Blasi Sturka 46:20 - DAWAN BÎLA AISKA

²⁰ Josep luhpia waitna nani wâl, Asenat wal Idsip ra baikan nani ba nina: Manasés bara Efraín. Asenat ba, On Potifera prîska ba luhpia mairin.

Blasi Sturka 46:20 ပူးပေါင်းရင်းမြစ်များ

Blasi Sturka 41:45

Bara king fero mita Josep nina ba Idsip uplika nani bîla ra Safenat-panéah mâkan, bara Asenat Potifera luhpia mairin ba wal maya baikan, witin lika tawanka ra prîs kum bâra kan ba luhpia mairin. Bara baku Josep ba Idsip tasbaya aiska mawanra wihta tara mangki swin.

Blasi Sturka 46:19

Jekob maya mairin wala ba Raquel; luhpia waitna nani ba nina Josep bara Benjamín.

Blasi Sturka 48:1

Baha wina piua wiria luan ba ra upla nani Josep ra wan, bara win papikam ba siknis sa. Bara Josep buan ai aisika ba kaikaia waia, bamna ai luhpia nani Manasés bara Efraín wal sin aikuki brih wan.

Blasi Sturka 48:20

Baha yua pali ba, Jekob witin nani kiamka nani bal takbia ba sut dukiara luki yamni munan naha bîla nani wal: —Israel luhpia nani ba man nani ninam mâki ai luhpia nani ra yamni muni kabia. Witin nani naku wibia: ‘Gâd mita Efraín bara Manasés ra diara yamni daukan ba baku, man nani wal sin daukbia.’ Bara baku Israel mita Efraín ba Manasés tâura mangkan.

Isikiel 30:17

On bara Bubastis wahmika nani ba war ra prubia, bara upla wala nani silak ra brih wabia.

Jasua 14:4

Josep kiamka nani wina wâl asla takan, Manasés bara Efraín, sakuna Libait nani lika tasba pîska kumi sin briras, ban sakuna tawan tara iwaia pliska pain brin bîp bara sîp nani sahwaia dukiara.

Jasua 17:1

Naha tasbaya sika Manasés kiamka ra yan, Josep luhpia almukka ba. Maquir ra aiklaklabra kata ba, Manasés luhpia almukka ba bara Galaad aisika, Galaad bara Basán tasbaya ba brin, Jordan lalma tani ra.