Daniel 2:11 - DAWAN BÎLA AISKA

¹¹ Man king tara sma ba, makabankam ba karna pali sa, bamna upla âpu sa baha mai wiaia, gâd nani baman lika, ¡sakuna baha nani ba wan tilara âpu sa!

Daniel 2:11 ပူးပေါင်းရင်းမြစ်များ

Blasi Sturka 41:39

Bara king ba Josep ra tawi win: —Waitna kau âuya mâira sinskira, man wal baku ba wala nâra âpu sa, kan Gâd mita naha diara nani takaia ba tânka sut mamrikan.

Blasi Sturka 41:8

Bara yu baiwan titan ra, witin baha kaikan ba dukiara luki kasak ai kupia wal aisi kan. Bara adar yaban Idsip ra bahmuna diara kakaira sinskira nani bâra ba sut paiwi bri balaia. Sinskira nani ba balan, bara king fero witin yaprisauhkan kaikan ba tânka sut baha nani ra win. Sakuna witin nani tila wina kumi sin sip yaprisauhkan kaikan tânka ba laki param saki sip wiras kan.

1 King Nani 8:27

“Ban sakuna, ¿baha ba kasak sa ki, Gâd ba naha tasba purara iwi kaia? Bara kaiks kasbrika pura ba bara yahpika ba sip alki briras sa, bara nahki sip kabia naha tempel yang bui paski maikri na.

2 Kronikas 6:18

“Ban sakuna, ¿baha ba kasak sa ki, Gâd ba upla wal naha tasba purara iwi kaia? Bara kaiks kasbrika purara nani ba, bara yahpika ba sip alki briras ba apia. ¡Bara nahki sip kabia naha tempel, yang bui paski maikri na!

Lawana Nani 132:14

“Naha ilka ra sika, bâra kan ai dauki ba; bahara iwamna, baku brin ai dauki bamna.

Lawana Nani 68:18

Gâd, man purara uli watma upla nani priski brih muni, lal mana sakram upla nani wina; bara man mampara babura nani sut ba, Dawan, man ra bawan.

Impakan Sturka 29:45

Bara yang lika Israel luhpia nani tilara iwamna, bara yang lika witin ai Gâdka kamna.

Impakan Sturka 8:19

Bara sukia nani wih king ra win: —¡Naha diara na, Gâd mita daukisa! Sakuna king ba ban ai kupia karna bri kan, Dawan mita win ba baku, Moses bara Eran wal ra bîla walbia apia.

Aiseya 47:12

Nanara ban bâra kupiam yabaki bas, sukika lâka ailal pali ba sin ban dauki bas, baha nani tilara, man lan takram ba wahma kapram ba yua wina; ban kra baha nani tâm baikbia, waihlam nani ra sirang ikbia.

Aiseya 57:15

Kan witin Laih Purara iwi ba, ban kaia ra raya ba, witin ai nina ba holi, witin aisisa: “Yang lika waitla laih purara holikira ba ra iwisna, upla kupia kriwan ai spiritka umpira luki ba baha wal, bawikira nani spiritka ba, ban raya kaia daukisna, kupia kriwan nani spiritka ba, lukanka raya daukisna.

Aiseya 8:18

Yang, yang luhpi nani sin Dawan wina aikan ba, Israel luhpia nani ra sain aihkakira kaia ba dukiara sa, Dawan, karnika sut bri ba mita ai mangkan sa witin Saion ilka ra iwi ba.

Daniel 4:4

“Yang, Nabucodonosor King, watla ra sâp, kupi lamni, bin âpu bâra kapri, diara nani sut sin nahki yamni pâwi ba kaiki kapri,

Daniel 5:11

Man kingkam tasbaya ra waitna kumi bâra sa, Gâd holikira spiritka ba witin wal sa. Bamna man aisikam king aimaki kan piua ra, baha waitnika ba bui marikan kata nahki witin ai sinska lâka tânka ba, witin ba sinskira, diara tânka kakaira pali sa, dawan nani ba baku. Baha mita, man aisikam king Nabucodonosor, baha waitnika sinskira nani, sins lâka kakaira nani, bara slilma tânka plaplikra nani, baha tasbaya ra ba sut lalka mangkan kata.

Kulki Kaikanka 35:34

“Man nani iwaia sma tasbaya lâka ba tâski daukpara, yang sin bahara tilamra takaskamna bamna. Yang Dawan, Israel luhpia nani tilara iwisna.”

Matiu 19:26

Jisas witin nani ra kaiki si, win: —Upla nani naha na daukaia sip apia sa, sakuna Gâd lika diara sut daukaia sip sa.

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Jan 14:17

Dawan ra tawras uplika nani baha Spiritka ba sip bribia apia, kan witin nani mita sip kaikbia apia, bara sip tânka bribia apia; sakuna man nani lika pat kakaira nani, kan witin ba man nani wal sa, bara ban kaia ra sin man nani wal kabia.

Jan 14:23

Jisas pana win: —Ani uplika latwan ai kaiki ba, dîa aisisna ba kat wali daukisa, bara Aisiki mita latwan kaikbia, bamna yang Aisiki wal bal baha uplika ra takaskamna.

2 Korint 6:16

Bara diara kum mapa ra sin sip apia sa Gâd tempelka ba aidul nani wal prakaia. Bamna yawan nani lika Gâd rayakira ba tempelka sika, Gâd witin pali aisin ba baku: “Yang lika witin nani tilara iwamna bara sin taukamna; yang lika witin nani Gâdka kamna bara witin nani ba upliki nani kabia.”

Param Marikanka 21:3

Bara yang bîla baikra tara kum walri king iwaika ba wina naku aisi kan: “Kaiks, nanara Gâd ba upla nani tilara ai watla brisa. Witin nani wal iwbia, bara witin nani ba ai uplika nani pali kabia, bara Gâd lika witin nani wal kabia, ai Gâdka kaia dukiara.