Blasi Sturka 47:27 - DAWAN BÎLA AISKA

²⁷ Israel luhpia nani Idsip tasbaya ra takaski bâra iwan. Gosen tasbaya ba witin nani ai tasbaya brin, bara bahara sahwi upla ailal pali takan.

Blasi Sturka 47:27 ပူးပေါင်းရင်းမြစ်များ

Blasi Sturka 13:16

Man kiamkam ba tasba puknika ba baku ailal daukamni. Tasba puknika lupia bani upla sip kulki sakras ba baku, man kiamkam sin upla sip kulki sâkbia apia.

Blasi Sturka 17:6

Man kiamkam ba ailal pali daukamni, man wina nisan nani ailal pali bal takbia, king nani sin man wina bal takbia.

Blasi Sturka 26:4

Man kiamkam nani ba ailal daukamna, purara slilma nani ailal bâra ba baku, bara naha tasbaya nani sut kiamkam nani ra yabamna. Baha purkara, tasba aiska ra nisan nani sut ba witin nani ra praki yamniki yabamni,

Blasi Sturka 28:14

Man kiamkam nani ba auhya ailal ba baku ailal kabia. Bara yahbra ra, waupasa ra, lalma ra, muna ra sin kiamkam nani ba bâra kabia. Bara tasba aiska ba man kiamkam ra praki yamnika ailal yabamni.

Blasi Sturka 34:10

Naha kuntrika na man nani mihtam ra sa; wan tasbaya ra yawan aikuki iws bara warkkam nani dauks, tasba nani sin atki bris.

Blasi Sturka 35:11

witin ra kli naku win: “Yang na Gâd karnika aiska pali bri ba Gâdka sna. Man luhpiam bara kiamkam nani sin ailal pali brima. Man wina sin, nisan kum bal takbia bara upla sâtka nani sin bal takbia. Kiamkam nani takbia tilara, king nani sin bâra kabia.

Blasi Sturka 46:3

Bamna Gâd bila: —Yang na Gâd, man aisikam Gâdka ba. Man Idsip ra waia si bripara, bahara man kiamkam ba nisan tara daukamni.

Blasi Sturka 47:11

Bara Josep Idsip tasbaya ra tasba kau pain ba witin nani ra yan. Witin nani bahara iwan, king fero adarka win ba kat. Bara baku Josep aisika, muihnika nani sin Ramsés tasba pain kum brin bâra iwaia.

Blasi Sturka 8:7

Bara Noa usus kum saki blikan wan, sakuna ususka ba, taki wan ba wina kli tawi balras, pâli ban tauki kan tasba purara, lî sut lâwan ba kat.

Blasi Sturka 8:9

Bara butku ba, anira ai mina kahbaia watlika ba sakras kan, butku ba Noa ra kli tawi balan, kan lî nani ba tasba mawanra kau ban bâra kan bamna. Bara Noa ai mihta sakbi, butku ba alki brin, kli witin nani aikuki kaia mata ark watla ra dingkan.

Nihimaya 9:23

Yaram ai luhpia nani sin ailal, kasbrika ra slilma nani ba baku sahwan, baku sin yaia wiram ba tasbaya ra brih waram, bahara ai tasbaya bribia, ai aisika nani ra yaia wiram tasbaya ba.

Lawana Nani 105:24

Bara Gâd uplika nani ba yan ailal sahwan baha nani kau karna takan Idsip uplika nani ba wal.

Lawana Nani 107:38

Dawan sin witin nani ra yamni munisa, bara witin nani manis sahwisa bara ai daiwra nani ailal pâwisa.

Impakan Sturka 1:12

Ban sakuna, Israel luhpia nani ra kau saura muni, kau ni ailal taki kan. Bamna Idsip uplika nani ba, witin nani ra sibri bri kan.

Impakan Sturka 1:7

Sakuna Israel luhpia nani ba, luhpa nani ailal brin bamna, sahwi ailal taki bara karnakira sin takan. Tasbaya ba witin nani ni banhwan.

Sakaraya 10:8

“Yang bui witin nani ba paiwi asla kukamni, kan swaki sakri bamna. Witin nani kli ailal pali sauhbia patitara kata baku.

Apastil Nani Sturka 7:17

“Gâd bui Ebraham ra swer taki kira pramis munan yua ba pat aimakaia man kan ba ra, Israel nisanka ba Idsip ra ailal pali sahwan kan.

Kli Smalkanka 10:22

Damikam nani Idsip ra wan piua ra 70 upla baman wan, sakuna nanara lika Dawan bui ailal daukan, kasbrika ra slilma nani ba baku.

Kli Smalkanka 26:5

Bara Dawan Gâd lamara mai kaiki ba ra naku param aisama: ‘Damiki nani ba dakni sirpi, Aram uplika nani impapakra kan, Idsip ra diman ai pliska brih iwan, baha ningkara nisan tara kum, karnakira bara ailal sin sahwan.