Blasi Sturka 46:26 - DAWAN BÎLA AISKA

²⁶ Upla nani sut Jekob wal Idsip ra wan ba, witin ai tâlia wina ai kiamka nani sahwan kan ba baman 66. Ai luhpia waitna nani, maya nani ba lika naha nani tilara kulkras kan.

Blasi Sturka 46:26 ပူးပေါင်းရင်းမြစ်များ

Blasi Sturka 34:30

Bamna Jekob bui Simian bara Libai wal ra aisi, win: —Nanara man nani mita yang na pât ra ai mangkram sa. Nanara naha tasbaya dawanka, Kenan uplika nani bara ferezeo nani ba mita yang ra misbara ai kaikbia. Witin nani asla taki yang maipara bal aiklabia. Upla maura man brisna bamna sut wan ikbia, baku sin wan taya nani ba sin sut ikbia.

Blasi Sturka 35:11

witin ra kli naku win: “Yang na Gâd karnika aiska pali bri ba Gâdka sna. Man luhpiam bara kiamkam nani sin ailal pali brima. Man wina sin, nisan kum bal takbia bara upla sâtka nani sin bal takbia. Kiamkam nani takbia tilara, king nani sin bâra kabia.

Impakan Sturka 1:1

Naha nani sika Israel luhpia nani Jekob wal Idsip ra wan ba. Bara kumi bani ai watla bîla uplika nani aikuki ai nina nani ba:

Impakan Sturka 1:5

Jekob kiamka nani ba sut asla prakan bara upla nani 70 kata. Josep lika pat Idsip ra kan.

Apastil Nani Sturka 7:14

Bamna Josep mita blikan wan, ai aisika bara ai taya nani 75 ba sut brih balaia.

Kli Smalkanka 10:22

Damikam nani Idsip ra wan piua ra 70 upla baman wan, sakuna nanara lika Dawan bui ailal daukan, kasbrika ra slilma nani ba baku.