Daniel 11:35 - DAWAN BÎLA AISKA

³⁵ Baku sin upla nani ra smalki kan ba kum kum ra nina bliki rausauhkan kabia, baku mika tânka ba pliki kaikan kabia, sut ba holi bara kasak lâka daukbia, baha piua mangkan ba tnata alkbia ba kat.

Daniel 11:35 ပူးပေါင်းရင်းမြစ်များ

2 Kronikas 32:31

Baku takan kata Babilon ra sin, baha nani ai tâ uplika nani blikan wan ba piua ra, bara sin bal win kan nahki sain aihka tara kum takan ba baha tawanka ra. Bara Dawan bui Ezequías ra yakan swin, witin ai kupia mununhta ba kaikaia bara dîa luki ba sin kaikbia dukiara.

Sins Lâka 17:3

Gul bara silbar ba pauta ra angki kaikisa; sakuna upla lukanka ba lika, Dawan mita laki kaikisa.

Aiseya 27:9

Sakuna, Jekob watawanka nani ba ban swih tikan kabia, bara naha nani taki ba tilak, witin ai saurka nani daukan ba ban swih tikan kabia: gâdkas nani altarka ba sut sauhki yuya baman daukbia. Kal walpaya akbi ba baku, Aserá lilka baha altarka ra kîa yamni angki yabi ba sut, âpu daukbia.

Daniel 11:27

Bamna king wâl ba, diara sauhkaia dukiara baman luki ba aikuki asla tibil kumi ra iwbia plun piaia, bara pana pana kunin aisabia, sakuna wâl ba wina kumi sin diara luki ba bribia apia, kan piua ba kau sa bamna.

Daniel 11:29

Baha piua mangkan ba aimakbia ba ra, witin war aiklaklabra nani bri ba blîkbia, sakuna tâura dimi wih pura luata ba baku kabia apia.

Daniel 11:33

Upla sinskira nani tawan ra ba bui upla ailal ra smalkbia, sakuna piua wiria ningkara baha nani sut ra ikbia, bara pauta ra angkbia, diara nani bri ba sut sin implikbia, tasba kakaira apia nani ra yaka alba nani takbia. Baha ba baku kabia piua kumi ra.

Daniel 11:40

‘Ban sakuna, piua ba balbia ba ra, muna tani kingka ba yahbra tani kingka mapara aiklabia, bara naha na taki wabia wal prawaia, muna tani mapara bubia skwal saura baku, war aiklabaia wagin ni lisamra baku dimi wabia, aras âiulra daknika nani bara slaup nani kira sin.

Daniel 12:3

Upla sinskira nani ba, baha nani upla ailal yabal wapni bâk brih impaki kan ba, kasbrika purara ingwi kabia; ¡slilma nani ba baku, ban kaia ra ingwi kabia!

Daniel 12:4

‘Sakuna, man Daniel, naha wauhkataya diara nani na yukuki bara sîl mangks, piua balbia ba kat. Upla ailal lika nahara bukra tauki kabia, ai sinska lâka kau briaia wisi.’

Daniel 8:10

Tara pali pâwan ba mita, kasbrika purara war aiklaklabra nani ba kat uli wan, slilma nani ba wina tila bataki, ai mina ni taiban,

Daniel 8:17

“Bara witin ba laimara balan bara yang tâ iwan takri, bara yang bawri maiwan ba tasba kat bri si prakri, sakuna witin bui ai win: ‘Upla luhpia waitna, luki bas naha diara aihka kaikram ba lika tnata yua tânka sa.’

Daniel 8:19

bara ai win: ‘Yang mai wiaisna, Gâd lawanka ba tnata alkbia piua ra dîa takaia sip ba. Man diara aihka kaikram ba lika, tnata yua dukiara sa.

Daniel 9:27

Kau wik kum ba bilka ra, upla ailal aikuki lâ kum daukbia, sakuna wik kum ba bilka ra sakripais daukaia ba bara diara mana luha yaia lâka ba, kli daukan kabia apia wibia, tempel lâka ba sauhkanka tara bara diara saura daukan kabia, diara angki daukaia pliska mawan ba kat, sauhki tikaia piua ba aimakbia bara Gâd mita lâ lui sasauhkra ba purara kauhbia ba kat.’ ”

Abakuk 2:3

Naha tânka param mariki kaia piua aimakaia ba kau sa, sakuna piua ba aimakras kaia lika apia, piua pali bal aimakaia sa. Bamna man baha piua aimakuya ba bîla kaiki bas, ban kra kau takaski kabia sakuna.

Matiu 16:17

Bara Jisas witin ra win: —Man ba yamni pali sma, Saiman, Jona luhpia, kan naha na Aisiki kasbrika purara ba mamrikan sa, upla kumi mita lika apia.

Matiu 26:56

Sakuna naha na naku takisa, prapit nani Ulbanka ra win ba aimakaia dukiara. Bara disaipil nani sut Jisas ba yakan swi si, plapan.

Jan 15:2

Witin mita ani tnawa sip ai mâ sakras ba klaki sakisa, sakuna ani tnawa ai mâ saki ba lika dauhbi klin daukisa, ai mâ kau sâkbia dukiara.

Jan 20:25

Bamna ningkara, disaipil wala nani ba mita Tamas ra win: —Yang nani lika Dawan ba kaikri. Sakuna Tamas bila: —Witin ai mihta nani ra silak ni saban untika nani ra bara tnaya mina untika ba ra mihti sirpika ni dingki kaikras sna kaka, yang sip kasak lukamna apia.

Apastil Nani Sturka 13:13

Pal ai uplika wala nani ba aikuki Pafos wina duri ra aimaki, ban laki Perge ra balan, Panfilia tasbaya ra; sakuna Jan lika witin nani wina dakwi taki kli Jerusalem ra wan.

Kli Smalkanka 8:16

Upla iwras tasbaya ra manâ mai dakakan, plun kum damikam nani sin kaikras kan ba, mâyara bawrika traikam kaikaia, baha sut ba painkam ra daukan.

Jems 1:2

Muihki nani, man nani traika kaikanka nani wina trabil sât sât brima ba ra, lilia kaia sma.

Param Marikanka 14:15

Bara tempel ba wina insal wala kum takan, bara ai bîla baikra tara ni kasbrika purara iwi kata ba ra wini kan: “Ispara ba ni mâ ba klaks; kan piua ba balan sa, bara insla mâ tasba ra ba pat pihwan sa.”

Param Marikanka 17:17

Gâd mita witin nani kupia ra mangkan witin kupia lâka daukaia, baha nani wal ai lukanka kumi daukan bamna, bara daiwan saura ba ra king nani karnika yan ba mita, Gâd bîla nani aisan ba aimakbia ba kat.

Param Marikanka 2:10

Pât wahwaia sma ba si bripara; kan man nani tilam wina kum kum ba dibil mita silak ra mangkbia, sut traikam kaikaia dukiara; bara yu matawalsip man nani pât wahwaia kama. Bamna pruma ba kat kasak bas, bara yang raya kaia kraunka ba maikamna.

Param Marikanka 7:14

Yang bui wîri: “Dawan, man baman kaikisma; yang lika kaikras.” Bara witin ai wisata: “Naha nani sika trabil tara bâk lui aula ba, bara ai kwalka nani tuskan ba Sîp Luhpia ba tâlia ra pihni daukan sa.