata, karnakira pali kata. Ai napa nani ba ayan baku bri kata, sut ra pi âpu sin dauki kan, kau tâka ba ai mina ni taibi kan. Baha daiwra ba ai lal ra aringka matawalsip bri kan.

Param Marikanka 12:3

Baha ningkara kasbrika purara sain wala kum takan: Baha ba dragun pauni kum kan, ai lal 7 bri kan, aringka matawalsip bara ai lal bani purara sin kraun kum.

Param Marikanka 13:1

Bara yang daiwan saura kum kabu wina bal uluya kan kaikri; witinka ba lal 7 bri kan, bara aringka matawalsip. Ai aringka bani ra kraun kum bri kan, bara ai lal nani ra Gâd kupia sauhkaia nina kum ulban kata.

Param Marikanka 17:12

“Aringka matawalsip kaikram ba king matawalsip sika, bara baha nani king aimakaia lâka ba kau briras; sakuna witin nani king aimakaia karnika bribia awar kum prais, daiwan saura ba wal asla.