Daniel 10:8 - DAWAN BÎLA AISKA

⁸ Yang yakan kapri piua ra naha diara aihka kaikanka tara na kaikri. Yang ban pihni pali aihwa takri kata, ban daira wali kapri, karniki nani ba sin âpu pali baku katna.

Daniel 10:8 ပူးပေါင်းရင်းမြစ်များ

Blasi Sturka 32:31

Yu kalwi ulan ba ra, Jekob Penuel wina taki wan; sakuna ai kilka dusa latwan bri kan bamna, prutwi wan.

Impakan Sturka 3:3

Bamna witin aihka lukan: “¡Baha ba dîa sât dukia diara kum aihka pali ba! Yang wih kaikaia sna nahki pali kiaya dusa ba sip amras ba.”

Daniel 10:16

Pat pali upla kum balan, baha upla luhpia waitna baku kan, witin bui uni nani ra kangban. Bara maiwanra bûi kan uplika ba ra wîri: ‘Dawanki, naha diara aihka kaikri na bui kupi wirha takan bara sin swapni sin takri.

Daniel 10:17

¿Nahki sip kabia man wal aisaia naha man dukiam dadaukra na, karnika nani âpu pali aihwa sna, baha purkara wingki kunhku pali brisna na?’

Daniel 7:28

“Naha kat bîla nani ba prakisa. Bara yang Daniel kupi uya pali turban kata, ban sin maiwan ba pihni pali takri kata, sakuna naha diara kaikri ba dukiara upla kumi ra sin wiras kupi ra ban bri katna.”

Daniel 8:27

“Yang Daniel, daihra walri karnika âpu baku kapri, bara yu ailal siknis kapri. Baha ningkara mahka buri bara king dukia daukaia kapri ba mahka daukri. Sakuna kupi ra uya turban pali bri katna, baha diara aihka kaikri ba dukiara, kan baha sip tânka ba briras kapri.

Daniel 8:7

bara aringka wâl ba sut daikan, sîp ba karnika âpu pali takan kata witin ba mapara buaia. Bara guts ba bui sîp ba tasba ra bataki ai mina ni taiban, upla kumi bui sin swaki sakras kata.

Abakuk 3:16

Baha nani daukram sturka ba sut yang walri, bara sibrin ai daukisa; uni nani mahka tatatwan, kuhmi dusa nani swapni takan bara karniki sut tiwan. Sakuna ban yang sâp iwi bîla kaiki kamna, Gâd yawan wan waihla nani ra klala yabia ba kat, wan tataibra suldiar daknika ra.

Matiu 17:6

Disaipil nani baha walan ba ra, tasba kat ai mawan ra kauhan bara sibrin sin takan.

Mark 9:6

Disaipil nani sirang iwan kan bamna, Pita witin dîa aisi ba sip kaikras kan.

Jan 16:32

Bamna awarka ba aula bara baha awarka ba lika nanara pali, man nani aihka aihka mai yakaban kabia, bamna yang na yakan ai swi banhbia. Sakuna yakan apia sna, kan Aisa ba yang wal sa.

2 Korint 12:7

Diara nani param kaikri ba lika diara aihka pali kan, baha mita yang sip maiyunamna apia, wîni ra latwan kum aikan kata sin wîni tara ra kiaya kum ai diman ba baku, bara baha lika Sitan warkka baku balan kan wîni tara ra rausauhkaia.

Param Marikanka 1:17

Yang bui witin ba kaikri ba ra, ai mina kat pruan baku kauhri. Sakuna witin mita ai mihta aihkika ba purira kahbi, ai win: “Si bripara; yang sika tâ bara lâs.