Blasi Sturka 47:6 - DAWAN BÎLA AISKA

⁶ Idsip tasbaya ra witin nani ai mihta ra sa. Gosen tasbaya ba witin nani ra yas, baha tasbaya ba kau pain sa Idsip tasbaya aiska ra. Witin nani bahara takaski iwbia. Bara witin nani ai tilara waitna nani diara daukaia sip nani ba bâra sa kaka, witin nani ba yang daiwri nani main kaikaia warkka ba daukaia yas.

Blasi Sturka 47:6 ပူးပေါင်းရင်းမြစ်များ

Blasi Sturka 13:10

Bara Lot Jordan twiya aiska ba tawi kaikan, ban Sóar tawanka sirpi ba kat. Awalka un ba lî ailal bâra sa, giadin tara kum baku. Idsip tasbaya talia kan. (Sodoma Gomora wal Dawan mita kau sauhkras kan ba piua ra kan baku kan.)

Blasi Sturka 13:9

Naha tasbaya aiska na man mamwanra bâra sa man dukiam briaia; bamna mamkabisni yang wina dakwi taks. Man yahbra tani ra wama kaka, yang waupasa tani ra wamna, man waupasa tani ra wama kaka, yang yahbra tani ra wamna.”

Blasi Sturka 20:15

Bara Abimélec witin ra win: —Nanara kaiks, tasba na sin man mamwanra sa; anira man iwaia kau pain kaikisma ba, bahara man iws.

Blasi Sturka 34:10

Naha kuntrika na man nani mihtam ra sa; wan tasbaya ra yawan aikuki iws bara warkkam nani dauks, tasba nani sin atki bris.

Blasi Sturka 45:10

Gosen tasbaya ra, luhpiam, mulam daiwram nani, bara dukiam nani brisma ba sut aikuki yang laimara iwma. Bara baku man lika yang laimara kama.

Blasi Sturka 46:34

man nani bui witin ra wima, damikam nani ai warkka bri kan warkka ba ban daukisma: sîp nani main kaikisma. Baku wima ba ra man nani sip kama, Gosen tasbaya ra maikka iwaia. Idsip uplika nani sika, lâ brisa sepad nani aikuki asla iwaia ba saura kulkisa.

Blasi Sturka 47:11

Bara Josep Idsip tasbaya ra tasba kau pain ba witin nani ra yan. Witin nani bahara iwan, king fero adarka win ba kat. Bara baku Josep aisika, muihnika nani sin Ramsés tasba pain kum brin bâra iwaia.

Blasi Sturka 47:16

Bara Josep pana witin nani ra win: —Nanara man nani lalahkam danh kaka, daiwram nani ba plun mana bri bal bara plun maikamna.

Blasi Sturka 47:4

Yang nani balri naha kuntrika ra takaskaia, kan Kenan ra plun tiwan tara bâra sa, twi sin âpu yang sîp nani pata. Pliskam pali, king, man âu wis bara yang nani Gosen tasbaya ra takaski iwamna.

Blasi Sturka 47:5

Bara king fero kli Josep ra win: —Man aisikam bara muihkam nani man wal nâra iwaia aidrubi balan sa.

1 King Nani 11:28

Bara Jeroboam ba waitna kupia karna kan, bara sin karnika ailal bri kan; Salaman mita kaikan wahma na wark tatakra waitnika sa, bara Josep kiamka aiska ba witin mihta ra mangkan.

2 Kronikas 26:10

Baha purkara upla iwras tasbaya ra tawer nani paskan, liwanhta nani sin salhkan tasba langni nani ra, waitna nani bri kan unta ra wain nasla warkka dauki kan baha ba il pliska nani ra, kan witin insla warkka dadaukra kan bamna.

Impakan Sturka 18:21

Man daukaia sma ba, upla nani tila wina pliki sâks waitna sip nani ba, Gâd sibrinka bri, kunin lâka wal iwras nani ba, ai mana saki briaia natka ra saura dauki pura praki hilp briaia lihkras uplika ba. Bara witin nani kum ra yas upla 1,000 lâka dauki kaia, wala ra upla 100 lâka dauki kaia, wala ra upla 50 lâka dauki kaia, bara wala kum ra upla matawalsip lâka dauki kaia.

Impakan Sturka 18:25

Israel luhpia nani tila wina waitna nani kau sip nani ba bâk kulki sakan, bara witin nani ra karnika yaban, upla daknika nani purara lâ daukaia. Kumi ra upla 1,000 nani yan, wala ra upla 100 nani, wala ra upla 50 nani yan bara wala ra upla nani matawalsip yan lâka daukaia.

Impakan Sturka 9:10

Moses bara Eran wal kubus wina yamhpus brin, bara king fero kaikaia wan. Bahara Moses mita king fero kaiki kan yamhpus ba pâsa ra yakaban, bamna upla bara daiwan nani sut taya ra yukri nani taki sukwi kan.

Impakan Sturka 9:21

Ban sakuna, tila kum kum lika Dawan bui witin nani ra maisa pakan dauki ba bahki kulkan, bara ai daiwra, diara nani bri kan ba sut, ban latara swin.

Sins Lâka 21:1

King lukanka ba Dawan mihta ra sa; tingni nani lî plapi ba baku nina blikisa Dawan yabalka ra brin dauki ba kat.

Sins Lâka 22:29

Ya ai warkka pain daukisa kaka, king dukia dadaukra kabia; bara upla bahki dukia dadaukra kabia apia.

Jirimaya 40:4

Bamna kaiks, mihtam silak ni priskan na nanara mahka lanhkuna. Yang wal Babilon ra waia want sma kaka, kaisa; yang main mai kaikamna. Sakuna yang wal waia want apia sma kaka, nâra bas. Tasba aiska man briaia nâra sa: man anira kau yamni kaikisma ba bâra was.

Jan 17:2

Man mita sika Luhpiam ra karnika yaram ba, upla wala nani sut purkara, raya ban kaia lâka yaia baha nani sut man mita witin ra yabram ba.

1 Samuil 21:7

Baha pali piua ra, Saúl waitnika tara kum nina Doeg, utla ba ra kan, witin lika sepad nani kiaptinka ba, Edom wina, witin sin Dawan ra mayunaia wan kan.