Blasi Sturka 46:34 - DAWAN BÎLA AISKA

³⁴ man nani bui witin ra wima, damikam nani ai warkka bri kan warkka ba ban daukisma: sîp nani main kaikisma. Baku wima ba ra man nani sip kama, Gosen tasbaya ra maikka iwaia. Idsip uplika nani sika, lâ brisa sepad nani aikuki asla iwaia ba saura kulkisa.

Blasi Sturka 46:34 ပူးပေါင်းရင်းမြစ်များ

Blasi Sturka 13:7

unsaban bâra kan: Ebram daiwra main kakaira nani ba bara Lot daiwra main kakaira nani ba wal. Bara baha purkara Kenan uplika nani bara ferezeo nani sin pliska ba ra iwi kan.

Blasi Sturka 13:8

Bamna yu kumi Ebram bila Lot ra win: “Man ba yawan wal wan taya sa, bara yamni apia sa wan tilara unsaban bri kaia, man daiwram main kakaira nani ba bara yang daiwri main kakaira nani ba wal.

Blasi Sturka 26:20

Sakuna Guerar ra sîp main kakaira nani ba, baha laya ba dukiara Aisak sîpka main kakaira nani ba aikuki blahwi kan, laya ba witin nani ai dukia win. Baha mita Aisak bal baha liwanhta nina ba mâkan “Unsaban”, kan bahara witin nani wal unsabanka bri kan bamna.

Blasi Sturka 30:35

Sakuna baha yua, Labán ai gutska wainhka bara mairin nani, taya bulni bara puputni nani ba sut kangbi tnaya ra lakan, bara ai daiwra bulni nani ba sut ai luhpia ra yaban, main kaikaia.

Blasi Sturka 34:5

Sakuna Jekob sturi ba pat walan kan, Siquem ai luhpia mairin Dina ra alki saura munan, swira daukan ba. Sakuna ai luhpia waitna nani sut twi ra ai daiwra nani main kaiki kan bamna, witin diara aisaras sâp kan, baha nani ba balbia kat bîla kaiki kan.

Blasi Sturka 37:12

Yu kumi Josep muihnika nani ba, twi pliki Siquem ra wan, ai aisa sîpka nani ba pata dakakaia.

Blasi Sturka 37:2

Naha uplika nani sika, Jekob kiamka nani ba, bara ai sturka nani ba sin. Josep wahma luhpia mani 17 bri kan ba ra, ai muihni nani aikuki, ai aisika maya wala nani Bilhá bara Zilpá luhpia nani aikuki sin, ai aisika sîpka nani ba twi ra main kaiki kan. Bilhá bara Zilpá ba Jekob lilika nani kan. Bamna Josep ai muihni nani tânka bara daukanka saura nani ba dukiara ai aisika ra dahra saki kan.

Blasi Sturka 43:32

Witin nani tibil kum ra, Josep piaia pata baman kahban, bara muihnika nani piaia pata ba lika tibil wala ra kahban. Bara Idsip uplika nani Josep wal plun piaia paiwan ba pata sin, tibil wala ra kahban. Kan Idsip uplika nani lâka ra, lâ apia kan witin nani Hibru nani aikuki asla iwi plun piaia.

Blasi Sturka 45:10

Gosen tasbaya ra, luhpiam, mulam daiwram nani, bara dukiam nani brisma ba sut aikuki yang laimara iwma. Bara baku man lika yang laimara kama.

Blasi Sturka 45:18

Bara ai aisika ai taya nani ba yang ra bri balbia. Idsip tasbaya wina diara kanra yamni ba yang bui witin nani ra yabamna; plun kau auhni naha tasbaya ra mangki saki ba wina, witin nani ai pata pibia.

Blasi Sturka 46:32

Bara witin nani ai sîpka mairin, ai bîpka mairin nani sin sut bri balan, ai dukia wala nani sin. Witin nani ai warkka ba sika sîp bara bîp nani sahwaia ba.

Blasi Sturka 47:11

Bara Josep Idsip tasbaya ra tasba kau pain ba witin nani ra yan. Witin nani bahara iwan, king fero adarka win ba kat. Bara baku Josep aisika, muihnika nani sin Ramsés tasba pain kum brin bâra iwaia.

Blasi Sturka 47:3

Bara king fero witin nani ra makabi walan: —¿Man nani dîa warkka daukisma? Witin nani pana witin ra win: —King man albikam nani, yang nani lika sîp mai kaiki sepad nani aimakisna, damiki nani warkka kan ba ban daukisna.

Blasi Sturka 47:4

Yang nani balri naha kuntrika ra takaskaia, kan Kenan ra plun tiwan tara bâra sa, twi sin âpu yang sîp nani pata. Pliskam pali, king, man âu wis bara yang nani Gosen tasbaya ra takaski iwamna.

Blasi Sturka 47:6

Idsip tasbaya ra witin nani ai mihta ra sa. Gosen tasbaya ba witin nani ra yas, baha tasbaya ba kau pain sa Idsip tasbaya aiska ra. Witin nani bahara takaski iwbia. Bara witin nani ai tilara waitna nani diara daukaia sip nani ba bâra sa kaka, witin nani ba yang daiwri nani main kaikaia warkka ba daukaia yas.

Impakan Sturka 8:22

Ban sakuna, Gosen tasbaya ra, yang upliki nani iwi banhwi ba ra lika walmu nani blikamna apia; bahara walmu âpu kabia. Baku daukamna ba wina, man kaikma yang sika Dawan, naha tasbaya ra warkki daukisna ba.

Impakan Sturka 8:26

Bara Moses pana win: —Yamni apia kabia yang baku daukaia, kan Idsip uplika nani ba daiwan ba tara pali kulki bahara ai pura sunisa. Bamna yang nani mita baha daiwan nani ba iki, Dawan Gâd ra sakripais dauki yabamna witin nani ai kaikbia kaka, yang nani kasak daira walisna, witin nani walpa ni ai sabi ai ikbia.