Daniel 2:4 - DAWAN BÎLA AISKA

⁴ Bara sinskira Aram uplika bîla aisi pana king ra win: —¡Man king lâmka ba ban kabia! Bara yaprisauhkankam kaikram ba yang nani ra ai wis, bara yang nani tânka ba mai wimna.

Daniel 2:4 ပူးပေါင်းရင်းမြစ်များ

Blasi Sturka 31:47

Bara baha walpaya paskanka nina ba Labán witin ai bîla kat “Jegar Sahadutá” mâkan, bara Jekob sin witin ai bîla kat “Galaad” mâkan.

Blasi Sturka 41:8

Bara yu baiwan titan ra, witin baha kaikan ba dukiara luki kasak ai kupia wal aisi kan. Bara adar yaban Idsip ra bahmuna diara kakaira sinskira nani bâra ba sut paiwi bri balaia. Sinskira nani ba balan, bara king fero witin yaprisauhkan kaikan ba tânka sut baha nani ra win. Sakuna witin nani tila wina kumi sin sip yaprisauhkan kaikan tânka ba laki param saki sip wiras kan.

1 King Nani 1:25

Kan naiwa pali sika ikan sa bîp nani, daiwan batanira nani bara sîp nani sin ailal. Bara paiwan sa king tara luhpia nani sut, suldiar nani lalka nani ba bara prîs Abiatar ba sin. Bara kaiks, witin nani ba ai mawanra plun pîsa bara sin dîsa. Bara witin nani sut wisa: ‘¡King Adonías ba raya kabia!’

1 King Nani 1:31

Bamna Betsabé king mawanra bawan ban ai mawan ba tasba kat, bara king ra mayuni win: —¡Yang wihtki tara, king Debit ba raya ban kabia!

2 King Nani 18:26

Bara Eliaquim, Sebná bara Joah mita sin, Asiria wihtka tara ra win: —Mamkabisna man wan aisas Aram uplika bîla ra, baku yang nani tânka brimna. Hibru bîla ra wan aisapara, kan baha uplika nani kutbanka purara bâra ba mai walisa.

Esdras 4:7

Bara Artajerjes, Persia kingka aimaki kan yua nani ra, dahra kwakwahkra ba ra win mapara babura nani Bislam, Mitrídates, Tabeel bara ai pânika wala nani kira, Artajerjes ra wauhkataya kum ulban. Wauhkataya ba Aram uplika bîla ra ulban kan, bara Persia bîla ra sin lakan kan.

Nihimaya 2:3

bara yang bui king ra wîri: —¡King tara, piu bani raya ban kama! ¿Nahki muni yang maiwan ba ban lilia kabia, kan yang aisiki nani bikan tawanka ra raitika ba sut slingban, bara getka nani ba sin sut pauta ni angki sauhkan ba?

Aiseya 36:11

Eliaquim, Sebná bara Joah, Asiria wihtka tara ra win: —Mamkabisna man wan aisas Aram uplika bîla ra, baku yang nani tânka brimna. Hibru bîla ra wan aisapara, kan baha uplika nani kutbanka purara bâra ba mai walbia.

Aiseya 44:25

Yang swiras, prapit kuninkira nani diara aisan ba kat aimakbia; yang daukisna smaya kakaira nani ba, ai raitka ba tikbia. Yang sinskira nani ba yâri kli ai walka mapara aisisa bara sinska lâka ba, diara tânkas ra lakisna.

Daniel 1:4

wahma nani, siknis âpu nani, skahwa apia ba, kulkanka tara bri bara sinskira nani, sins lâka bri ba, diara tânka kaikaia lâka mapara sip ba, baha nani king watla ra takaskaia. Witin nani ra smalkan kabia Caldea uplika nani bîla aisaia bara ulbaia tânka ba sin.

Daniel 2:7

Sinskira nani ba kli aima wala ra win: —King, man dîa kaikram ba ai wis, bara tânka ba yang nani mai wimna.

Daniel 3:9

Bara naku win: —¡Man king tara, raya ban kama, bara piua bani man ninam ba wan kupia krauki kabia!

Daniel 4:19

“Bara Daniel nina wala Beltsasar ba ban tâ iwan sâp taki luki kan, ai lukanka ra turban pali muni kata. Sakuna king bui aisi, win: ‘Beltsasar, kupiam ra turban pali takpara yaprisauhkan ba dukiara bara ai tânka ba dukiara sin.’ Beltsasar bui pana aisi, win: ‘Alai, king yaprisauhkankam ba waihlam nani ba dukia sa baha nani man ra misbara mai kaiki nani ba.

Daniel 4:7

Witin nani balan, sinskira nani, diara kakaira nani, sins lâka kakaira nani, bara slilma tânka plaplikra nani Babilon ra, bara yaprikisauhkan kaikri ba wîri, sakuna witin nani sip tânka ba ai wiras kan.

Daniel 4:9

‘Beltsasar, diara kakaira nani lalka sma ba, yang kaikisna Gâd holikira ba spiritka man tâm brisa, bara diara aihka nani ba tânka brisma. Bamna wals, dîa yaprisauhkan ra kaikri ba, bara tânka ba ai wis.

Daniel 5:10

Bamna king yaptika kwin ba, ai luhpia king winanka ba mita, bara king uplika tara nani baha paiwanka ra banhwi kan ba tâka mita sin, witin pata tara watla ra dimi wih, naku win: —¡King ba ban raya kabia! Kupiam uya turban yarka takbiara, mamwan sin ban pihni pali takbiara,

Daniel 5:8

Sinskira nani sut aidrubaia watla ra balan, sakuna upla kumi sin baha ulbanka ba sip aisi kaikras kan, bamna tânka sin sip briras kan king ra wiaia.

Daniel 6:21

Bara Daniel bui pana win: —¡King piua bani ban raya kama ba!

Daniel 6:6

Baku bamna, pura kakaira nani bara wihta nani ba sut aitani lukan, baha lukanka wal king Darío ra wih aisaia, bara witin nani king mawanra wih bûi naku aisi banhwan: —¡King ba ban raya kabia piua bani ra!

Daniel 6:7

Baha kingka tasbaya wihtka nani ba sut asla takanka kumi brin, baha asla takanka ra lâ kumi dauki banhwan, yu 30 ba kat, upla kumi sin ai gâdka ra sapa, upla ra sapa sin ai pura sunan kaia apia, king ra baman lika, ya naha bîla na kulkras kabia kaka, layan nani watla ra lulkan kabia.

Matiu 21:9

Upla nani tâura wapi kan ba bara ninara aula kan ba sin kwâra tara kan bara mahka naku winan: —¡King Debit Luhpia ra Prana Tara Kabia! ¡Yamni pali sa witin Dawan nina mâki aula ba! ¡Gâd ra prana kabia laih purara!

1 Samuil 10:24

Samuil upla sut ra makabi walan: —¿Nanara man nani kaikisma ki, Dawan bui bâk sakan king ba? ¡Israel ra wala kumi sin âpu sa, witin wal praki kaikaia! Bara Israel luhpia nani sut wini aisin: —¡King ba raya ban kabia!