Blasi Sturka 47:26 - DAWAN BÎLA AISKA

²⁶ Baku Josep Idsip tasbaya aiska ra lâ mangkan, upla sut insla dâki ba wina baha mânka matsip ba king fero ra yabi kabia. Bara baha lâka ba naiwa kat ban kulkisa; sakuna prîs nani lika tasba lal mana aibapras, kan witin nani ai tasbaya ba lika king fero dukia apia sa bamna.

Blasi Sturka 47:26 ပူးပေါင်းရင်းမြစ်များ

Blasi Sturka 14:20

Bara Gâd Laih Purara iwi ba nina ba mayunan kabia, witin mita sip mai daukan waihlam nani pura luram ba.” Bara Ebram witin diara nani sut dakbi brin ba wina, matawalsip wina kumi saki baha mana Melkisedek ra yaban.

Blasi Sturka 28:22

Naha walpaya playa bapanka kum bapi swisna na, naha na Gâd watla kabia; bara diara nani sut aikisma ba wina, mânka matawalsip bani ba wina, mânka kumi ba man ra maiki kamna piua sut ra.”

Blasi Sturka 41:34

Man sin nanara mahka wark nani dauks; waitna nani saki wihta lâka ra mangks, witin nani Idsip tasbaya aiska ra taki waia. Bara plun mâ nani kriki ba matsip mânka bribia, 7 mani plun ailal taki piua kat witin nani baku daukbia.

Blasi Sturka 47:22

Prîs nani tasbaya baman lika Josep atkras ban swin kan, king fero wina witin nani ra ban plawar wiria yabi kan bamna. Baha mita witin nani ai tasbaya ba atkras kan, king fero yabi kan ba wina pi kan ba mita.

Blasi Sturka 47:25

Bara upla nani ba witin ra win: —Man bui yang nani ra yamni pali ai munisma, rayaki nani swaki sakisma. ¡Bamna yang nani king fero albika takamna!

Esdras 7:24

Baku sin man nani nu kaia sma, naha dukia ba daukaia apia sma ba: prîs nani, Libait nani, aiwawanra nani, dur ra aihwawakra nani, bara tempel ra wark taki uplika nani sut sma ba, man nani lal mana bripara, diara lal mana sin sâkpara.

Isikiel 7:24

Yang mita yabrika upla tahplu nani balbia bara tawan watla nani dawanka takbia. Karnira prautka lâka nani ba danh daukamni; yabrika pliskam holikira nani ba tâski daukan kabia.

Libait Lâka 27:30

“Tasba wina plun mâ nani sâkma ba, dus mâ nani sut ba Dawan dukia bamna 10 bani ba wina kumi ba, Dawan ra yama, baha kumika ba bâk sakan witin ai dukia.

Kulki Kaikanka 18:21

Libait nani ra lika, upla nani diara matawalsip bani wina kumi yang ra aiki kaia ba, baha yama, tint watla ra witin nani wark dauki ba mana baha bri kabia.

Kli Smalkanka 14:22

“Mani bani patam mâ nani dâkma ba wina, takaskras kira matawalsip yabaia mânka nani ba tnaya ra laki swi bas.

Kli Smalkanka 26:12

“Mani yumhpa bani, matawalsip wina prisantka bri balaia, plun mâ bani wina matawalsip tnaya ra lakram ba wina Libait nani ra yaram ba, bara tringsar nani tawankam ra iwi ba, rau nani ra, piarka nani ra yaram ba witin nani want ba kat uplikam nani tilara pibia.