Blasi Sturka 49:22 - DAWAN BÎLA AISKA

²² “Josep lika, dus kum lî tingni lamara mangkan pâwi ba baku sa. Ai mâ nani sin ailal pali sakisa, ai tnawa nani ba sin giadin pura bâk baila wala ra luisa.

Blasi Sturka 49:22 ပူးပေါင်းရင်းမြစ်များ

Blasi Sturka 41:52

Ai luhpia waitna ningka ba nina Efraín mâkan, baha tânka win ba sika: “Yang pât nani uya wauhri ba tasbaya ra, Gâd bui yang ra luhpi nani aikan bamna.”

Blasi Sturka 46:27

Josep luhpia waitna nani ba wâl kan, baha nani Idsip ra kan ba piua ra baikan ba. Bamna baha nani sut ba ra lika 70 upla nani Jekob kiamka wina Idsip ra wan.

Blasi Sturka 48:1

Baha wina piua wiria luan ba ra upla nani Josep ra wan, bara win papikam ba siknis sa. Bara Josep buan ai aisika ba kaikaia waia, bamna ai luhpia nani Manasés bara Efraín wal sin aikuki brih wan.

Blasi Sturka 48:15

Bara witin naku aisi Josep ra ai yamnika yan: “Yang aisiki nani, Ebraham bara Aisak baha Gâdka ra bîla wali kan Gâdka ba, baha Gâdka yang aisubi takri yua ba wina naiwa kat main ai kaiki ai bri ba,

Blasi Sturka 48:16

bara insalka diara saura nani sut yang ra aula ba wina swaki ai saki ba, witin nani ba mita naha tukta nani ra yamni munbia. Tukta nani na tâka mita yang nini ba upla sut kau ban luki kabia, yang aisiki nani Ebraham, Aisak nina ba sin, witin nani ai luhpia nani ailal bribia bara tasba ra daknika tara nani takbia.”

Blasi Sturka 48:5

Baha ba aitani, nanara luhpiam nani Efraín bara Manasés ba, witin nani ba nâra Idsip tasbaya ra aisubi takan, yang naha kuntrika ra bal iwras kapri ba kainara. Bahamna witin nani ba sin yang luhpi nani pali sa, luhpi nani Ruben bara Simian luhpi aihwa ba baku.

Blasi Sturka 49:23

Pantamangka lalulkra nani ba witin ra misbara kaikisa, trisbaya nani lulkisa bara piu bani ai kupia turbisa.

Lawana Nani 128:1

Lilia pali sma man, Dawan ra kulki, bîla wali daukisma ba.

Lawana Nani 128:3

Man mayam mairin sin, wain dusa mâirira baku wamtla bîla pali ra kabia; man luhpiam nani ba tibilkam kir kabia. oliv dusa ra urhwi ba baku kabia.

Lawana Nani 80:10

Bara il nani ba ai distika ni bikan, witin ai tnawa ni dus kau purara ba sin.

Isikiel 19:11

Ai tnawa nani ba karna pali takan, king nani kingka baku takan bara tara pali pâwan bamna, kasbrika nani kat uli wan. Bâk sakan tânka taki kan purara pali pâwaia ulan ba mita; baku sin ai tnawa nani tara pali kilwi dihwan bamna.

Oseas 13:15

Ban kra Israel, twi baku tangnika baiwi kabia sin, lalma payaska ba krawbia, pâsa karna upla iwras tasbaya wina krawi, bara lâkbia laya kârma nani ba, laya aubi nani ba sin lâwbia. Waihla ba bal, mana tara dukia nani kuki bri ba, sut brih wabia.