Blasi Sturka 49:1 - DAWAN BÎLA AISKA

¹ Witin ai luhpia waitna nani ba sut paiwan bara witin nani ra win: “Man nani kau laimara bal bara naika man nani ra diara takaia ba mai wimna:

Blasi Sturka 49:1 ပူးပေါင်းရင်းမြစ်များ

Lawana Nani 105:15

“Yang bui bâk sakri uplika nani ra kangpara. Yang prapitki nani ra sin saura munpara.”

Lawana Nani 25:14

Dawan bui witin ra luki mayuni uplika nani ba, ai pânika pali kulkisa; witin ai lâka daukan ba marikisa.

Aiseya 2:2

Mani nani kau lui wabia ba ningkara, Dawan ra pura sunaia watla ilka ba lika, tara pali kabia. Il wala nani sut wal kau purara kabia, bara upla sâtka nani sut bahara aidrubi banhwi kabia;

Aiseya 22:14

Bâra sika karnika sut bri Dawanka ba, yang ra param taki bara kiaima kat ai aisan: “Naha saurka daukram na, man nani ra ban swih tikan kabia apia; bara man nani pas pruma.” Dawan karnika sut bri ba aisin bîla nani sa.

Aiseya 39:6

‘Yua kumi balbia wamtla bilara diara nani uya bâra ba, bara diara nani sut pali man damikam nani mita kukan ba naiwa yua kat, baha nani aiska ba Babilon ra brih wan kabia, bara diara kumi sin swin kabia apia.

Aiseya 48:14

Man nani sut asla aidrubi bal bara wals: ¿Ya man nani tilamra bâra sa naha diara nani takaia kan ba dukiara: baha uplika yang bâk saki briri ba daukbia dîa luki ba, baha witin ai kupia kat daukbia Babilon uplika nani wal bara Caldea uplika nani masraka purara sin bâra kabia?

Aiseya 53:1

¿Ya kasak lukbia yawan dîa wali ba? ¿Bara ya purara Dawan ba ai karnika ba param sakan sa ki?

Jirimaya 23:20

Dawan kupia baiwanka ba takaskbia apia witin dîa daukaia lukan ba daukbia ba kat. Piua balbia ra bara baha man nani mita luki kaikma bara man nani baha diara nani tânka brima.

Daniel 10:1

Persia kingka Ciro mani yumhpa king aimaki kan piua ra, Daniel nina wala Beltsasar mâki ba, diara aihka kum kasak pali kan kaikan ba, sakuna tânka ba briaia karna pali kata, sakuna baha dukiara Daniel kasak pali tânka pliki kan, bara sip kan diara aihka kaikan ba tânka pain briaia.

Daniel 10:14

Baku bamna balri, naika piua ra man uplikam nani ra dîa takaia tânka ba mai wiaia, kan man diara aihka kaikram ba baha piua dukiara sa.’

Daniel 2:47

Baha ningkara, Daniel ra aisin: —Kasak pali, man nani Gâdkam ba kanra tara sa, gâd wala nani sut ba wal; king nani sut Dawanka sa, witin mita dahra prakan ba param ra sakisa, bamna man sip sma naha dahra prakan ba param ra sakaia.

Emus 3:7

Dawan ba diara kumi sin daukras sa, witin ai prapitka ra param sakras sa kaka.

Miqueas 4:1

Mani nani kau lui wabia ba ningkara, Dawan ra pura sunaia watla ilka ba lika tara pali kabia. Il wala nani sut wal kau purara kabia. Nisan nani sut bahara aidrubi banhwi kabia;

Kulki Kaikanka 24:14

Baku ba ra tasbayi ra kli mahka auna, sakuna kau waras sna ba ra, mai wiaia sna naha uplika nani naika dîa daukbia ba man uplikam nani ba wal.

Luk 2:26

bara Spirit sin witin ra maisa pakan prubia apia, Misaya Gâd mita blikaia pramis win ba kaikras kaka.

Apastil Nani Sturka 2:17

‘Gâd bila: Tnata yua nani ra naku daukamna: Yang Spiritki ba upla bani purara laikamni, bamna luhpiam waitna nani bara luhpiam mairin nani ba sin, yang witniski aisabia; wahma nani sin diara aihka kaikbia, almuk nani lika yaprisauhkan kaikbia.

Kli Smalkanka 31:12

Upla sut asla takan kaia sa, waitna, mairin bara tuktan sin, tringsar nani tawankam ra iwi ba sin lâka na aisi kaikan kabia, bara wali muni Dawan Gâdkam ra kulkaia ba lan takbia, bara ai ulbanka bilara dîa ulban ba kat sin trai kaikbia.

Kli Smalkanka 4:30

Man nani naha pâtka inanka wina luma, bara Dawan ra tawi bal ai bîla wals.

1 Timoti 4:1

Spirit ba latan wisa, piua tnata ra upla tila ba kasak lukan lâka wina tnaya ra tawbia; witin nani ba pirit kuninkira nani bîla wali daukbia, baha pirit kuninkira nani wina smalkanka nani bali ba.

2 Timoti 3:1

Baku sin man nani tânka bri kaia sma, tnata yua nani ra piua karna nani balbia.

Hibru Nani 1:2

bara nanara naha tnata yua nani na ra lika, witin mita ai Luhpia bâk wan aisin sa. Naha Luhpia na bâk Gâd mita tasba nani na paskan, bara diara nani sut ba witin mihta ra swin sa.

Hibru Nani 13:1

Man nani pana pana walkam nani aikuki, muihkam nani baku latwan lâka ba ban bri bas.

Param Marikanka 4:1

Naha diara nani ningkara, diara aihka wala kum kaikri: kasbrika purara dur kum kwâkan kan; bara baha bîla baikra trumpit baku pas pali yang ra aisan kata ba ai win: “Nâra uli bal, bara naha ningkara diara nani takaia ba mamrikamni.”