Daniel 2:39 - DAWAN BÎLA AISKA

³⁹ Bamna, man king tara, kingkam lâka ba ningkara king lâka wala mâyara kum bal takbia, baha ningkara king lâka yumhpika ba sika bras kabia, tasba aiska purara karnika alki bri kabia.

Daniel 2:39 ပူးပေါင်းရင်းမြစ်များ

Aiseya 44:28

Ciro ra yang wisna: ‘Man ba yang sepadki kama, man daukma yang dîa daukaia want sna ba sut’; yang bui Jerusalem ra wisna: ‘Man ba kli mai paskan kabia’; Bara tempel ra sin wisna: ‘Man ra playa tara nani kli bapbia.’ ”

Daniel 10:20

Bamna witin bui ai win: ‘¿Nu sma ki dîa muni man ra balri sa? Kan nanara kli Persia kingka luhpia waitna ba wal aiklabaia sna. Witin ba wal aiklabi tnata alkamna piua ra, baha insalka Grik tasbaya kingka luhpia waitna ba balbia.

Daniel 2:32

Baha lilka lal ba gul aihwa wal paskan kata; lama dusa bara klahkla nani ba silbar ni paskan, biara bara kuhma nani ba lika bras ni;

Daniel 2:38

ani anira upla nani iwi ba sut purara karnika ba maikan sa, daiwan nani bara tnawira nani ba sin, witin mita baha nani sut ba karnikam mununhtara mangkan sa, baha sika gul ni paskan ba, king tara, man.

Daniel 2:40

Baha ningkara, king lâka walhwalka ba balbia, baha lâka ba karna pali kabia ayan baku; bara ayan bui diara sut kriki sauhki ba baku, baha kingka lâka ba mita wala nani sut kriki sauhki tiki âpu dauki, sut purara king aimakbia.

Daniel 7:23

Bara win: ‘Daiwan tara walhwalka ba sika king tasbaya walhwal naha tasba ra kabia ba, bara wala nani sut wal kau sât aihka pali sa, bara tasba aiska ba pibia, ai mina ni taibia bara sin langkbia.

Daniel 8:20

‘Sîp wainhka aringka wâl bri kan kaikram ba sika Media bara Persia wal kingka nani tânka ba,

Daniel 8:21

Guts ba lika Grik tasbaya kingka, bara aringka tara kum nakra nani tilara ba lika pas kingka dukiara sa.

Sakaraya 6:3

yumhpika ba, aras pihni nani aubi kan; walhwalka ba lika, aras puputni nani mita aubi kan.

Sakaraya 6:6

Aras siksa nani aubi waginka ba, yahbra tasbaya ra auya; aras pihni nani aubi waginka ba, muna tasbaya ra auya; bara aras puputni nani mita aubi waginka ba, waupasa tasbaya ra auya.”