Daniel 11:7 - DAWAN BÎLA AISKA

⁷ Ban sakuna, ai kiamka tila ba wina kumi king kan kahbaika pliska ba alkbia, bara witin war aiklaklabra daknika brih yahbra kingka mapara aiklabaia wabia, bara king lâka karnika ba alki bribia, ai aiklaklabra daknika nani ba.

Daniel 11:7 ပူးပေါင်းရင်းမြစ်များ

Job 14:7

Dus kumi klakan ba kau bîla kaikanka bâra sa kli urhwi pâwaia, kli raya takaia.

Lawana Nani 109:8

¡Piu kunhku man raya kabia, bara upla wala nani ai dukia dawanka takbia!

Lawana Nani 55:23

Gâdki, upla âikra nani bara kuninkira nani sin, raya kabia apia; ai rayaka ba bakriki man kabia; man bui munrika raiti tihuka ra wabia, sakuna yang lika kupi aiska man ra kasak lukisna.

Aiseya 11:1

Jesé plamaika ba wina, tnawa kum bal takbia, wakia nani ba wina sin tnawa urhwi takbia.

Aiseya 9:14

Bahamna, Dawan ba, Israel kingka lâka ra daukan kabia, upla kum daiwan ra wâika bara lal klaki ba baku, kûku dusa talika nani bara yauhrus dusa ba wal ra, sim sât baku klaki ba. ¡Naha sut ba yu kumi bilara baman!

Jirimaya 12:2

Man mita witin nani ba mangkram, bara witin nani pâwi ai wakia alki ai mâ sakisa. Ai un nani ba wina lata tani ra, witin nani ai lamara mai brisa, sakuna ai kupia lukanka ra witin nani man wina laihura sa.

Isikiel 17:18

kan witin pramis daukan ba lawaska kikan bamna, wal lâ daukan kata ba kat daukras kan; pramis takan kuna sut daukras kan, bamna rayaka wal swak takbia apia.

Daniel 11:40

‘Ban sakuna, piua ba balbia ba ra, muna tani kingka ba yahbra tani kingka mapara aiklabia, bara naha na taki wabia wal prawaia, muna tani mapara bubia skwal saura baku, war aiklabaia wagin ni lisamra baku dimi wabia, aras âiulra daknika nani bara slaup nani kira sin.

Daniel 11:6

Mani kum kum lubia ningkara king tasbaya wâl ba aikuki lâ kumi daukbia, bara muna tani kingka ba bui yahbra tani kingka ra ai luhpia mairin wal maya baikbia, baha ba king tasbaya baikanka wâl kata ba nanara wal kupia kumi takan ba tânka. Sakuna baha lukanka ba bahki ra tawbia, kan baha mairka ba, luhpia waitna, maya waitna ba bara albika nani sut lika ikan kabia.

Malaquía 4:1

Karnika sut bri Dawanka ba aisisa: “Yua ba aula sa, kubus lapta takan ba baku, prautkira watawikira nani ba sut twi lâwan baku pauta klauhan kum ra ambia. Baha yua aula ba mita angki witin nani sut âpu daukbia.

Luk 12:20

Sakuna Gâd mita win: ‘Waitna sinskas, naha sim tihmika pruma; ¿bara diara suni swiram ba ya dukia kabia ki?’