Daniel 11:4 - DAWAN BÎLA AISKA

⁴ Ban sakuna, ai king lâka ba bapbia, sakuna ai king lâka ba âpu daukan kabia, bara ai kingka lâka tar baiwi walhwal ra daukan kabia. Baha king lâka karnika ba ai kiamka nani ra laki yan kabia apia, bara ai king lâka ba kaina piua ra karna kan ba baku kabia apia, kan baiki sakan kabia ba mita, ban sin upla wala witin ai watlika ra king aimakan kabia ba tâka.

Daniel 11:4 ပူးပေါင်းရင်းမြစ်များ

Lawana Nani 39:6

¡Upla sut ba dista kum bal lui baku luisa! Diara ailal kuki ba, witin ra hilp apia sa, dukia nani ba ya bribia sapa nu âpu.

Smasmalkra 4:8

Upla yakan ba, ai uplika âpu, ai luhpia âpu, ai muihni sin âpu ba, sip ris briras; ai dukia kukan bara lukan baman sip swapras, bara makabi sin walras: “¿Bara ya dukiara wark uya takisna? ¿Dîa kan wan wîna yamni briaia dukia apia wisna?” Kan naha na sin lukanka bahki sa bara karbanka wirha kum sa.

Jirimaya 12:15

Baha daukamna ningkara kli yang kupi kriwan takbia witin nani ai sarka, bara witin kli ai kuntrika ra ai tasbaya ra balaia daukamna.

Jirimaya 12:17

Sakuna ani nisanka kabia bîli wali daukras kabia kaka, wakia wal daiki slingbamna. Yang, Dawan, kasak aisisna.”

Jirimaya 18:7

Minit kum ra yang diara sut luki kaikisna nisan kum ba, apia kaka king tasbaya kum ba wakia wal daikaia, dringbaia, sauhkaia.

Jirimaya 31:40

Tasba langni sut upla pruan biki ba bara yamhpuska bahara lulki ba, baku sin Cedrón langnika sut ba, baha wina Aras Lui ba durka kat, lalma tani holikira lâka ba ban bâra kabia; bara baha sut ba kli bataki sauhki sin tikan kabia apia.”

Jirimaya 45:4

bara baha mai wiaia ai blikan: ‘Yang mâkri ba yang slingbisna, yang mangkri ba daikisna. Tasba aiska ra sin baku daukamna.

Jirimaya 49:36

Tâ walhwal wina baha uplika nani mapara pâsa bri balaisna, ai yukuwaika pliki kuntri nani sut ani anira waia daukaisna.

Isikiel 37:9

Bamna Dawan bui ai win: “Yang nini ra pâsa ra aisas raya kaia wingka puhbi ba ra wis: ‘Dawan naku aisisa: Tasba mapa walhwal wina bal bara upla pruan nani na ra rayaka yas.’ ”

Daniel 7:2

“Yang yapriki ra kaiki kapri pâsa mapa walhwal ba wina krawi kan, bara kabu laya tara ba klahbi kan.

Daniel 7:6

“Yumhpika ba lika limi bulni baku kan, ai nina tani ra tnawa walhwal bri kan, bara kaikri lal sin walhwal bri kan bara karna kaia lâka ba yabi kan.

Daniel 7:8

“Kau yang aringka nani ra kaiki kapri, aringka nani tila ba wina aringka sirpi kumi urhwi takan, aringka nani ba wina yumhpa daiki sakan kata wala bal takuya ba dukiara, baha ba upla nakra nani baku bri kan, bara ai bîla ni diara tara nani aisi kan.

Daniel 8:22

Aringka pas ba daikan ningkara aringka walhwal ba sika naha nisanka na wina king walhwal bal takbia, sakuna baha pas kingka karnika ba wina apia sa.

Daniel 8:8

“Bara guts wainhka ba piua bani kau karnakira taki kan, sakuna piua bani kau karnakira taki kan ba piua kat, ai aringka tara ba kriwan, bara baha watlika ra aringka wala walhwal pâwi bal takan, bara aringka tâ walhwal ba pâsa mapa walhwal ra tawan kata.

Sakaraya 2:6

Dawan kasak aisisa: “Yang mita sika tasba tâ walhwal kat mai kangbri waram, kuna nanara mai wisni: ¡Yahbra tasbaya wina mahka plapi taks!

Sakaraya 6:5

Insal ba pana ai win: “Baha nani sika pâsa walhwal, Dawan mawan wina taki tasba aiska ra auya ba.

Matiu 12:25

Jisas pat kaikan baha nani luki kan ba, bara witin nani ra win: “King tasbaya bani dakwi taki, pana pana aiklabia kaka, tanis aisawi tiwbia. Bara tawan kum, apia kaka utla uplika kum unsaban tâwan dakwi takan kaka, baha ba ban kabia apia.

Luk 12:20

Sakuna Gâd mita win: ‘Waitna sinskas, naha sim tihmika pruma; ¿bara diara suni swiram ba ya dukia kabia ki?’

Param Marikanka 7:1

Naha ningkara, yang insal walhwal kaikri, bara baha nani ba wan tasba mapa walhwal ba purara ai mina ra bûi banhwi kan, bara witin nani mita wan tasba payaska walhwal ba dutki alki kan, baha ba wan tasba purara wiria pan yaka krawbia apia dukiara, kabu purara sin apia, dus kumi purara sin apia.