Blasi Sturka 49:18 - DAWAN BÎLA AISKA

¹⁸ “¡Dawanki, bîlam kaikisni, swaki ai sâks!

Blasi Sturka 49:18 ပူးပေါင်းရင်းမြစ်များ

Blasi Sturka 49:17

Dan ba piuta kum baku yabal un kat iwi kabia, aras nani bal lui ba mina plakura ra sami, bara aras âiulra nani ba bataki kabia.

Lawana Nani 119:166

Dawan, bîlam kaikisni swaki ai sâkma, kan man lâmka bîla nani ba mahka daukri.

Lawana Nani 119:174

Dawan, ¡swaki ai sâkma brinki sa, yang yamni lilia daira walisna!

Lawana Nani 119:41

Man ai smalks, Dawan, man lamtwanka lâka ba, bara swaki sakan lâka ba sin; man pramis takatma ba baku.

Lawana Nani 123:2

Dawan wan Gâdka, man kat mai kaiki mamkabi banhwisni, alba waitna ai dawanka mihta kat kaiki ba baku, alba mairin ai dawanka mairin mihta kat kaiki ba baku, baku bîla kaikisna witin ai kupia yamnika aikbia.

Lawana Nani 130:5

Yang kupi aiska Dawan bîla kaikisni, ai bîla aisin ba kasak lukisni.

Lawana Nani 14:7

¡Ay, Saion ilka wina Israel luhpia nani hilpka lâka ba balbia kaka! Dawan bui ai uplika nani ba pri sakaia lâka daukbia ba ra, Jekob kiamka nani ai âuyapah kabia, Israel sut sin lilia kabia.

Lawana Nani 40:1

Yang kupi lukra ba, Dawan ra baman bîla kaikanka brisatni; bara witin bui yang ra tawi winanki nani ba walan;

Lawana Nani 62:1

Gâd ra baman yang kupia kumi lâka ba sakisna; swaki ai sakan lâka ba witin wina aula.

Lawana Nani 62:5

Yang lika Gâd ra baman kupia kumi lâka sakisni, kan yang bîli kaikanka ba sika witin wina aula.

Lawana Nani 85:7

Man Dawan, ¡lamtwanka lâka wan mariks, bara swaki wan sâks!

Impakan Sturka 15:2

Laiwana ba Dawan ra yabisna, witin lika yang karniki bara swaki ai sasakra sin ba. Witin ba yang Gâdki, yang bui witin ai nina mayunaia sna; witin ba aisiki nani Gâdka, yang bui witin ba purara bukaia sna.

Sins Lâka 14:32

Upla watawikira ba, witin ai saurka pali ba mita sauhki tikisa, upla lukanka wapni ba, ai wapnika lâka mita kan kahbisa.

Aiseya 25:9

Bara baha yua ra witin nani wibia: “Kaiks, naha sika yawan wan Gâdka, yawan lika witin ai bîla kaiki kan, nanara witin swaki wan sakan, yawan lilia kap witin swaki wan saki ba mita, yawan lilia daukpi.”

Aiseya 30:18

Sakuna Dawan lika man nani bîlam kaikisa, man nani dukiamra ai kupia swapni brisa; witin bîlam kaiki latwan mai kaiki ba mamrikisa, kan Dawan Gâd ba kasakkira sa. ¡Lilia pali sa baha nani witin kat ai lukanka mangki bri ba!

Aiseya 33:2

Dawan, yang nani ra umpira ai kaiks, yang nani lika man bîlam kaikisna. Man bui yang nani tâi baiki ai bris titan bani, wan trabil tara piua ra sin man wan swaki wan sakisma.

Aiseya 36:8

Dawanki wal lâ kum dauks, Asiria kingka; bara aras nani 2,000 yang bui man ra maikamna, man sip sma kaka aras âiulra nani yas ulbia.

Aiseya 8:17

Dawan ba Jekob uplika nani wina yukuwi kabia sin, yang lika witin ra kasak lukisna. Witin kat kaiki bîla kaikisna.

Inanka Nani 3:25

Dawan ba yamni sa, ya witin ra kasak luki nani ra, bara ya witin ra pliki nani ra sin.

Oseas 12:7

Dawan ba aisisa: “Kenan ai mihta ra implikaia paunka ba brisa, kan witin lika upla ra implikaia lihki bamna.

Miqueas 7:7

Sakuna yang lika Dawan ra baman bîla kaikamna; Gâdki swaki ai saki ba bîla kaikamni, kan Gâdki ba yang ra ai walbia.

Matiu 1:21

Witin luhpa waitna kum bribia, bara ai nina ba Jisas mâkma., Baku ai nina mâkbia, kan witin bui ai uplika nani ai saurka nani wina swaki sâkbia bamna.”

Mark 15:43

Josep Arimatea tawanka wina kan ba balan, witin lika lâ wihtka kum kan. Witin sin Gâd king aimaki ba lâka bîla kaiki kan, bara ai kupia karna brih Pailat ra wih, Jisas wîna tara ba makaban.

Luk 1:30

Bara insal ba bila: —Si bripara, Meri, Gâd mita man ra yamni pali mai kaikan sa bamna.

Luk 2:25

Baha piua nani ra, Jerusalem ra waitna kum iwi kata ai nina ba Simian. Witin lika waitna kasakkira, Dawan ra sin ai pura suni mayuni kan, Israel luhpia nani pri sâkbia ba sin bîla kaiki kata. Spirit Holikira ba witin wal kan,

Luk 2:30

Kan pat kaikri swaki takan lâka ba,

Luk 23:51

Naha Josep lika Gâd king aimaki lâka bîla kaiki kata, bamna witin lâ wihtka nani dîa dauki kan ba tilara dimras kan.

Roman 8:19

Paskanka aiska Gâd daukan ba brin pali dauki ai kainara lukisa, Gâd luhpia nani ra param takaia nani ba kaikaia.

Roman 8:25

Sakuna yawan bîla kaiki dukia ba sip kau kaikras sa kaka, wan kupia alki takaski baha ba bîla kaikaia sa.

Galesha 5:5

Sakuna yawan pât wina pri wan sakan kaia ba lika spirit ba hilpka ra kasak lukaia ba hilpka ra, bîla kaikanka brisa.

1 Tesalonaika 1:10

Bara baha nani sin aisisa, nahki man nani lika Gâd Luhpia Jisas kasbrika pura wina balbia ba bîla kaikisma ba, witinka ba sika Gâd mita pruan nani tila wina kli bukan ba. Witin mita sika pât saura aula ba wina swaki wan saki ba.