Blasi Sturka 49:24 - DAWAN BÎLA AISKA

²⁴ Sakuna Josep ai klahkla nani karna bri bamna, ai trisbaika nani ba karna alki brisa; tingki Jekob Gâdka karnakira ba ra; tingki baha Sepadka nina ra, Israel kan kahbi ba.

Blasi Sturka 49:24 ပူးပေါင်းရင်းမြစ်များ

Blasi Sturka 45:11

Bara bahara yang bui man tamya nani sut ra plun yabamna. Upla wala nani man wal takaski nani ba ra sin yabamna. Bara man nani sut diara bri kama, kau mani matsip ban plun tiwi kaia sa bamna.’

Blasi Sturka 45:5

Sakun, pliskam pali, man nani sari takpara, kupiam sin baikpara, man nani mita ai atkram ba ra wisi. Gâd mita sika baku dauki, man nani kainamra ai blikan nâra balri, upla rayaka nani ailal ba swaki sakaia dukiara.

Blasi Sturka 45:7

Gâd mita man nani kainamra nâra ai blikan balri, man nani kiamkam ba tasba ra ban bâra kaia dukiara. Dawan wark aihkakira nani daukisa, man nani rayakam ba swaki sakaia mata.

Blasi Sturka 47:12

Baha purkara Josep ba, witin nani watla bîla kumi bani ra plun yabi kan, witin nani briaia kan ba praiska ba kat.

Blasi Sturka 48:15

Bara witin naku aisi Josep ra ai yamnika yan: “Yang aisiki nani, Ebraham bara Aisak baha Gâdka ra bîla wali kan Gâdka ba, baha Gâdka yang aisubi takri yua ba wina naiwa kat main ai kaiki ai bri ba,

Blasi Sturka 49:23

Pantamangka lalulkra nani ba witin ra misbara kaikisa, trisbaya nani lulkisa bara piu bani ai kupia turbisa.

Blasi Sturka 50:21

Bamna nanara man nani si bripara, man nani sut, luhpiam nani sut sin ban plun maiki kamna. Baku Josep latwan lâka ni ai muihni nani maisa nihki kupia lilia daukan.

2 Samuil 5:2

tânka pali ba kat lika, Saúl ba wan kingka, sakuna kasakka tânka ba kat man sika Israel luhpia nani tâ bri kapram war ra. Ba purkara, Dawan sin man ra pramis maikan, man sika Israel tâ bri pura wihtka aimakaia.”

2 King Nani 13:16

Bara baha ningkara Ilaidsa mita witin ra win: —Trisbaya kum lulkaia ridi taks. Bara king ba baha dauki kan ba ra, Ilaidsa bui ai mihta nani ba king mihta nani purara mangkan,

Nihimaya 6:9

Witin nani sut pali mita nahki sirang wan ikaia pliki kan, witin nani luki kan wan lukanka swapni takbia bara warkka dauki ba takaskaia; sakuna warkka ba yang kau karna daukri.

Job 29:20

Praina ba yang wal kli raya takbia, bara karniki ba ban bri kamna.”

Lawana Nani 118:22

Walpa utla mâmakra nani bui lulki swin ba, baha pali sika wihtka pali takan ba.

Lawana Nani 132:1

Dawan, Dawan, Debit ra kupiam krauki bas, pât nani wahwan ba sin;

Lawana Nani 132:2

witin bui Dawan ra swer aisi bapi bûi kaia win ba:

Lawana Nani 132:5

Dawan, Jekob Dawanka karnakira ba, watla pliki sakras sna kaka.”

Lawana Nani 18:1

Man, Dawan, yang karniki sma; ¡latwan mai kaikisni!

Lawana Nani 18:30

Wan Gâdka yabalka ba lika wapni pali sa; Dawan bîla aisinka ba, kasak lukaia ba aitani pali sa; ¡witin lika baha nani witin ra luki yukuwi ba kan kahbaika sa!

Lawana Nani 23:1

Dawan sika sepadki; yang diara sut brisna.

Lawana Nani 27:14

¡Dawan kat luki bas! ¡Lukankam swapni takbiara! ¡Ban, Dawan ra baman bîla kaiki luki bas!

Lawana Nani 28:8

Dawan ba ai uplika nani karnika sa, witin hilp munisa baha ai kingka bâk sakan ba.

Lawana Nani 44:7

Man sika yang nani ra sip ai daukram waihli nani pura luaia; misbara ai kaiki nani kata ba, upla wala mita witin nani pura winaia daukram.

Lawana Nani 73:23

Ban sakuna, man wal ban tauki kapri. Man bui yang mihti aihkika ra ai alkram,

Lawana Nani 80:1

Israel sepadka, Josep ra, sîpkam daknika baku tâ brih was, man kirubin purara iwaikam brisma ba, ¡wan wals! Man namkra yamni wal Efraín ra kaiks,

Lawana Nani 89:1

Dawan, man kupiam yamnikira sma ba tânka, piua sut aiwani wimni; aima bani ban aisamni man ba kasak sma.

Impakan Sturka 3:6

Baha purkara win: —Yang na damikam nani Gâdka sni, Ebraham, Aisak bara Jekob Gâdka ba. Moses Gâd bîla baikra walan ba ra, Gâd mawan ingnika kat kaikaia sibrin daukan, bara witin ai mawan yukukan.

Aiseya 1:24

Baha mita, karnika sut ba Dawanka, Dawan karnakira Israel ra bâra ba, witin aisisa: “¡Baha kat aitani! Yang waihli nani lâka ba daukamni. Yang bui witin nani ra pana munamna.

Aiseya 28:16

Baha mita, Dawan ba naku wisa: “Saion ra walpa kum mangkamni, walpa kum mana tara pali bâk saki briri ba, walpa pas, sut wihtka ba, baha purara mâki kaia walpaya ba, ya witin ra kasak luki ba ai âuyapah kaia sip kabia.

Aiseya 29:24

Aimawahkan nani ba sins briaia lan takbia, rarangbra nani ba sin lâ smalki yan ba witin nani lan takbia.”

Aiseya 41:10

Si bripara, kan yang lika man wal sna; dring prupara, kan yang lika man Gâdkam sna. Karna mai daukisna, piua bani hilp mai munamna. Piu bani tâm baikamna mihti aihkika pura luan lâka bri ba wal.

Aiseya 49:26

Mai tataibra nani ra taibi munamna ai wîna ba piaia, ai tâlia ba sin wain baku di bla takaia. Baku upla sut tânka bribia yang, Dawan, yang bui man mai swaki mai sasakra sna ba; yang, karnakira ba Jekob wina, yang sika man pri mai sasakra.”

Aiseya 60:16

Plun kau pain ba nisan nani wina man ra maikbia, king nani ba diara kukan manis man ra brih balbia; bara man ai kakaira takma Dawan ba, yang, yang na man mai swaki mai sasakra.

Sakaraya 10:12

Witin nani ra karnika nani yabamna, bara yang nini mâki witin nani ai kainara impakbia. Yang, Dawan, bîli aisisni.”

Sakaraya 3:9

Yang sin Jasua mawanra walpa kum tnaya 7 bri ba mangkri, bara yang mihti ulbanka kumi baha walpaya ra swimna. Baha wina yu kum bilka ra, yang naha tasbaya uplika nani saurka wina dakbi sakamna.

Matiu 21:42

Bara Jisas witin nani ra win: —¿Man nani Ulbanka ra kau aisi kaikras ki? Naku ulban sa: ‘Walpa utla mâmakra nani mita lulki swin ba, baha pali sika raya wihtka takan ba. Naha na Dawan mita daukan sa, bara yang nani aihka tah iwi banhri sa.’

Mark 12:10

“¿Man nani Ulbanka ra aisi kaikras katma ki? Naku wisa: ‘Utla mâmakra nani mita bahki kulkan walpaya ba, naha walpaya na tâura bapan walpaya takan.

Luk 20:17

Sakuna Jisas baha nani ra kaiki, naku win: —Baku bamna, ¿Ulbanka ra bâra ba, dîa wiaia tânka sa ki? Naku wisa: ‘Baha walpaya utla mâmakra nani mita lulkan ba, baha sika raya wihtka takan ba.’

Apastil Nani Sturka 4:11

Naha Jisaska sika walpa ba, sakuna man nani utla mâmakra nani mita witin ba bahki kulkram, ban sakuna witin sika walpa kau painkira ba.

Roman 14:4

¿Man ba ya sma, upla wala dukia dadaukra lâka aisi daukisma ba? Ai dawanka bisniska sa, witin ba buisa sapa, apia kaka kauhisa sapa. Bara uplika ba yaka pain bûi kabia, kan Dawan lika sip sa witin ba yaka pain kaia.

Epesus 2:20

Man nani ba utla kumi baku apastil nani bara prapit nani playa bapan ba purara mai paskan sa, bamna Jisas Kraist pali sika baha playa bapan walpaya kau tara ba.

Kli Smalkanka 32:4

Witin ba wan kan kahbaika sa; ai warkka nani ba wapni sa, ai daukanka nani ba kasak sa. Kasakka lâka Gâdka sa, watawika lâka witin ra âpu sa. Witin ba kasakkira sa, ¡witin lika kasak aihwakira sa!

Kli Smalkanka 33:27

Gâd ban kaia ba man yukuwaikam sa, ai karnika ban kaia ba man tâm baikbia, ai waihla nani ai mawan wina yan plapan bara man ra karnika maikan sauhki tikaia.

Kli Smalkanka 34:9

Bara Jasua Nun luhpia ba, Moses wina sins lâka ba brin, bamna Moses ai mihta nani witin purara kahban; bamna Dawan bui Moses ra aisin ba baku, Israel luhpia nani witin bîla wali daukan.

Kolosi 1:11

Yang nani Gâd ra makabisna, witin ai karnika pranakira ba ni man nani sut karnakira mai sâkbia, baku mika diara sut ra liliakira bapi bûi, wihka sin bîla kaiki kama.

2 Timoti 4:17

Sakuna Dawan hilp ai munan bara karnika sin aikan, bamna yang sip katna swaki sakan sturka yamni aiska ba aisi smalkaia, Ju apia nani ba sut walbia. Baku sika Dawan mita layan bîla ba wina swaki ai sakan,

Jasua 17:18

sakuna baha il dus ailal bri ba sin brima, bara baha wina diara ailal sâkma. Kenan uplika nani dukiara lika, man nani bahara iwi ba wina sâkma, witin nani ba karna bara ayan waginka nani brisa kuna.

Wihta Nani 1:22

Josep kiamka nani ba luki kaikan Betel tawanka tara ba mapara wih aiklabaia, baha tawanka tara nina blasi piua ra Luz mâki kan, bara biki kakaira nani blikan wan biki kaikaia. Dawan sin witin nani ra tâ baiki kan.