Daniel 1:1 - DAWAN BÎLA AISKA

¹ Joaquim Juda ra mani yumhpa king aimaki kan ba piua ra, Babilon wina king Nabucodonosor war aiklaklabra nani wal aikuki wan bara Jerusalem tawanka aiska ba kutban.

Daniel 1:1 ပူးပေါင်းရင်းမြစ်များ

2 King Nani 23:36

Joaquim ba king aimakan piua ra 25 mani bri kan, bara Jerusalem ra 11 mani king aimakan. Ai yaptika nina ba Zebudá mâki kan, Pedaías Rumá wina kata ba luhpia mairin.

2 King Nani 24:13

Baha ningkara Nabucodonosor bui Dawan watla ra diara kukan nani bâra kan ba sut pali sakan, baku sin king watla ba wina, bara Dawan watla ra king Salaman mita diara nani gul ni paski swin kan ba aiska saki sauhki tikan.

Aiseya 39:7

Bara man luhpiam nani man wina takbia kiamka nani tila wina sut ba, Babilon ra bri si wîna krukmika ba saki, king watla ra alba bri kabia.’

Jirimaya 25:1

Mani walhwal Joaquim Josías luhpia waitna ba Juda ra king kan ba piua ra, Dawan ba Jirimaya ra balan bara naha bîla na witin ra win Juda uplika nani dukiara. Baha piua Nabucodonosor lika mani kumi baman Babilon kingka aimaki kan.

Jirimaya 35:1

Josías luhpia waitna Joaquim, Juda kingka kan ba piua ra, Dawan ba yang ra balan, bara ai win:

Jirimaya 35:11

Sakuna Nabucodonosor, Babilon kingka ba naha kuntrika kutbi alkaia balan piua ra, yang nani Jerusalem ra bal iwaia lukri, Caldea uplika Siria uplika nani aiklabi aula ba kaina wina plapaia; baha mita yang nani Jerusalem ra iwisna.”

Jirimaya 36:1

Joaquim, Josías luhpia waitna ba, pat mani walhwal Juda ra king kan ba piua ra, Dawan Jirimaya ra aisin, bara win:

Jirimaya 45:1

Joaquim, Josías luhpia waitna Juda kingka ba, mani walhwal king kan ba piua ra sika, Jirimaya dahra aisin Baruc Neria luhpia waitna ulban ba, bara Jirimaya Baruc ra naku win:

Jirimaya 50:1

Dawan naha bîla nani Jirimaya ra aisin, Caldea uplika nani ra wibia Babilon ra takaia ba dahra nani:

Jirimaya 52:12

Nabucodonosor Babilon kingka pat 19 mani king kan baha manka ra kati matsip, yua matawalsip yua ra, Nebuzaradán, king warkka nani pura kakaira king watla ra aihwakra nani kamandantika ba, Jerusalem ra wan,

Jirimaya 52:28

Nabucodonosor upla nani priski brih wan kulkanka ba naku kan: witin pat 7 mani king kata ba piua ra 3,023 upla nani Juda wina brih wan;

Daniel 5:13

Bara Daniel ba king mawanra brih wan, bara king bui makabi walan: —¿Man ba Daniel, yang aisiki king Nabucodonosor bui Ju nani bri sal silak ra bri kan ba kumika sma ki?