Blasi Sturka 6:3 - DAWAN BÎLA AISKA

³ Bara Dawan aisin: “Yang bui upla ba ban swirka raya kabia apia, kan kasak pali sika witin ba wîna baman sa, bamna ai yua nani ba mani 120 baman kabia.”

Blasi Sturka 6:3 ပူးပေါင်းရင်းမြစ်များ

Blasi Sturka 6:2

Gâd luhpia nani ba kaikan, upla luhpia mairin nani ba mawan pranakira pali kan, witin nani ai laikka ba kat ai maya nani brin, ailalka nani ba tila wina pliki saki.

Nihimaya 9:30

Witin nani wal man kasak pali kupiam alki takaskram mani nani ailal; bara man spiritkam ni prapitkam nani bâk, witin nani ra aisaram; sakuna witin nani man ra walras kan; baha mita man bui witin nani ba baha tasbaika uplika nani mihta ra mangkram.

Lawana Nani 78:39

Gâd ai kupia kraukan, upla bahki nani kan ba, sim pâsa baku auya ba bara kli tawi balras kan.

Lawana Nani 90:10

Yawan raya ba 70 mani; upla kau dutki nani ba lika 80 mani kat kau raya sa; sakuna kau wihka tasba ra raya kaia luki uplika ba, trabil nani bara wark nani baman bri bal sa. Mani nani ba pat lui auya ba baku, yawan sin manka ba lui auya.

Aiseya 5:4

¿Yang wainki nasla ra diara kum daukaia bâra kan? ¿Kau diara kum yang daukras swiri sa ki? Yang bîla kaiki kapri, wain mâ damni nani aikbia, ¿sakuna dîa muni, mâ swahni nani sakan ba?

Aiseya 57:16

Upliki nani wal yang ban blahwi dahra aisi kamna apia, piu sut sin kupi baiki ban kamna apia; kan yang maiwanra spiritka nani sut ba dringwaia daukamna, bara lukanka sut swapni takbia.

Aiseya 63:10

Sakuna witin nani Dawan mapara babura nani takan, Dawan holikira lâka ba witin nani mita kupia baikaia daukan; baha mita witin baha nani ba waihla takan bara witin nani ra aiklaban.

Jirimaya 11:11

Baha tâwan pât tara kum yang bui witin nani ra blikamna, baha wina sip swak takbia apia. Nahki kat witin nani bui yang ra hilp makabi ai winbia, sakuna yang lika witin nani ra walamna apia. Yang, Dawan, kasak aisisna.

Jirimaya 11:7

Man nani damikam nani yang bui Idsip wina sakri ba ra, witin nani ra kupia krauki wîri yang ra baman bîli wali kabia, baha piua wina yang kupia krauki ban sna naha piua kat.

Kulki Kaikanka 11:17

Yang bal iwamna bara bahara man wal aisamna, bara man spirit brisma ba wina wirâ brimna, baha witin nani ra sin yabamna bara witin nani sin hilp mai munbia upla nani karbanka ba twilkaia; baku lika man yakan kama apia.

Jan 3:6

Upla wina aisubi takan ba, wan wîna sika; sakuna Spirit wina aisubi takan ba, spirit sika.

Apastil Nani Sturka 7:51

“Sakuna —Stiben lika ban aisi wi kan— man nani lika piua bani kupiam karna brisma. Man nani kiamam nani bara kupiam sin brisma, sim baha nani Gâd kakaira apia uplika nani ba baku, piua bani Spirit Holikira mapara. Man nani lika damikam nani wal baku pali sma.

1 Tesalonaika 5:19

Man nani Spirit pâta ba daskpara.