Blasi Sturka 49:23 - DAWAN BÎLA AISKA

²³ Pantamangka lalulkra nani ba witin ra misbara kaikisa, trisbaya nani lulkisa bara piu bani ai kupia turbisa.

Blasi Sturka 49:23 ပူးပေါင်းရင်းမြစ်များ

Blasi Sturka 37:18

Ban sakuna, witin nani ba laih wina pat kaikan witin aula kan ba, bara kau lamara balras kan taim ai mânka lâ dauki banhwan ikaia wisi.

Blasi Sturka 37:24

Bara liwanhta pakni kum bîla man lî âpu kan ba ra dingkan.

Blasi Sturka 37:28

Bara Madián wina uplika diara wauhi âiatkra nani ba bahak bal lui auya kan ba ra, witin nani Josep liwanhta ba wina saki, baha uplika nani ra silbar mâ 20 mana atkan. Bara baku witin nani Josep ba Idsip ra brih wan.

Blasi Sturka 37:4

Sakuna ai muihni nani ba ai dara wali kaikan ai aisika ba Josep ra kau latwan kaiki ba, witin nani ra lika baku apia. Bara witin nani Josep ra misbara kaikan, bara lakula sin daukras kan.

Blasi Sturka 42:21

Sakuna witin nani ai walka kira pana pana naku aisin: —Yawan nani wan muihni mapara saura pali daukata, kan witin yawan ra ai pura suni makabi kan witin ra baku munbia apia, sakuna yawan lika witin ra umpira kaikras kan bara ai bîla sin briras kan. Yawan kaiki kan witin sari pali aihwa kan, sakuna baha mana sika naiwa naha sarka lâka tara yawan wan purara balan na.

Blasi Sturka 49:22

“Josep lika, dus kum lî tingni lamara mangkan pâwi ba baku sa. Ai mâ nani sin ailal pali sakisa, ai tnawa nani ba sin giadin pura bâk baila wala ra luisa.

Blasi Sturka 49:24

Sakuna Josep ai klahkla nani karna bri bamna, ai trisbaika nani ba karna alki brisa; tingki Jekob Gâdka karnakira ba ra; tingki baha Sepadka nina ra, Israel kan kahbi ba.

Lawana Nani 118:13

Yang ai batakaia wisi, karna ai platukbram sakuna Dawan bal yang ra hilp ai munan.

Lawana Nani 64:3

Baha nani ai twisa, sord baku mala dauki bara trisba nani lulki baku, bîla saura puisin nani aisisa.

Jan 16:33

Naha dukia sut na mai wisni, yang wal asla kama ba mita kupia kumi lâka ba bri kama. Naha tasba ra man nani ban pât wahwaia kama; kuna kupiam karna bri bas, kan yang mita tasba na pura luri sa.

Apastil Nani Sturka 14:22

Baha pliska nani ra kristian nani sut ra tâ baikan, ban sin smalki kupia kraukan kasak lukan lâka ra bapi bûi kabia, bara sin win Gâd king aimaki tasbaya ra dimaia kaka, pât nani wahwaia sa.