Blasi Sturka 47:4 - DAWAN BÎLA AISKA

⁴ Yang nani balri naha kuntrika ra takaskaia, kan Kenan ra plun tiwan tara bâra sa, twi sin âpu yang sîp nani pata. Pliskam pali, king, man âu wis bara yang nani Gosen tasbaya ra takaski iwamna.

Blasi Sturka 47:4 ပူးပေါင်းရင်းမြစ်များ

Blasi Sturka 12:10

Sakuna baha tasbaya aiska ra plun wahwan tara bâra kan, bamna Ebram Idsip ra wan plun tiwan piua ba baman bahara luaia, witin iwan ba tasbaya ra plun âpu kan ba mita.

Blasi Sturka 15:13

Bara Dawan Ebram ra win: —Naha tânka man damra walaia sma, man kiamkam nani ba tringsar baku upla wala nani tasbaya kum ra witin nani iwbia, bahara witin nani ba alba nani kabia. Mani handat walhwal witin nani ra sin rausauhkan kabia.

Blasi Sturka 43:1

Plun tiwan tara ba kuntri aiska ra kau tara taki kan.

Blasi Sturka 45:10

Gosen tasbaya ra, luhpiam, mulam daiwram nani, bara dukiam nani brisma ba sut aikuki yang laimara iwma. Bara baku man lika yang laimara kama.

Blasi Sturka 46:34

man nani bui witin ra wima, damikam nani ai warkka bri kan warkka ba ban daukisma: sîp nani main kaikisma. Baku wima ba ra man nani sip kama, Gosen tasbaya ra maikka iwaia. Idsip uplika nani sika, lâ brisa sepad nani aikuki asla iwaia ba saura kulkisa.

Blasi Sturka 47:5

Bara king fero kli Josep ra win: —Man aisikam bara muihkam nani man wal nâra iwaia aidrubi balan sa.

Lawana Nani 105:23

Baha ningkara Israel, Jekob wi ba witin ba Idsip ra iwan, tringsar baku Cam tasbaya ra.

Aiseya 52:4

Yang upliki nani ba Idsip ra wih tringsar baku iwan, piua luan ra, baha ningkara, Asiria mita pâtkas pali rausauhkan.

Apastil Nani Sturka 7:11

“Bamna plun tiwan tara bara sari tara pali sin balan Idsip tasbaya aiska ra, Kenan tasbaya aiska ra sin, bamna wan damika nani plun piaia âpu kan.

Apastil Nani Sturka 7:6

Baha purkara, Gâd win: ‘Man kiamkam nani ba tasba tringsar kum ra iwbia. Bara alba pali kabia, rau sin munan kabia mani 400.’

Kli Smalkanka 26:5

Bara Dawan Gâd lamara mai kaiki ba ra naku param aisama: ‘Damiki nani ba dakni sirpi, Aram uplika nani impapakra kan, Idsip ra diman ai pliska brih iwan, baha ningkara nisan tara kum, karnakira bara ailal sin sahwan.