Blasi Sturka 7:4 - DAWAN BÎLA AISKA

⁴ Kan kau wik kumi ba bilka ra, yang yârika tasba purara, kakna yawanaiska wâl, tihmia yawanaiska wâl lî auhi kabia. Bara diara rayakira nani sut tasba ra bâra ba, diara nani sut tasba purara paski daukri ba âpu daukamni.”

Blasi Sturka 7:4 ပူးပေါင်းရင်းမြစ်များ

Blasi Sturka 2:5

tasba ra kau inma nani sin pâwi takras kan, insla namya nani sut sin kau pâwras kata, kan lî ba sin Dawan Gâd mita kau yan tasba purara auhras kan bamna, bara upla sin kau âpu kan tasba ra insla daukaia.

Blasi Sturka 6:13

Bahamna Gâd Noa ra win: “Yang pat lukri sa, upla nani ba âpu daukaia; kan tasba ba lâ krikanka lâka ba ni banhwan sa, witin nani ai tâka ba mita. Bara nanara kaiks yang bui witin nani ba, tasba aiska aikuki sauhki tikamna.

Blasi Sturka 6:17

Bara kaiks yang lisamrika tara kum tasba purara brih aulna, tasba aiska ra lî sunaia blikuna diara rayaka bri bani ba sut sauhki tikaia dukiara, bara tasba ra iwi banhwi ba sut prubia.

Blasi Sturka 6:3

Bara Dawan aisin: “Yang bui upla ba ban swirka raya kabia apia, kan kasak pali sika witin ba wîna baman sa, bamna ai yua nani ba mani 120 baman kabia.”

Blasi Sturka 6:7

bara Dawan win: “Upla nani yang paskri ba, tasba mawan wina diki âpu daukamni; upla bara daiwan nani sut ai biara purara kwasi tauki ba wina, pâli tauki ba kat sin sut. ¡Yang kupi sari takan sa, witin nani ba paskri ba dukiara!”

Blasi Sturka 7:10

Bara baku takan, wik kumi alkan bara lisamra tara laya nani ba tasba purara balan.

Blasi Sturka 7:12

bara tasba purara lî auhi kan kakna yawanaiska wâl, tihmia yawanaiska wâl.

Blasi Sturka 7:17

Lisamra tara ba yu yawanaiska wâl tasba purara kan; lî ba pupuhkan, bara ark watla ba mahka awan, ai watlika ba wina tasba purara awan.

Blasi Sturka 7:3

Baku sin tnawira nani kasbrika ra pâli ba wina wainhkika 7 bara mairka 7 brima, tasba ra baha nani kiamka ba raya bri kaia ba mata.

Blasi Sturka 8:10

Kau lapta 7 bîla kaikan, bara butku ba kli ark watla ba wina saki blikan wan.

Blasi Sturka 8:12

Bara kau ban kli lapta 7 bîla kaikan, ningkara butku ba kli blikan wan, witin wan ba wina kli tawi balras kata.

Blasi Sturka 8:2

Bara kabu tara ra lî kârma nani ba prakan, kasbrika purara wina lî nani karna pali auhi kan ba takaskan.

Job 22:16

Witin nani pat pali pruan, lî saura aubi brih wan ba baku.

Job 28:25

Gâd mita pâsa karnika mangkaia lukan ba ra, lî ba sin aitani kat mangkan.

Lawana Nani 69:28

¡Raya kaia wauhkataya ba wina diki sâks! Bara kasakkira nani nina aikuki ulbi mangkpara.

Jirimaya 28:16

Baha mita Dawan aisisa: ‘Man mai blikisna, âu sakuna tasba wina mai tikaia. Naha mani pruma, kan man aisaram bîla nani ba ni upla nani ba yang maipara buaia daukram.’

Emus 4:7

“Yang daukri sika, kati yumhpa namsla purara lî auhras kaia ba, kau mâ dâkras ba kainara, tawan tara kum purara baman yabri lî auhan, bara wala nani purara yabri auhras kan. Insla kum kum purara lî auhan, bara insla wala nani ba lika, lî âpu tâka mita srawi luan.

Param Marikanka 3:5

Ani uplika nani sip muni pura lubia ba, kwala pihni ni dingkan kabia, bara raya kaia wauhkataya wina, yang ai nina nani ba diki sakamna apia. Aisiki mawanra bara ai insalka nani mawanra sin, yang param wimna witin nani ba yang duki kulkisna.