Blasi Sturka 48:20 - DAWAN BÎLA AISKA

²⁰ Baha yua pali ba, Jekob witin nani kiamka nani bal takbia ba sut dukiara luki yamni munan naha bîla nani wal: —Israel luhpia nani ba man nani ninam mâki ai luhpia nani ra yamni muni kabia. Witin nani naku wibia: ‘Gâd mita Efraín bara Manasés ra diara yamni daukan ba baku, man nani wal sin daukbia.’ Bara baku Israel mita Efraín ba Manasés tâura mangkan.

Blasi Sturka 48:20 ပူးပေါင်းရင်းမြစ်များ

Blasi Sturka 24:60

Bara witin nani naha bîla nani aisi Rebeca ra yamni win: “Âu, wan lakra mairin, ¡man milian ailal nani yaptika takma! ¡Man kiamkam nani ba, waihlam nani tawanka tara nani ba pura lubia!”

Blasi Sturka 28:3

Bara Gâd karnakira ba yamni mai munbia, kiamkam nani uya sakaia maikbia, bara kiamkam wina nisan nani ailal bal takbia.

Blasi Sturka 48:21

Baha ningkara witin Josep ra tawi win: —Nanara man kaikisma, yang pruaia pat baila sna; sakuna Dawan lika man nani wal ban kabia, tâm baikbia, damikam nani tasbaya ra kli mai bri wabia.

Kulki Kaikanka 13:11

Josep kiamka wina (baha sika Manasés) Gadí, Susí luhpia ba;

Kulki Kaikanka 13:16

Naha waitnika nani na sika tasba ba tânka yukuwi kaikaia Moses mita blikan ba. Bara Moses mita Oseas, Nun luhpia ba, nina Jasua mâkan.

Kulki Kaikanka 13:8

Efraín kiamka wina Oseas, Nun luhpia ba;

Kulki Kaikanka 7:48

Yua 7 ba Elisamá, Amihud luhpia ai prisantka ba bri balan, witin lika Efraín kiamka ba wina,

Kulki Kaikanka 7:54

Yua 8 ba Gamaliel, Pedasur luhpia ai prisantka ba bri balan, witin lika Manasés kiamka ba wina,

Hibru Nani 11:21

Kasak lukan lâka mita, Jekob ba mahka pruaia kainara, Josep luhpia bani ra yamnika nani pramis munan, bara ai kîn dusa tâura ai tâ baiki ai lal makupi, Gâd ra ai pura suni mayunan.

Jasua 17:14

Josep kiamka nani ba Jasua ra win: —¿Dîa muni lat lulki ban tasba sirpi wankram, kan yang nani na upla ailal sna bara Dawan yamni ai munan ba?