Daniel 2:34 - DAWAN BÎLA AISKA

³⁴ Man king tara baha lilka ra kaiki kapram, bara il kum wina walpa kum ip daiwan, upla kum mita sin walpaya ba platukbras kan, bara baha bal lilka ba mina kat pruki slingbi tikan.

Daniel 2:34 ပူးပေါင်းရင်းမြစ်များ

Lawana Nani 118:22

Walpa utla mâmakra nani bui lulki swin ba, baha pali sika wihtka pali takan ba.

Aiseya 28:16

Baha mita, Dawan ba naku wisa: “Saion ra walpa kum mangkamni, walpa kum mana tara pali bâk saki briri ba, walpa pas, sut wihtka ba, baha purara mâki kaia walpaya ba, ya witin ra kasak luki ba ai âuyapah kaia sip kabia.

Aiseya 60:12

Bara nisan kum kra, apia kaka king tasbaya kum kra sin, man nani warkkam daukras kabia kaka, witin ba tanis tiwbia, witin nani ba aiska pali diara âpu tiwbia.

Aiseya 8:9

Nisan nani, aidrubi asla taks, man nani tamyahkan sa; wals, man nani tasba wala wina nani sma ba sut: âu, man nani kau ridi taki balma sakuna, sirang mai ikan kabia.

Isikiel 32:28

“Idsip, man bahara kama, idan nani tilara, mai drusbi tiki bara mai bikan, war ra pruan nani tilara.

Isikiel 47:5

Kli 560 yar wala kulkan bara laya ba awala takan sip luras katna; laya ba tihu pali takan bamna, yawi lika luaia sip kan.

Daniel 2:33

wayata nani ba lika ayan ni daukan, mina wâl ba lika ayan ni bara slaubla ni sin paskan kan,

Daniel 7:27

King lâka, karnika bara prana lâka naha tasba aiska kingka lâka ba sut Gâd Laih Purara iwi ba uplika nani ra yan kabia, ai king lâka ba ban kaia ra ban kabia sa, naha tasba uplika nani sut bui ai dukia dauki kabia, bîla sin wali kabia.’

Daniel 8:25

Ai âuya mâira lâka bara ai kuninka lâka ba mita pura luan lâka bribia, praut lâka ni aibanhwan takbia, upla ailal witin ra kasak luki ba sut rayaka tikan kabia, king nani kingka luhpia mapara bubia, sakuna witinka ba bui âpu daukan kabia.

Sakaraya 12:3

Baha piua ra nisan nani sut dukiara Jerusalem ba walpa wirha pali daukamna. Ani nisanka baha bukaia munbia ba latwan bribia. Nisan nani sut asla taki Jerusalem mapara bubia,

Sakaraya 4:6

Bara witin naku ai win: “Naha bîla sika Dawan mita Zorobabel ra aisi ba: ‘Aiklabaia daknika ra luki tniwpara, man karnikam ra sin apia; ban sakuna, yang Spiritki ra luki tniws. Karnika sut bri ba Dawanka aisisa.,

Matiu 16:18

Bara yang mai wisna: Man ba Pita, baha tânka lika “walpa”, bara naha walpaya purara sertski mâkamna, bara prura karnika pali mita sin pura lubia apia.

Jan 1:13

Witin nani Gâd luhpia sa, diara nani paskanka ba wina lika apia, baku sin upla brinka bâk sin apia, sakuna Gâd mita ai karnika wal mangkan bamna.

Apastil Nani Sturka 4:11

Naha Jisaska sika walpa ba, sakuna man nani utla mâmakra nani mita witin ba bahki kulkram, ban sakuna witin sika walpa kau painkira ba.

2 Korint 5:1

Bamna yawan kaikisa, wan wîna tara na utla kum baku sip ban apia ba mita, sauhki tikan kabia; kuna Gâd mita wan watla ban kaia kasbrika purara ridi daukan sa, bara baha lika upla mita ai mihta ni daukras sa.

Hibru Nani 9:24

Kan Kraist ba Dawan wal prawaia upla paskan kumi ra dimi waras, baha Dawan wal prawaia watla kasak ba lilka kum baman ba. Witin kasbrika pura pali ra dimi wan, bara nanara Gâd mawanra bahara latan takisa, yawan wan hilpka dukiara.

1 Pita 2:7

Man nani kasak lukisma ba mampa ra lika, baha walpaya ba mana tara pali brisa; sakuna kasak lukras nani ba mapa ra lika, Ulbanka ra naku aisi na tnata alkisa: “Utla mâmakra nani mita lulki swin walpaya ba, kau rayaka wihtka walpaya takan sa.”

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”

Param Marikanka 17:14

Witin nani Sîp Luhpia ba mapara aiklabi kabia, sakuna Sîp Luhpia ba witin nani pura lubia; kan witin ba Dawan nani dawanka sa, King nani kingka sin, bara witin wal nani ba lika, Gâd mita paiwan sa bara wahbi sakan sa, bara kasak sin banhwisa.”