Blasi Sturka 47:19 - DAWAN BÎLA AISKA

¹⁹ Bamna plun mana tasbayi na bara yang nani wîni tara na sin atki bris. Bara yang nani king fero albika takamna bara tasbayi ra yang nani witin ai warkka dauki kamna. Sakuna baha sim saumuk ba man wina wankma kaka baha wal raya kamna, bara tasba ba sin bahki bîla baman bâra kabia apia. ¿Nahki muni man bui yang nani na ban ai swirka tasbayi aikuki prui tiwamna?

Blasi Sturka 47:19 ပူးပေါင်းရင်းမြစ်များ

Blasi Sturka 41:36

Bara baku plun tiwan tara ba balbia ba ra, upla nani ba ban sanglang mita prubia apia. Mani 7 pata suni swin ba baha ni dakaki kabia, 7 mani plun âpu kabia ba piua ra.

Blasi Sturka 47:15

Idsip bara Kenan uplika nani sut lalahka danh takan. Bara Idsip uplika nani, Josep ra wan baha tânka ba wiaia. Bara witin nani naku witin ra win: —Nanara man wina yang nani ra plun piaia aik. ¿Aitani sa ki yang nani na ai swirka sanglang bla pruaia, yang nani lalah âpu sna ba tâwan?

Blasi Sturka 47:18

Sakuna mani kum alki luan ba ra, kli mani raya wala ra diman ba ra, upla nani ba kli bal Josep ra aisi, win: —Pâtki wahwisna na, yang nani lika man wina sip yukukras param mai wiaia sna, yang nani lalah âpu; baha purkara, nanara yang nani daiwri nani ba sin man daiwram nani takan. Bara kau diara wala yang nani âpu sna man ra maikaia, kau yang nani wîni tara na bara tasbayi ba baman sa.

Blasi Sturka 47:20

Bara Josep Idsip tasbaya aiska ba king fero tasbaya kaia atkan. Idsip uplika nani ai tasbaya nani ba atkan, plun tiwan pâtka tara kuntri bilara iwan bamna. Bara baku baha tasbaya ba purara, king fero ai karnika ba yaban alki brin.

Job 2:4

Sakuna dahra kwakwahkra ba pana Dawan ra win: —Ani piua upla kumi taya ra pan kangbras sma kaka, diara sut ba aitani sa, uplika ba wilin pali sa dîa sip ba kat daukaia, ai rayaka swaki sakaia mata.

Inanka Nani 1:11

Upla iwi nani ba sut inisa, plun pliki wataukisa; ai yuyaka nani sut yaban sa plun mana, baku ai karnika brih raya kaia mata. ¡Dawan, kaiks, nahki kat yang aisawri ba! ¡Umpirki lâka tara brisna na, kaiki luki pan kaiks!

Inanka Nani 5:6

Yang nani mihti nani sakbisni Idsip uplika nani ra, Asiria uplika nani ra sin, plun piaia aikbia dukiara.

Inanka Nani 5:9

Rayaki pâtka tila bâk yang nani pati ba sakisna, aiklaklabra nani upla iwras tasbaya ra bâra ba tâka.

Matiu 16:26

¿Bamna upla mapara dîa hilp kabia ki tasba aiska na bribia, sakuna ai sulka ba tikbia kaka? ¿Upla ba ai sulka mana nahki aibapaia sip sa ki?