Blasi Sturka 46:1 - DAWAN BÎLA AISKA

¹ Israel ai dukia nani sut wahbi brih mahka yabal ra impakan. Witin Beerseba kat wan, bahara ai aisika Aisak Gâdka ra sakripais kum dauki yaban.

Blasi Sturka 46:1 ပူးပေါင်းရင်းမြစ်များ

Blasi Sturka 12:8

Baha wina bahara wiria takaski si kli impakan, Betel ilka untika lalmika tani ra wan; bahara ai tintka watla bapan. Betel ba muna tani ra tawan, Ai tawanka ba lalma tani ra. Baha wal lila kat altar wala kum paskan, bahara witin Dawan nina mâki ai pura sunan.

Blasi Sturka 21:14

Bara Ebraham baha yua wala titan pali ra buan, bamna plun bara lî sin brin sîp taya batilka ra, bara Agar ra yaban ai pahpaya ra sunan, bara tukta Ismael ba sin witin mihta ra yaban lakula dauki, bara witin nani taki wan, Beerseba upla iwras tasbaya ra. Anira auya ba ai tânka briras aimawahki tauki kan.

Blasi Sturka 21:31

Baha lâka nani daukan ba mita witin nani baha tasbaya nina ba Beerseba mâkan, witin nani wâlsut bahara pana pana swer taki aisin ba tâwan.

Blasi Sturka 21:33

Bâra Ebraham bui Beerseba ra tamaris dusa kum mangki, bara witin Dawan Gâd rayakira ra ai pura sunan.

Blasi Sturka 22:13

Bara Ebraham ai lal bukan bara ai ninara tawi kaikan, bara kaiks sîp wainhka kum kiaya tilara bâra sa, aringka ra kiwa ni aiblakwan; Ebraham wan bara sîpka ba alkan, bara baha wîna ni aiska angki dauki yabaia sakripaiska ba daukan, ai luhpia watlika ra.

Blasi Sturka 28:10

Bara Jekob, Beerseba wina taki Harán ra waia yabalka ra mahka wapan.

Blasi Sturka 28:13

Bara Jekob kaikan Dawan ai lamara bûi kan bara witin ra aisi kan: “Yang sika Dawan, damikam Ebraham Gâdka ba, Aisak Gâdka sin. Naha tasbaya man nâra yapisma na tasbaya man ra maikamni, man kiamkam nani ra sin.

Blasi Sturka 31:42

Yang aisiki nani Ebraham Aisak wal Gâdka ba, yang wal apia kan kata kaka, kasak pali man kupiam wina lika yang na mihti bîla baman diara luha, naha wina ai swirka waia kapri. Sakuna Dawan lika yang kupi sarka lâka ba kaiki kan bamna, yang mihti warkka nani daukri ba sin, bahamna tihmia luan ra man ra lawi mai daukan.

Blasi Sturka 31:53

Damikam Ebraham Gâdka ba bara damiki Nahor Gâd ba sin witin luki kaikbia, yawan wâl wan lâka ba nahki daukaia sapa. Bara Jekob ai aisika Aisak ra ai pura suni kan Gâdka ba dukiara swer taki aisin.

Blasi Sturka 33:20

Baha ningkara witin bahara altar kum sin paskan, altarka nina ba “Gâd ba Israel Gâdka” mâkan.

Blasi Sturka 35:3

Kaiks, yawan sut isti pali mahka Betel ra waia, bahara yang altar kumi paskaia sna, Gâd ra puri suni pain kulkanka yabaia dukiara. Yang sarki tara bri kapri witin tâi baikan, yang sin ani anira auna ba, witin sin yang wal ban watauki kan bamna.

Blasi Sturka 35:7

Bahara witin altar kumi paskan, bara tasbaya nina ba Betel Gâdka mâkan. Witin ai muihni wina sîa plapi kan bara bahara sika Gâd bui witin ra param takan ba.

Blasi Sturka 4:4

bara Abel sin baku ai prisantka bri balan, sîp nani tawahkia ba wina kau batana nani ba. Bara Dawan bui Abel prisantka ba kanra yamni kaikan,

Blasi Sturka 45:28

Bara witin naku aisin: “¡Baha wal nanara yang aitani lukisna, nanara daira waluna luhpi Josep kau raya sa! Kau raya sna na ra witin kaikaia mahka wamna.”

Blasi Sturka 8:20

Bara Noa altar kum paskan Dawan dukia, bara daiwan klin nani bani ba wina kum brin, tnawira klin nani ba wina sin kum brin, bara wîna ba angki sakripais dauki Dawan ra yan.

Job 1:5

Pata tara dauki pih luya ningkara, Job ai luhpia nani ba paiwi kan, bara titan ra bûi bara kumi bani dukiara daiwan aiska angki ai pura suni kan, witin nani ai saurka ba wina sunu daukaia dukiara. Job naha na dauki kan piua bani, ban kra luki kan ai luhpia nani ba Gâd mapara saura daukan sa sapa.

Job 42:8

Bamna nanara bîp bul 7 bara sîp wainhka 7 sin brih was duki dadaukra Job kaikaia, bara man nani dukiamra aiska angkaia sakripaiska dauks. Naipakan Job man nani dukiamra ai pura sunbia, bara yang ai pura sunra ba yamni walamna, bara man nani ra saura kumi sin mai munamna apia, kasak pali man nani klala briaia aitani sma yang dukira kasak aisi banhras kapram sakuna, naipakan Job daukan ba baku.”

Emus 7:9

Dawan ra mayunaia watla Aisak dukia nani ba sut slingban kabia, bara Israel tempelka nani ba sin sauhki tikan kabia. ¡Jeroboam taika nani mapara war aiklabaia sordka ba bukamna!

Apastil Nani Sturka 7:15

Baku sika Jekob Idsip ra wih iwan, bara ban pruan. Wan damika nani sin bahara pruan.

Jasua 24:4

bara Aisak ra luhpia wâl yâri, Jekob bara Isau. Bara Isau ra Seír tasbaya ilka unta biara ra ba yâri, sakuna Jekob bara ai luhpia nani wal lika Idsip ra wan.

1 Samuil 3:20

Bara Israel aiska, Dan wina Beerseba kat, upla sut bui Samuil ba Dawan prapitka aihwa pali kulkan.

1 Samuil 8:2

Ai luhpia almukka nina ba Joel, ningka ba Abías, witin nani Beerseba ra wihta kan.