Blasi Sturka 50:25 - DAWAN BÎLA AISKA

²⁵ Bara witin bui Israel luhpia nani ra win: “Man nani nanara yang ra swer taki aisas.” Bara witin nani ba witin ra swer taki aisin, bara witin bui witin nani ra win: “Kasak pali Gâd balbia, man nani ba sin saki mai brih wabia.”

Blasi Sturka 50:25 ပူးပေါင်းရင်းမြစ်များ

Blasi Sturka 50:5

Aisiki pat pruaia lamara kan ba ra, witin bui yang ra ai win, witin ra swer taki aisamna, ani yua witin prubia ba ra, Kenan tasbaya ra witin mita ai raitika pat atki swin yaba, bahara bri si bikamna. Bamna nanara, yang bui man ra mamkabisni aik aisiki bri si bikaia wamna. Witin ba bikamna ba ningkara yang kli tawi balamna.

Impakan Sturka 13:18

Bahamna Dawan bui witin nani ba upla iwras tasbaya ra waia yabalka bâk brih lui wan, Kabu Pauni tani ra auya ba yabalka ra. Bara Israel luhpia nani ba, war aiklabaia daknika tara kum ridi daukan ba baku ridi taki, Idsip wina taki wan.

Impakan Sturka 13:19

Josep dusa nani ba sin Moses saki brih wan. Josep mita Israel luhpia nani ra pat win kan, witin nani baku daukaia âu wibia. Witin nani ra naku win kan: “Kasak pali, Dawan balbia man nani tâm baikaia; bara baku takbia ba ra, man nani bui yang dusi nani ba sin naha wina saki brih wama.”

Impakan Sturka 3:17

Baku sin ai win: Man nani Idsip ra pât wahwisma ba wina witin mita pri mai sakaia sa, bara tasba wala ra mai brih waia sa, Kenan uplika nani, hitita nani, amorreo nani, ferezeo nani, heveo nani bara Jebús uplika nani iwi ba tasbaya ra, bahara tiala laya bara nasma wal laiwi baku ba.’

Impakan Sturka 3:8

Bamna yang bal iwri, witin nani ba Idsip uplika nani mihta wina dakbi sakaia; yang bui witin nani ba baha tasbaya wina bri sal sakamni bara tasba tara tasba pain kum ra bri si yabamni, bahara tiala laya bara nasma wal laiwi baku ba. Kenan uplika nani, hitita nani, amorreo nani, ferezeo nani, heveo nani bara Jebús uplika nani iwi ba tasbaya ra.

Apastil Nani Sturka 7:16

Ai wîna tara nani ba Siquem ra bri si bikan, baha raitika Ebraham mita Hamor luhpia nani wina atkan ba Siquem tasbaya ra.

Hibru Nani 11:22

Kasak lukan lâka mita, Josep ba pruaia baila kan ba ra, witin aisan Israel luhpia nani ba kau naika Idsip tasbaya ba wina taki wabia, bara witin ai wîna tara wal dîa daukaia ba sin adarka yabi swin.

Jasua 24:32

Josep wîna tara ba, Israel luhpia nani Idsip wina bri balata ba, Siquem ra bikan. baha sika Jekob silbar mâ handat mana atkata ba Hamor luhpia nani wina, witin ba Siquem aisika kata, bara baha ningkara tasbaya ba Josep taika nani ba dawanka takan.

Rut 1:6

Bamna yu kumi Noemí ai piarkika nani aikuki mahka Moab tasbaya wina taki waia buan, kan sturi walan Dawan bui ai uplika nani ra kli yamni kaikan, bara nanara baha tasbaya ra yan plun takisa.