Blasi Sturka 50:24 - DAWAN BÎLA AISKA

²⁴ Yu kumi Josep ai muihni nani ra win: “Yang pruaia piui pat baila sa, sakuna Dawan bal man nani ra tâm baikbia, naha kuntrika wina mai saki, Ebraham, Aisak, Jekob tasba yabaia win ba, baha tasbaya ra mai brih wabia.”

Blasi Sturka 50:24 ပူးပေါင်းရင်းမြစ်များ

Blasi Sturka 12:7

Bara Dawan bahara Ebram ra latan takan, bara win: “Man kiamkam ra yang naha tasbaya na yabamni.” Bara Ebram baha kat altar kum paskan Dawan dukia, Dawan bui witin ra latan takan ba mayunra yabaia dukiara.

Blasi Sturka 13:15

Tasbaya aiska man kaikisma na, man dukiam bara kiamkam nani dukia maikisna ban kaia ra.

Blasi Sturka 13:17

¡Nanara, bus bara tasbaya aiska yarika bara bîla yahpika nani ba sut wapi kaiks, kan yang bui man ra maikaisna bamna!”

Blasi Sturka 15:18

Baha pali yua ra Dawan Ebram wal lâ daukan, bara win: —Naha tasbaya na man kiamkam ra yabamni, Idsip awalka ba wina Éufrates awalka tara ba kat.

Blasi Sturka 15:7

Bara witin ra win: —Yang sika Dawan, Caldea uplika nani tasbaya, Ur wina yang mita mai sakri naha tasbaya na man tasbayam maikaia dukiara.

Blasi Sturka 15:8

Sakuna Ebram pana aisi, naku win: —Dawan Gâd, ¿yang diaura kaiki kasak daira walamna tasbaya na yang prapatiki aikuma ba?

Blasi Sturka 17:8

Kenan tasbaya ba man ra maikamna bara witin nani ra sin yabamna. Nanara man bâra iwisma tasbaya ba man prapatikam ban kabia; bara yang lika witin nani ai Gâdka kamna.

Blasi Sturka 21:1

Dawan ai bîla win ba baku, witin Sara ra bal kaikan, bara witin ai bîla aisin ba kat sin Sara ra daukan.

Blasi Sturka 26:3

Nanara man ban tasbayam iwisma ba ra ban iwi bas; yang lika man wal kamna, yamniki maikamna, man kiamkam nani ra bara baku sin naha tasbaya nani sut ra yabamna; man aisikam ra pramis munatna ba pramiska kat daukamni.

Blasi Sturka 28:13

Bara Jekob kaikan Dawan ai lamara bûi kan bara witin ra aisi kan: “Yang sika Dawan, damikam Ebraham Gâdka ba, Aisak Gâdka sin. Naha tasbaya man nâra yapisma na tasbaya man ra maikamni, man kiamkam nani ra sin.

Blasi Sturka 3:19

Mamwan laptika saki patam pima, tasba ra kli tawma ba kat, kan baha wina mai paskan bamna, man ba tasba yuya sma, bamna tasba yuya ra kli tawma ba kat.

Blasi Sturka 35:12

Ebraham ra, Aisak ra tasba yabri tasbaya ba, man ra sin maikisni, bara man ninamra kiamkam nani ra sin tasbaya ba yabamna.”

Blasi Sturka 46:4

Man wal Idsip ra wamni, bara yang mita kli man kiamkam ba, Idsip wina bri sal sakamna. Baha purkara man pruma ba ra, Josep man lamamra bâra kabia.

Blasi Sturka 47:29

Yu kumi Israel ai dara walan, witin ba pruaia pat baila sa. Bara ai luhpia Josep ba paiwan witin ra sturi wiaia: —Man naku diara kum dauki aikaia brin mai daukisa kaka, nanara yang karniki ra alki tâi baiks. Bara yang dîa man ra makabamna ba daukaia swer taki aisas. ¡Pliskam pali, Idsip tasbaya ra lika ai bikpara!

Blasi Sturka 48:21

Baha ningkara witin Josep ra tawi win: —Nanara man kaikisma, yang pruaia pat baila sna; sakuna Dawan lika man nani wal ban kabia, tâm baikbia, damikam nani tasbaya ra kli mai bri wabia.

Blasi Sturka 50:5

Aisiki pat pruaia lamara kan ba ra, witin bui yang ra ai win, witin ra swer taki aisamna, ani yua witin prubia ba ra, Kenan tasbaya ra witin mita ai raitika pat atki swin yaba, bahara bri si bikamna. Bamna nanara, yang bui man ra mamkabisni aik aisiki bri si bikaia wamna. Witin ba bikamna ba ningkara yang kli tawi balamna.

Job 30:23

Yang pat tânka brisna prura ra ai brih waisma, baha tasbaya kum mâyara saki swiram ba upla bani dukia ba.

Impakan Sturka 12:41

Bara 430 mani alkan ba manka ra, Dawan uplika nani aiklaklabra daknika tara ba sut mahka Idsip tasbaya wina taki wan.

Impakan Sturka 12:51

Bara baha yua ra sika Dawan mita Israel uplika aiklaklabra daknika nani ba, sut Idsip tasbaya wina brih sakan ba.

Impakan Sturka 13:19

Josep dusa nani ba sin Moses saki brih wan. Josep mita Israel luhpia nani ra pat win kan, witin nani baku daukaia âu wibia. Witin nani ra naku win kan: “Kasak pali, Dawan balbia man nani tâm baikaia; bara baku takbia ba ra, man nani bui yang dusi nani ba sin naha wina saki brih wama.”

Impakan Sturka 3:8

Bamna yang bal iwri, witin nani ba Idsip uplika nani mihta wina dakbi sakaia; yang bui witin nani ba baha tasbaya wina bri sal sakamni bara tasba tara tasba pain kum ra bri si yabamni, bahara tiala laya bara nasma wal laiwi baku ba. Kenan uplika nani, hitita nani, amorreo nani, ferezeo nani, heveo nani bara Jebús uplika nani iwi ba tasbaya ra.

Impakan Sturka 33:1

Bara Dawan mita Moses ra win: —Man mahka impaks, naha wina taki was upla nani Idsip wina sakram ba aikuki. Man nani was baha tasbaya ra yang Ebraham, Aisak bara Jekob ra yaia wîri ba, yang baha tasbaya ba man kiamkam nani ra yabamna.

Impakan Sturka 4:31

Bara upla nani ba sut kasak lukan, baku bamna witin nani sin ai dara walata Dawan ba witin nani ai inanka ba walan, bara sut ai pura suni mayunan.

Smasmalkra 12:5

Purara ba mita sibrin daukbia, bara yabal ra ba pât nani bâra kabia. Amans dusa ba mahka tangnika baiwbia, tristrisia ba pât bribia, karnikam ba tiwbia, sip diara daukras kama. Bara upla ba lika ai watla ban kaia ra auya, bara yabal ra ini yahwi kabia pruan ba dukiara.

Smasmalkra 12:7

Baha ningkara tasba yuya ba tasba ra tawbia patitara kata baku, ban spiritka ba lika Gâd ra wabia, baha ba witin mita yan bamna.

Kulki Kaikanka 32:11

Idsip wina takan uplika nani, mani 20 alkan ba wina ai purara bri ba, kumi sin baha tasbaya ba kaikbia apia, baha sika Ebraham, Aisak bara Jekob ra yaia win yaba, witin nani kasak wapi banhras kan ba mita.

Roman 5:12

Baku bamna, saurka ba upla kumi tâka ba mita upla sut ra luan, bamna saurka ba mita prura balan, bara prura ba upla sut ra alkan sa, kan upla sut saura daukan bamna.

Kli Smalkanka 1:8

Yang bui tasba ba man nani mihtam ra mangkri sa; man nani was bara tasbaya ba brih iws. Kan yang bui Dawan ra swer taki yabaia aisari, man nani damikam Ebraham, Aisak, Jekob bara ai kiamka nani ra sin.’

Kli Smalkanka 6:10

“Man nani Dawan Gâdkam mita almukkam nani, Ebraham, Aisak bara Jekob ra pramis muni yabaia win ba kuntrika ra dimma. Kuntri kum tawan tara pranakira nani brisa, man nani paskras kapram ba;

Hibru Nani 11:22

Kasak lukan lâka mita, Josep ba pruaia baila kan ba ra, witin aisan Israel luhpia nani ba kau naika Idsip tasbaya ba wina taki wabia, bara witin ai wîna tara wal dîa daukaia ba sin adarka yabi swin.

Hibru Nani 9:27

Upla bani ba aima kumi baman pruaia sa, bara baha ningkara Gâd mita lâka daukbia.

Jasua 24:32

Josep wîna tara ba, Israel luhpia nani Idsip wina bri balata ba, Siquem ra bikan. baha sika Jekob silbar mâ handat mana atkata ba Hamor luhpia nani wina, witin ba Siquem aisika kata, bara baha ningkara tasbaya ba Josep taika nani ba dawanka takan.