Blasi Sturka 6:20 - DAWAN BÎLA AISKA

²⁰ Tnawira nani sâtka bani ba sin, daiwan nani sâtka bani, ai biara purara kwasi tauki nani ba sâtka bani ba wina wâl wâl, man aikuki ark watla ra dimma, witin nani sin raya kaia ba mata.

Blasi Sturka 6:20 ပူးပေါင်းရင်းမြစ်များ

Blasi Sturka 1:28

bara Gâd bui witin nani ra ai yamnika yabi, win: “Man nani luhpa ailal, ailal sahwi, bara tasba ba banhki dauki, witin nani purara karnika alks; tasba na banhki dauki, baha nani tâura aimaki bas; inska nani bara tnawira nani ba, bara daiwan nani tasba purara raswi tauki nani ba sin karnikam mununhtara taibi bri bas.”

Blasi Sturka 2:19

Bamna Dawan Gâd bui daiwan nani sut bara tnawira nani sin tasba wina paskan, bara upla ra bri balan baha nani ra nina mangkbia dukiara. Bara upla ba mita daiwan tim nani sut ra nina mâkan, baku sin tnawira nani bara daiwan wail nani sut ra, bara baha nina ba wal takaski banhwan. Ban sakuna, upla ba wal baku pana pana ai hilpka dauki kaia ba lika baha nani wina kumi sin sakras kata.

Blasi Sturka 7:3

Baku sin tnawira nani kasbrika ra pâli ba wina wainhkika 7 bara mairka 7 brima, tasba ra baha nani kiamka ba raya bri kaia ba mata.

Jan 5:40

sakuna man nani lika yang ra balaia want apia sma, baha rayaka ba briaia.