Blasi Sturka 47:29 - DAWAN BÎLA AISKA

²⁹ Yu kumi Israel ai dara walan, witin ba pruaia pat baila sa. Bara ai luhpia Josep ba paiwan witin ra sturi wiaia: —Man naku diara kum dauki aikaia brin mai daukisa kaka, nanara yang karniki ra alki tâi baiks. Bara yang dîa man ra makabamna ba daukaia swer taki aisas. ¡Pliskam pali, Idsip tasbaya ra lika ai bikpara!

Blasi Sturka 47:29 ပူးပေါင်းရင်းမြစ်များ

Blasi Sturka 24:2

Yu kumi witin ai albika kum kau almuk kan ba baha ra winan balan, albika ba witin ai dukia nani sut ba main kaiki kan, bara witin ra win: —Yang karniki na ra alki,

Blasi Sturka 24:49

Bamna nanara, man nani mita ai wis man nani kunin âpu lâka ra dawanki wal yamni iwi kama, baku kaia apia kaka sin ai wis, bara yang daira walamna dîa daukaia sna ba.

Blasi Sturka 27:2

Bara Aisak bila witin ra: —Kaiks luhpi, yang pat almuk pali takri sa, ani yua pruaia sna ba yang kaikras.

Blasi Sturka 3:19

Mamwan laptika saki patam pima, tasba ra kli tawma ba kat, kan baha wina mai paskan bamna, man ba tasba yuya sma, bamna tasba yuya ra kli tawma ba kat.

Blasi Sturka 47:9

Jekob pana witin ra win: —Nanara pat 130 mani brisna, bara tasba kumi wina ban tasba wala kat impaki watauki ban sna. Ban mani ailal pali lika briras sna, sakuna piua saura nani baman brisna. Damiki nani ai rayaka yua nani ra iwan ba yua nani praiska kat sin kau alkras sna.

Blasi Sturka 48:21

Baha ningkara witin Josep ra tawi win: —Nanara man kaikisma, yang pruaia pat baila sna; sakuna Dawan lika man nani wal ban kabia, tâm baikbia, damikam nani tasbaya ra kli mai bri wabia.

Blasi Sturka 50:12

Jekob ai luhpia nani ra witin ai dukiara dîa daukaia win yaba kat, luhpia nani sin ai aisa dukiara daukan.

Blasi Sturka 50:5

Aisiki pat pruaia lamara kan ba ra, witin bui yang ra ai win, witin ra swer taki aisamna, ani yua witin prubia ba ra, Kenan tasbaya ra witin mita ai raitika pat atki swin yaba, bahara bri si bikamna. Bamna nanara, yang bui man ra mamkabisni aik aisiki bri si bikaia wamna. Witin ba bikamna ba ningkara yang kli tawi balamna.

2 Samuil 14:14

Diara kum rait sa yawan sut na pruaia; yawan na lî tasba ra laiwi ba baku sa, baha sut sip alki briras. Ban sakuna, Dawan bui upla rayaka ba bri sakras, sakuna natka nani mangkisa, plapi ba kau laihura waia apia.

2 Samuil 2:32

Baha ningkara, Asael wîna tara ba Betlehem ra brih wan, bamna bahara bikan ai papika raitika ra. Bamna Joab ai uplika nani aikuki tihmia aiska wapi lalawan, ingwi takan taim Hebrón ra banhwi kan.

2 Samuil 7:12

rayakam ba tnata alki man pruma ba ra, man kiamkam ba wina kum king mangkamna, bara yang bui ai kingka lâka ba karna daukamna.

1 King Nani 2:1

Debit mahka pruaia yua nani ba aimakan ba ra, witin ai luhpia Salaman ra smalki win:

Job 14:14

Upla kumi ba prubia ba ra, ¿kli raya takaia sip sa ki? Piua bani ra yang lika bîla kaiki kamna, warkki ba ban bâra kabia, latwan wahwanki piua ba lubia, maisa nihkra balbia ba kat.

Job 30:23

Yang pat tânka brisna prura ra ai brih waisma, baha tasbaya kum mâyara saki swiram ba upla bani dukia ba.

Job 7:1

Upla rayaka naha tasba ra ba lika suldiar kum rayaka baku sa, dîa daukaia win ba dauki tnata alkaia sa.

Lawana Nani 49:7

Sakuna upla kumi sin sip yakan ai wîna swaki sakras, purkara sin Gâd ra lalah ni aibapka swaki sâkbia apia.

Lawana Nani 49:9

baku mika ban raya kaia, bara prura mihta wina pri sâkbia.

Lawana Nani 6:5

Upla pruan ba man ra sip ai kupia krawras; ¿ya sip sa raiti bilara mamyunaia?

Lawana Nani 89:48

¡Upla nani ba, kumi sin pruras kabia apia! ¡Upla kumi sin prura karnika wina swak takbia apia!

Kli Smalkanka 31:14

Baha ningkara Dawan bui Moses ra win: “Kaiks, man prurikam ba pat baila sa; bara man Jasua ra wis man wal Dawan tintka watla ra balbia, bara yang bui witin purara warkka kahbaisna.” Bamna Moses lika Jasua wal Dawan wal aisaia watla ra wan.

Kli Smalkanka 31:16

Bara Dawan mita Moses ra win: “Man pat pruaisma, bara naha uplika nani na tringsar nani kuntrika ra dimbia ba ra aidulka nani wal aiblakwi, yang ra lulki ai swibia, bara witin nani wal lâ daukri ba slingwi tiwbia.

Hibru Nani 11:22

Kasak lukan lâka mita, Josep ba pruaia baila kan ba ra, witin aisan Israel luhpia nani ba kau naika Idsip tasbaya ba wina taki wabia, bara witin ai wîna tara wal dîa daukaia ba sin adarka yabi swin.

Hibru Nani 9:27

Upla bani ba aima kumi baman pruaia sa, bara baha ningkara Gâd mita lâka daukbia.

Jasua 2:14

Bara waitna nani ba pana witin ra win: —Yang nani rayaki pali ni man nani rayakam pali ba dukiara aisamna, yang nani nâra balri na dukiara man bîlam wina upla wala ra aisaras pali kama kaka. Dawan naha tasbaya na yang nani ra aikbia ba ra, kasak lukanka ba praiska wal, kunin âpu lâka ra yang nani bui man ra yamni mai munamna.

Jasua 23:14

“Yang lika mahka pruaisna, sakuna yang kau pruras sna ba ra brinki sa man nani kaikma, kupiam aiska bara sulkam aiska wal, Dawan pramis painkira man nani ra mai win ba, aiska aimakan, ai pramis kumi sin âpu sa daukras ba.

1 Samuil 26:10

Dawan nina ra yang swer aisisni, witin bui rayaka ba sâkbia, ai piua balbia bara prubia, apia kaka war aiklabi prubia.