Daniel 1:7 - DAWAN BÎLA AISKA

⁷ King watla ra dukia dadaukra nani lalka ba bui naha wahma nani nina ba mâkan Daniel nina ba Beltsasar; Ananías ba Sadrac; Misael ra Mesac mâkan; bara Azarías ba Abed-negó mâkan.

Daniel 1:7 ပူးပေါင်းရင်းမြစ်များ

Blasi Sturka 41:45

Bara king fero mita Josep nina ba Idsip uplika nani bîla ra Safenat-panéah mâkan, bara Asenat Potifera luhpia mairin ba wal maya baikan, witin lika tawanka ra prîs kum bâra kan ba luhpia mairin. Bara baku Josep ba Idsip tasbaya aiska mawanra wihta tara mangki swin.

2 King Nani 23:34

Baha purkara, king fero Necao ba mita Josías watlika ra, Eliaquim ba king mangkan ai aisika watlika ra. Bara ai nina ba Joaquim mâkan, bara Joacaz ba lika Idsip ra brih wan bâra ban pruan.

2 King Nani 24:17

Bara Babilon kingka ba mita Joaquín watlika ra, ai tubani Matanías ba king mangkan, bara ai nina kata ba Sedequías mâkan.

Daniel 1:19

King baha nani sut wal aisin; bara kaikan wahma nani ba tilara kumi sin âpu kata Daniel, Ananías, Misael bara Azarías wal prakaia; bamna baha nani baman king lamara kaia takaskan warkka sin dauki kaia.

Daniel 1:3

Baha purkara, king watla aiska warkka dadaukra nani lalka Aspenaz ra win, Israel luhpia nani tila wina king kiamka nani bara upla kulkanka tara bri nani ba bri balbia;

Daniel 10:1

Persia kingka Ciro mani yumhpa king aimaki kan piua ra, Daniel nina wala Beltsasar mâki ba, diara aihka kum kasak pali kan kaikan ba, sakuna tânka ba briaia karna pali kata, sakuna baha dukiara Daniel kasak pali tânka pliki kan, bara sip kan diara aihka kaikan ba tânka pain briaia.

Daniel 2:26

Bara king mita Daniel nina Beltsasar mâki ba ra win: —¿Man sip sma ki yaprikisauhkan kaikri ba bara tânka ba sin ai wiaia?

Daniel 2:49

Daniel makaban ba kat, king ba mita mangkan, Sadrac, Mesac bara Abed-negó ba wark tara kum lalka, Babilon tasbaya aiska pura kaikaia warkka ra mangkan. Daniel lika king watla ra takaskan.

Daniel 4:5

sakuna tihmia kumi krikriki ra yapi katna ba ra, yaprisauhkan kum aihka kaikri, sibrin ai daukan bara luki kaikri, diara aihka kaikri ba mita.

Daniel 4:8

Tnata ra Daniel, nina wala Beltsasar mâki ba bara gâdki nina baku bri ba, bal diman, witin ba Gâd sunukira pali ba spiritka bui tâ bri impaki ba, witin ra yaprisauhkanki ba wîri naku natka ra:

Daniel 5:12

Daniel ba king mita Beltsasar mâkan ba, witin sika spirit aihka tara kum bri kan, diara tânka kaikaia lâka, sins lâka sin bri kan, yaprisauhkan nani tânka kaikaia, bîla aihka nani tânka bara aihkakira wala nani tânka sakaia sin nu sa. Bamna king, Daniel ba paiws, bara witin bui baha utla tnaya ra ulban ba tânka mai wibia.