Daniel 1:8 - DAWAN BÎLA AISKA

⁸ Sakuna Daniel lukan king pata dauki ba wina pi, wainka dauki ba sin di tâski takaia apia, bara Aspenaz makaban witin ra taibi munaia apia, king pata bara wainka ba wina piaia bara diaia.

Daniel 1:8 ပူးပေါင်းရင်းမြစ်များ

1 King Nani 5:5

Baku bamna brinki sa nanara, Dawan Gâdki nina ra tempel kumi mâkaia, Dawan Gâd bui papiki ra aisi win ba baku: ‘‘Man luhpiam ba yang mita yarka man king iwaikam ra iwbia ba, baha bui yang nini ra tempel kumi mâki aikbia.’’

Lawana Nani 106:28

Witin nani Baal-peor albika takan, bara ailal nani sakripaiska daukan, pata ba sin pin.

Lawana Nani 119:106

Yang swer kumi takri, baha ba yang daukaia sni; ¡lâmka kasak ba, yang ban bri daukamni!

Lawana Nani 119:115

Watawi dadaukra nani, yang wina tnaya ra taws, bara yang lika Gâdki lâka bîla nani alki brimni.

Lawana Nani 141:4

Kupi ba lukan lâka saura wina dakbi sâks; daukanka saura nani, lâ watawikira aikrika daukamna apia, bahki lâka dauki waitnika nani wal aikuki, bara baha saura dadaukra nani, pata tara dauki aikuki sin apia.

Sins Lâka 23:3

Witin nani pata auhni nani ba man tumpara, kan man lukankam ra kunin munaia sip sma.

Daniel 1:5

King Nabucodonosor naha sin witin nani ra win: “Baha wahma nani ra yu bani yang ra plun piaia bara wain diaia aiki ba baku, witin nani ra sin yabi kabia; bara mani yumhpa smalki kabia, baha ningkara yang ai kaikaia brih balbia.”

Daniel 5:4

Sut ba wain dih ai aidul nani ra mayuni banhwan, baha dawanka nani ba paski daukan kan gul, silbar, bras, ayan, dus bara walpa wal.

Apastil Nani Sturka 11:23

Bernabé bahara wan ba ra, kaikan nahki Gâd upla nani ra ai yamnika yaban ba, bamna witin lilia kan. Bara mahka upla nani ra smalkan ai kupia aiska ni Dawan ra kasak lukaia tânka.

Apastil Nani Sturka 15:20

Aitani kabia yawan baha nani ra ulbi maisa pakaia, aidul ra sakripais daukan pata sâtka kumi sin pibia apia, baha tâski bamna. Bara upla kumi marit takras kira ai maya briaia apia sa, daiwan katwi pruan nani wîna ba pibia apia, tâlia sin apia.

1 Korint 7:37

Sakuna ani waitnika, baku daukaia witin ra taibi munras sa, bara witin dîa daukaia lukbia ba pri pali sa, bara ai kupia ra ai luhpia mairin ba marit takras ban kabia dukiara ban bapi lukisa kaka, witin pain daukisa.

2 Korint 9:7

Upla bani dîa yaia ai kupia ra lukan ba kat yaia sa; saura luki baku taiban lâka ni lika apia, kan Gâd mita latwan kaikisa liliakira ni yabi uplika ra.

Kli Smalkanka 32:38

baha nani sakripaiskam batanka pi kan ba bara wainka maikan di katma ba? ¡Witin nani bûi bal hilp mai munbia si! ¡Witin nani bal kainam kahbia si!