Blasi Sturka 9:2 - DAWAN BÎLA AISKA

² Bara daiwan nani sut tasba aiska ra bâra ba man nani mamwanra tatatwi sibri kabia, tnawira nani pâli tauki nani ba sin, tasba purara tauki daiwra nani sin sîam kabia, bara kabu ra inska nani ba sut sin man nani mihtam ra mangkan sa.

Blasi Sturka 9:2 ပူးပေါင်းရင်းမြစ်များ

Blasi Sturka 1:21

Bara Gâd bui kabu daiwra tarka tara nani ba paskan, bara lî wina taki daiwra nani bara liura ai rayaka bri nani ba sut, bara tnawira nani sut ba sin. Bara Gâd kaikan baha lika baku yamni kan,

Blasi Sturka 1:26

Baha ningkara Gâd bila win: “Kaisa nanara yawan upla ba paskaia wan lilka pali ba talia kat. Bara witin karnika bri kabia inska nani purara, tnawira nani, daiwan tim nani bara wail nani bara tasba ra kwasi tauki nani ba sut purara sin.”

Blasi Sturka 1:28

bara Gâd bui witin nani ra ai yamnika yabi, win: “Man nani luhpa ailal, ailal sahwi, bara tasba ba banhki dauki, witin nani purara karnika alks; tasba na banhki dauki, baha nani tâura aimaki bas; inska nani bara tnawira nani ba, bara daiwan nani tasba purara raswi tauki nani ba sin karnikam mununhtara taibi bri bas.”

Blasi Sturka 2:19

Bamna Dawan Gâd bui daiwan nani sut bara tnawira nani sin tasba wina paskan, bara upla ra bri balan baha nani ra nina mangkbia dukiara. Bara upla ba mita daiwan tim nani sut ra nina mâkan, baku sin tnawira nani bara daiwan wail nani sut ra, bara baha nina ba wal takaski banhwan. Ban sakuna, upla ba wal baku pana pana ai hilpka dauki kaia ba lika baha nani wina kumi sin sakras kata.

Blasi Sturka 35:5

Witin nani mahka yabal ra taki wan, bara Gâd mita yan witin nani ai lamara iwi tawanka uplika nani ba kupia ra sibrin dingkan; baha mita baha nani ba bui Jekob luhpia nani ba nina bliki taki waras kan.

Blasi Sturka 9:1

Gâd bui Noa ra bara ai luhpia nani ra naha bîla nani na aisi yamni munan: “Luhpiam nani ailal sahwi tasba na banhki dauks.

Blasi Sturka 9:3

Diara nani sut ai rayaka bri aiawi tauki ba, man nani pi raya kama dukiara paskri sa; dus mâ nani sâtka bani ba, inma kura nani ba sut sin yang bui man nani ra maikri sa.

Job 39:11

¿Man sip sma ki witin ra kupiam mangki lukaia, kan witin ba karna ba mita, bara swirka warkkam sin dauki kabia ki?

Isikiel 34:25

Witin nani wal lâ wilkanka kum daukamna, yabrika rayaka kum lamni kabia. Yabrika tiwbia kuntri daiwra wail nani ba. Baku sîpki nani ba sip kabia lamni ra iwaia, plis kum param ra bara unta tilara lika apia.

Oseas 2:18

“Baha yua ra, Israel dukiara yamni daukamni: daiwan wail nani ba wal lâ kum daukamni, tnawira, piuta nani aikuki; pantamangka, sord, war aiklabaia dukia nani ba, naha kuntrika wina sauhki âpu daukamni, yang upliki nani ba, ai âuyapah ris bri kabia dukiara.

Libait Lâka 26:22

Daiwan wail nani man nani tilamra blikamni, luhpiam nani âpu daukbia, daiwram nani ba pibia, upla maura mai daukbia, yabal nani ba bîla baman kabia.

Libait Lâka 26:6

Tasbayam ra yamni mai bri kamna, sibrin âpu pain yapi kama, tasbayam ba pri daukamna daiwan wail, daiwan praut bara war nani sut wina sin.

Jems 3:7

Upla mita daiwan kraskira sât sât tim daukaia sip sa: daiwan tnawira nani, piuta nani, kabu daiwra nani, bara baha nani ba tim daukaia sip sa.