Blasi Sturka 46:5 - DAWAN BÎLA AISKA

⁵ Bara baha ningkara Israel, luhpia nani, ai aisika, tuktan nani ba, mairin nani sut ba wagin ra sunan king fero wina witin brih waia blikan ba waginka nani ra; bara Beerseba wina mahka taki wan.

Blasi Sturka 46:5 ပူးပေါင်းရင်းမြစ်များ

Blasi Sturka 21:14

Bara Ebraham baha yua wala titan pali ra buan, bamna plun bara lî sin brin sîp taya batilka ra, bara Agar ra yaban ai pahpaya ra sunan, bara tukta Ismael ba sin witin mihta ra yaban lakula dauki, bara witin nani taki wan, Beerseba upla iwras tasbaya ra. Anira auya ba ai tânka briras aimawahki tauki kan.

Blasi Sturka 45:19

Bara muihkam nani ra sin wis, Idsip wina wagin nani blikaisna, mairin nani ba tuktan nani bara man nani aisikam ba sin suni bri balaia dukiara. Bamna wis witin nani balbia.

Blasi Sturka 45:21

Bara king fero dîa aisin ba baku Israel luhpia nani ba daukan. Bara Josep sin king fero aisin ba baku, witin nani ra wagin nani yaban, yabal ra piaia pata sin plun yaban;

Blasi Sturka 45:27

Sakuna witin nani kli witin ra win, Josep ai bîla blikan ba. Bara wagin nani blikan ba sin marikan, bara witin kaikan Josep witin ai mata wagin nani blikan ba; baha kat ai kupia aimakan.

Impakan Sturka 10:24

Bara king fero bui Moses ba paiwi bri balan, bara win: —Man nani was bara Dawankam ra mayuns, luhpiam lupia nani ba sut brih was, sakuna sîpkam bara bîpkam nani ba lika sut swis.

Impakan Sturka 10:26

Baha purkara sin, yang nani daiwri nani ba yang nani wal wabia, kumi sin nahara takaskaia apia, kan yang nani baha daiwra nani tila ba wina pliki saki, baha ni Dawanki ra tingki wi mayunra dauki yaia sna. Yang nani bahara kau taki waras sna kaka, nahki nanara pat nu kamna ani daiwra ba iki, sakripais dauki yaia sna ba.

Apastil Nani Sturka 7:15

Baku sika Jekob Idsip ra wih iwan, bara ban pruan. Wan damika nani sin bahara pruan.

1 Samuil 12:8

Jekob bara ai kiamka nani sut Idsip ra wih iwan, bara Idsip uplika nani bui rausauhki kan, bara damikam nani Dawan ra winan, bamna witin Moses bara Eran wal saki blikan wan, witin nani ba Idsip wina saki naha tasbaya ra brih balan.