Daniel 1:2 - DAWAN BÎLA AISKA

² Dawan bui ban swin Nabucodonosor Juda kingka Jerusalem ra ba alkaia, bara sin Dawan watla ra diara nani bâra kan ba ailal pali saki briaia. Bara Nabucodonosor lika silak uplika nani ba sut Babilon ra kwahki brih wan, bara Gâd watla ra dukia nani kan ba bri si ai gâdka nani watla ra auhbi swin.

Daniel 1:2 ပူးပေါင်းရင်းမြစ်များ

Blasi Sturka 10:10

Witin ai kingka tasbaya tara nani bukan ba: Babel, Érec, Acad bara Calné. Baha nani sut lika Sinar tasbaya ra sa.

Blasi Sturka 11:2

Bara baku ban witin nani lalma tasbaya wina taki impakan, bara Sinar tasbaya kat wan twi langnika tara kum sakan, bara bahara witin nani takaski iwan.

2 King Nani 24:1

Bara Joaquim king aimaki kan piua ra, Babilon kingka Nabucodonosor ba ai uplika nani kira balan bara tawan dahra walras kutbi alkan, bara Joaquim ba witin ai albika takan mani yumhpa praiska. Sakuna tisku kan witin mita Nabucodonosor mapara buan.

2 Kronikas 36:5

Joaquim ba king aimakan yua ra 25 mani bri kan, bara Jerusalem ra 11 mani king aimakan. Sakuna ai daukanka nani ba saura kan Dawan nakra ra.

2 Kronikas 36:7

Nabucodonosor tempel dukia holi kan ba wina bakriki prais brih wan, bara Babilon tempelka ra mangkan.

Esdras 1:7

Bara king Ciro ba Dawan watla dukia nani king Nabucodonosor mita Jerusalem wina bri si ai gâdka bahki nani watla ra swin kan ba sin saki kli yaban.

Aiseya 11:11

Baha piua ra, Dawan ba aima wala kli ai karnika marikbia, ai uplika nani kau swin ba kli bri balaia, Asiria, Idsip, Patrus, Etiopía, Elam, Sinar, Hamat bara kabu un ra iwi tawanka nani ba wina sut sin.

Aiseya 42:24

¿Ya mita yan Jekob dukia nani ba dakbi brih waia, bara Israel ba taibi muni, dukia impliki waihla mihta ra mangkaia? Baha sika Dawan kata ba, yawan bui witin ai mapara saura dauki na. Witin nani ai yabalka nani ra impakaia brin wan daukras kan, ai lâka ba sin yawan nani walras kan.

Jirimaya 25:1

Mani walhwal Joaquim Josías luhpia waitna ba Juda ra king kan ba piua ra, Dawan ba Jirimaya ra balan bara naha bîla na witin ra win Juda uplika nani dukiara. Baha piua Nabucodonosor lika mani kumi baman Babilon kingka aimaki kan.

Jirimaya 27:16

Yang prîs nani aikuki sin aisari, tawan uplika aikuki sin, bara witin nani ra wîri: “Dawan naku aisisa: ‘Baha prapitka nani naku mai aisi ba bîla walpara, witin nani wisa tempel dukia nani Babilon ra brih wan ba kat pali kli bri balbia. Baha sut aisi ba kunin baman.

Jirimaya 28:3

bara mani wâl bilka ra yang daukrika tempel dukia nani ba sut Nabucodonosor mita Babilon ra brih wan ba kli naha pliska ra bri balbia.

Jirimaya 35:11

Sakuna Nabucodonosor, Babilon kingka ba naha kuntrika kutbi alkaia balan piua ra, yang nani Jerusalem ra bal iwaia lukri, Caldea uplika Siria uplika nani aiklabi aula ba kaina wina plapaia; baha mita yang nani Jerusalem ra iwisna.”

Jirimaya 50:2

“Nisan nani ra maisa paks, naha tânka witin nani briaia. Maisa pakanka tukinka ba purara buks; diara kumi sin yukukpara. Man nani wis: ‘¡Babilon kata pat brin! ¡Bara gâdka Bel kata ba lawaska kikaia ra lakan, Marduc gâdka kata ba, sibrin tara ra sa! Aidulka nani, gâdka bahki nani ba, lawaska kikaia ra tawan bara sibrin tara ra sa.’

Jirimaya 51:44

“Bel, Babilon gâdka ba, klala yabamna, langkan yaba munrika aikabia, nisan nani witin ra kli plapbia apia. ¡Babilon kutbanka nani ba pat kauhan!

Daniel 5:13

Bara Daniel ba king mawanra brih wan, bara king bui makabi walan: —¿Man ba Daniel, yang aisiki king Nabucodonosor bui Ju nani bri sal silak ra bri kan ba kumika sma ki?

Daniel 5:18

“Gâd Laih Purara iwi ba bui king lâka aisikam Nabucodonosor ra yan, kulkanka lâka tara bara prana, bara mayunra lâka ba sin.

Abakuk 1:16

Baha mita inska âialkra nani ba inska alkaia dukia nani bri ba, baha dukia nani ra mayunisa, kîa yamni daukaia dukia nani angki, pain kulkan lâka dauki yabisa, baha dukia nani ra ai pura suni tingki wisa, kan baha dukia nani ba wina, witin nani ai pata ailal pali saki pîsa bamna.

Sakaraya 5:11

Bara pana naku ai win: “Witin nani Babilon ra mairka ba tempelka kum mâkaisa. Mâki danh takbia ba ra, playa tara kum purara mairka ba suni swibia.”

Kli Smalkanka 32:30

¿Nahki muni kumi ba mita 1,000 ba munan plapan? ¿Nahki muni wâl ba mita 10,000 ba yaban plapan? Kan Dawan baman witin nani kaina kakahbra ba, witin luki kaikan baha nani ba waihla mihta ra mangkaia.

Wihta Nani 2:14

bara baha mita Dawan ba Israel luhpia nani mapara ai kupia sauhkan, bara âimplikra nani blikan bal ai dukia nani bri kan ba sut implikan. Ai waihla nani ai tnaya kir ba mapara sip aiklabras kan, bara baha nani bal aiklabi witin nani sut pura luan.

Wihta Nani 3:8

Baha tâwan Dawan ai kupia sauhkan bara witin nani ba Mesopotamia kingka Cusán-risataim mihta ra mangkan. Mani 8 Israel luhpia nani Cusán-risataim warkka dauki kan,

Wihta Nani 4:2

bara Dawan ba kli witin nani king Jabín mihta ra mangkan. Jabín ba Kena uplika nani kingka kum kan, Hasor tawanka tara ba wihta aimaki kan. Ai suldiar nani wihtka tara ba nina Sísara mâki kan, bara Haróset-goím tasbaya ra iwi kan.

1 Samuil 5:2

ningkara witin nani ai gâdka Dagón tempelka ra dingkan bara Dagón tnaya kat mangki swin.